प्रकाशित वाक्य 14:10 - लाहौली बाइबिल

¹⁰ दंङ दुह परमेश्वरो रोहषो बट्रडा केहच़ी अंऊ मिलावट रंङ, दोऊ रोहषो कोली रिंङ केहच़ी च़रति, तुंङमोतो दंङ पवित्र स्वर्गदूतो तुईज़ी कुरच़ो तुईज़ी मेह ए गन्धको टेहषीरिंङ पढ़ेक्पोतो।

प्रकाशित वाक्य 14:10 Iomraidhean Croise

मत्ती 20:22

यीशुज़ि जुबाब रंहदो, “केहच़ी मा ञेंहनी कि केहच़ी छि पेट्रातोनि। अंऊ दुख गिह्बी खोकसिमी तोह छि केहच़ी दुह दुख उठाएपोनि आ?” दोच़ी दोबि कुह्तोर, “वेई उठाएपोनि।”

मत्ती 25:41

दंङ दोई फुचंङ हासी दोतंङ कोतो हे शापित मीहरे, गिऊ तुईज़ी हिसाब मेह मेहरिंङ अच्च़ा ईलांई अंऊ शेतान ए दोऊ मांजी आत्मातु थल्जी परमेश्वरे त्याहर लहसी शुह।

मत्ती 26:39

दंङ दुह फोआ तुंखा मोदो भारे शुई, दंङ दिह प्रार्थना लहज़ी लेहती, “हे गिऊ बाह अगर शुहबी तरपा ताह दिह कटोरा गिऊ दोरच़ी टलेके इला तांला गेह छना जुंज़ातेग ध्वांए मा शुह, दंङ केई छी जुंज़ातन ध्वांए ए शुह।”

मरकुसो 8:38

अंऊ दि कुकम लच़ाहढ ए पापी मीहतु बिचंङ गेह मीहू योह बि ए गिऊ शिक्षा ग्रहण माह लोहतो, दंङ अपेहल गेह ला घेंङौ पवित्र स्वर्गदूतारंङ साते घेंङौ बाहो महिमा रंङ साते अपोग, दंङ गेह ला दोतिंङ ग्रहण माह लोहग।

मरकुसो 9:44

अंऊर मीहबी ओमड्रा लेहपि अंऊ अपेहल ला माह सि, दंङ दोरकी मेह अपेहल ला माह सी।

प्रेरित 10:22

दोच़ी कुईर, कुरनेलियुस सुबेदारे अंऊ धर्मी ए परमेश्वरो बेह्द चेहच़ा दंङ भत्ते यहुदी मीहतु बिचंङ दुह इच्च़ा इज्ज़तदार मीह तोह, दोई इच्च़ा पवित्र स्वर्गदूतो दोरच़ी दिह हुकुम खोकसिरी, कि कनिंङ एनोह घरबारंङ बुलाके कांह दोरच़ी शिक्षा रेड्रोंई।

2 थिस्सलुनीकियों 1:7

अंऊ दुख केहच़ी हेंतेग सहन लहज़ी लेहकी तोतोंई, केतिंङ ए अंऊ ञेंतिंङ तस्सली रमतो, दि दुह मुक्का शोतो अपेहल प्रभु एनोह सामर्थी दूतातंङ साते, महस मेहू बिचंङ स्वर्गो दोरच़ी अपतो।

यहूदा 1:7

दि इस्राएली मीहरे ए स्वर्गदूता ठ्रोह, दुह मीहतंङ ला हिद तंही अंऊ सदोम ए अमोरा शहरो ए दोतु कछंङ इलाकंङ बंङज़ातेर कि दोतंङ साते छि शुहते। दोरे मीहरे कुकम लहज़ाड़ शुहचे इलिर दंङ हर पाहठी ऊ कुकम दोतु अंदरेग अच़ा अति। झांह लेह परमेश्वरे दोतिंङ मेहू दोरच़ी नाश लेह च़रति। दोतंङ साते छि शुई दुह हप्सी शिक्षा रंड्रा दोतु थल्जी इच्च़ा चेतावनी बणेंके इलि कि दोतिंङ ला अनंत मेहरिंङ सज़ा रमोर।

प्रकाशित वाक्य 16:19

बेबीलोनो मोह्ड़े शहरो षुमु खंणी शुहचे इलि, दंङ भत्ते संसारो शहर नष्ट शुहचे इलिर। छना कुचे परमेश्वरे दुह पूरा लहरी अतु दोई बाबेलो मीहतंङ सज़ा ओ वाईदा लहसी तहरे। दिबी परमेश्वरो तरफे कठोर सज़ा रंड्रीमी तहरे। दि झांह ए ठ्रोह शोतो छना दोच़ी ती मेह सरा तुंङसी शोतो, अतिंङ परमेश्वरे एनाबि दुह बट्रडा रिंङ थोरच़ी ततो अंऊ दोऊ रोहष बि कंड्रा।

प्रकाशित वाक्य 18:6

दिऊ थल्जी गेह कुट्रातग, दुह शहरा रंङ साते ला ध्वांए लोहू, छना दोई ऊईतिंङ साते लहसी ततो। दोऊ भत्ते मदम कमो थल्जी दोबि दोगुना पलटा रोंऊ। दुह शहरो थल्जी दोगुना शक्तिशाली मुसीबतो तेयारी लोह छना मुसीबते दोई ऊई मीहतंङ साते अत्याचार लहसी ततो।

प्रकाशित वाक्य 19:15

दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 20:10

दोऊ थल शेतान च़ुमसा योतो, अच़ि देश-देशो मीहतिंङ भरमाच़ा दंङ दोबि गन्धको मेहू बिचंङ छङें च़रपोतो, मतलब दुह मेह रिंङ अंऊ झीलो ठ्रोह मोह्ड़े तोह। घ्वंण ए हप्सी भविष्यवक्ता बि तुहई ए दोर्तिंङ छङें केहषी तोहई। दंङ दोर्तिंङ दुह मेहरिंङ दोतिंङ हमेशा ओ थल्जी रात-दिन तंड़पेफी शोतो।

प्रकाशित वाक्य 20:14

दुह भत्ते मीहरे अतु मिन जीवनो कताबा रिंङ च़ेहसी माह तोहई, दोतिंङ मेहू झीलारिंङ छङें च़रति। दोऊ थल, हेंतेग मौत माह, हेंतेग सिए दोतु छल्ले ठहरि माह, छना कुचे दुह भत्ते मीहरे अतु मिन जीवनो कताबा रिंङ च़ेहसी माह दोतिंङ मेहू झीलंङ छङें चरच़तो। दिबी अई मौत ला कुट्री, अंऊ कि मेहू झीलो सज़ा शुह।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।