प्रकाशित वाक्य 14:11 - लाहौली बाइबिल

¹¹ मेहू दोरच़ी हुंच़ा टूह अंऊ दोतिंङ तंग लहज़ा दुह हमेशा हुंच़ा। रात-दिन दोतु तंग लहज़ी बंद माह शवाह, छना कुचे दोच़ी घ्वंण ए दोऊ मुर्तिऊ पूजा लहज़ातेर, दोच़ी दुह घ्वंणो मिनतु छाप लेहप्तिर।

प्रकाशित वाक्य 14:11 Iomraidhean Croise

मत्ती 11:28

ए भत्ते खरे कम लहज़ाए बोझे दबेकि (कुरची) मीहरे, गिऊ कछंङ अतंई; गेह केतिंङ नह्च़ी (आराम) रमोग।

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

मत्ती 25:46

दंङ दोरे अंऊ फुचंङ हासी तोतोर अनंत सज़ा खोक्पोर पर धर्मी मीहरे अनंत जीवनंङ योर।”

इब्रानियों 1:8

पर योह पाहठी कुट्रा, “कांह परमेश्वर शुनाह, कनु राज हमेशा तचेक बणेंके बंङज़ोतो, काह केनोह राजारिंङ धर्मिकता रंङ साते राज लोहतो।

प्रकाशित वाक्य 11:15

अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 13:12

दि अई घ्वंण मुण्डो दुह घ्वंणो भत्ते अधिकार धरती ए दोऊ टोईच़ी बंङज़ा दोतंङ साते दुह मुण्डो घ्वंणो पूजा लहज़ा, अतु प्राण घातक ज़ख्म ठीक शुहचे इलजी तोहई।

प्रकाशित वाक्य 13:15

दुह अई घ्वंणा बि मुण्डो घ्वंणो मुर्ति बणाके दोबि श्रींङमी शाक्ति ला रें च़रति, झांह लेह दोई कुट्री ला तरच़ाते; दंङ दुह मुर्ति दुह भत्ते मीहतिंङ सच़िमी हुकुम रें च़रति अंऊ दोऊ पूजा माह लहज़ातेर।

प्रकाशित वाक्य 13:17

दोच़ी झांह दिऊ थल्जी लहरिर ताकि अरिला मीह छिल्ला च़ुमज़ि या लङज़ि मरपोतो अगर दोऊ टोईच़ी मुण्डो घ्वंणो मिन्दु छाप या दोऊ मिन कंड्रा ठ्रोह अक्षरो छाप माह शोतो।

प्रकाशित वाक्य 14:9

दंङ दितु थल अई इच्च़ा तीसरा स्वर्गदूत मोह्ड़े सग रंङ साते दि कुट्रा ते अति, “अंऊ अरिला दुह घ्वंणो ए दोऊ मुर्तिऊ पूजा लोहतो, दंङ एनोह फ्याहरिंङ या एनोह गुह्ट्रो टोईच़ी दोऊ छाप लेहप्चा”,

प्रकाशित वाक्य 18:18

अपेहल दोरे दुह मेहू दोरच़ी हुंच़ा टूह बि खमोर अंऊ शहरा बि रोह्चे केट्रा, दोहथर दोच़ी हाऊष रमोर, “दि मोह्ड़े शहरो ठ्रोह ऊई अरिला शहर माह।”

प्रकाशित वाक्य 18:9

“दंङ भत्ते धरतीऊ रज्ज़ा अंऊ दोच़ी दोरंङ साते कुकम लहरिर, अपेहल दोरे शहरो रोहषीरंङ टूह बि खमोर, दंङ दोरे दोऊ थल्जी क्रपोर दंङ शोक लोहर।”

प्रकाशित वाक्य 19:3

दंङ अई फेरा दोच़ी कुईर, “हालेलूय्याह! बाबेल शहरा बि नष्ट लहज़ा मेहू दोरच़ी हुंज़ा टूह अपेहल ला कम माह शोतो।”

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 22:5

दोर्तिंङ यह्च़ा अपेहला रात माह शोतो, अंऊ मीहरे दोर्तिंङ बंङज़ातोर, दोतिंङ एनोह अमरिंङ छंङी ओ थल्जी छंङीऊ ज़रूरत माह शोतो। माह ए दोतिंङ छंङी रंड्रीमी थल्जी ऐकेऊ ज़रूरत तोह। छना कुचे परमेश्वर ए तोह अंऊ मीहतु थल्जी छंङी रंड्रा। दंङ दिरे मीहरे अंऊ दोर्तिंङ बंङज़ातोर दोरे हमेशा ओ थल्जी राज लोहरे।

प्रकाशित वाक्य 7:12

अमीन! ञेंहच़ी घोषणा लहज़ातंई कि ञेंहतु परमेश्वर महान, सामर्थशाली, ए पराक्रमी, ए ज्ञानवान तोह। अतंई हेनर हमेशा-हमेशा ओ थल्जी दोऊ महिमा लोहनि दंङ दोबि धन्यवाद रमोंई। अमीन।