प्रकाशित वाक्य 13:8 - लाहौली बाइबिल

⁸ धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 13:8 Iomraidhean Croise

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

लूको 10:20

पर दिरंङ खुश था शुई कि मांजी आत्मारे केहतु हुकुम मनेक्च़ातेर, पर दिरंङ खुश शुई कि केहतु मिन स्वर्गंङ च़ेहसी तोद।”

यहून्नो 1:29

“दोऊ ओइरग दोई यीशु बि एनोह हखा अपि तंङाते कुहतो, खंणु, दी परमेश्वरो कुर्च़ा शुह, अच़ि संसारो पापो उठा के शिली!

इफिसियों 1:4

परमेश्वरे सर्ग ए धरती बणाएषिमी तुहई, मसीहू दोरच़ी हेंदिंङ एनातु मीह शुहबिमी थल्जी अंङे च़रति। ताकि हेनर दोऊ नज़रारिंङ पवित्र ए निर्दोष शुहबी तरपोंई।

फिलिपियों 4:3

हे सच्चे साथी सुनतुखे, गेह करंङ साते बिनती लहज़ातग कि का दुह मेच़िमी तु मदत लोह, कि दोरे ला एनातु बिचंङ ठ्रोहका शुहचे बंङज़ोर, छना कुचे दोच़ी गेरंङ साते रूठे खबर फेलाच़िमी थल्जी, क्लेमेंस ए गिऊ ऊई साथीरंङ साते मेहनत लहरी, अतु मिन जीवनो कताबारिंङ च़ेहसी तोह।

तीतुस 1:2

दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

प्रकाशित वाक्य 12:15

दंङ, यह्च़ा दुह मेच़िमी बि ढड़ारिंङ बहाएक्च़िमी थल्जी, दुह अजगरे ढड़ो हिसाबे इच्च़ा बेंडी एनोह आहच़ि बहाएगी च़रति।

प्रकाशित वाक्य 13:12

दि अई घ्वंण मुण्डो दुह घ्वंणो भत्ते अधिकार धरती ए दोऊ टोईच़ी बंङज़ा दोतंङ साते दुह मुण्डो घ्वंणो पूजा लहज़ा, अतु प्राण घातक ज़ख्म ठीक शुहचे इलजी तोहई।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।

प्रकाशित वाक्य 21:27

पर छिल्ला धिर अपवित्र तोहई या दोरे मीहरे अंऊ दोच़ी मदम कम लहज़ातोर या हप्सी कुट्रातोर, दोतिंङ पक्‍का रूपारिंङ देर्तिंङ अपिमी इजाज़त माह तोहई। अंऊ मीहरे देर्तिंङ अपि तरपोर, दोरे, दुह मीहरे शुरे अतु मिन कुरच़ो जीवनो कताबा रिंङ च़ेहसी तोहई।

प्रकाशित वाक्य 3:10

केई गिऊ खबरो भाषे लहज़ातन ताकि अपेहल केई दुख उठाएपोन दंङ दुह धीरज़ा रंङ साते सहन लेह तरपोन। झांह लेह, गेह मोह्ड़े परीक्षा ओ मुक्का कांह रक्षा लेह तरपोग। परीक्षा ओ दि मुक्का दि संसारो भत्ते मीहतु टोईच़ी अपतो।

प्रकाशित वाक्य 3:20

रेड्रुंई, केहतु सेहमरिंङ अपिमी थल्जी, गेह दुह मीहू ठ्रोह तोतोग अंऊ चुंङो धकते खड़े तोह दंङ पेतंङ ठुकठुक लहच़ी लेहकी तोह दंङ केरे गिऊ सग रेड्रातंई दंङ गिऊ थल्जी केनातु सेहम अलज़ातंई दंङ गेह तोंखा अपोग दंङ हेनर इदि-अई दिरंङ साते संगति लोहनि।

प्रकाशित वाक्य 3:5

अंऊ मीहरे द्रक्शे यवातोर, दोरे ला दितु ठ्रोह छंङसी खमज़ेर लेह्पोतो। गेह दुह मीहू मिन दुह कताबो दोरच़ी माह ट्रिकपोग अंऊ दोर दुह मीहतु मिन च़ेहसी तोह अतु दोर अनंत जीवन तोह। अपेहल ला गेह घेंङौ बाह ए स्वर्गदूता तु तुईज़ी खड़े शोहग अंऊ दोऊ सेवा लहज़ातोर, दंङ गेह घोषणा लोहग कि गेह दि मीहबी ञेंहगा।

प्रकाशित वाक्य 5:12

दंङ दोरे जोरे-जोरे कुट्रातेर, “दुह कुरच़ा अतिंङ बलिदान लेह चरच़ातेर, दुह महिमा ओ जोगे तोह। दोऊ अधिकार महस मोह्ड़े तोह। दोऊ ज्ञान महस डुह्गे तोह। दुह महस शाक्तिशाली तोह दंङ दुह महस साहुकार तोह। अतंई हेनर दोऊ आदर लोहनि। अतंई हेंज़ी दोऊ स्तुति लोहनि।”

प्रकाशित वाक्य 5:13

दोहथल गेह स्वर्गंङ, दंङ धरतीऊ टोईच़ी, दंङ धरतीऊ योंहने ज़ि, दंङ समुन्द्रङ भत्ते रचना लहसी चीज़, दंङ भत्ते धिर अंऊ दोऊ अन्द्रेग तोह, दि कुट्री रेड्रीगा, “अतंई हेंज़ी सिंहासनो टोईच़ी बंङज़ा कुरच़ो स्तुति, आदर ए महिमा लोहनि। हमेशा-हमेशा ओ थल्जी लोहनि, छना कुचे दुह भत्ते बे शक्तिशाली तोह।”

प्रकाशित वाक्य 6:1

दोहथल गेह खंईगा कि कुरच़ा दुह निह्ज मुहरो बिचंङ इच्च़ा युप्ति; दंङ गेह पि श्रींङे प्राणी तु बिचंङ इच्च़ा बि हाऊष रंड्री रेड्रीगा। दोऊ सग गर्जनो ठ्रोह महसे तोहई। दोई कुई, “हेंतेग ईला तुखा बणेक्तु।”