प्रकाशित वाक्य 13:7 - लाहौली बाइबिल

⁷ परमेश्वरे दोबि दि अधिकार रें च़रति, कि दुह परमेश्वरो खिलाप लड़ेपोतो, दंङ दोतिंङ यहरच़े च़रपोतो, दंङ दोबि हर इच्च़ा खानदान, मीहरे, भाषा ए जाति टोईच़ी अधिकार रें च़रति।

प्रकाशित वाक्य 13:7 Iomraidhean Croise

लूको 4:6

दंङ दोरंङ साते कुहतो, “गेह दिह भत्ते अधिकार ए, भत्ते ठाट बाठ कनिङ रामोग, छना कुचे दी भत्ते गिऊ गुहड़िंङ तोह; दंङ अतिंङ ला चेयोग दोबि रें च़रपोग।

यहून्नो 19:11

यीशु ज़ि जुबाब रेंई, “अगर कनिंङ परमेश्वरो दोरच़ी रांहषी माह शुंईयां, ता कांह गिऊ टोहकठे छले अधिकार माह शुबी तोहई; दिऊ थल्जी अच़ि गिह्बी कांह हवाले लहतो, दोऊ पाप महस तोह।”

प्रकाशित वाक्य 10:11

दोहथल गेरंङ साते दि कुई, “शतह-शतह झुण्डो ए देशो मीहतिंङ, शतह-शतह भाषा कुट्रा मीहतिंङ ए रज्ज़ा तिंङ अई इच्च़ा फेरा यह्च़ा कंड्रु, अंऊ परमेश्वरे कनिंङ कंड्रीमी थल्जी कुहषी तोह।”

प्रकाशित वाक्य 11:18

ऊई जाति ज़ि रोहष लहरिर, छना कुचे हेंतेग दुह ध्याड़ा पिचे इलजे तोहई कि कनु रोहष दोतु टोईच़ी अपतो, दंङ दुह ध्याड़ा कि काह सिए दोतु फेंसला लोहन हेंतेग दुह टेम ला तोह अपेहल काह दुह भविष्यवक्ता तिंङ ईनाम रमोंन अंऊ कनु सेवा लहज़ातोर दंङ दुह भत्ते मीहतिंङ अंऊ कनु आदर लहज़ातोर, दंङ दोतिंङ अंऊ दोरे खास तोतोर दंङ अंऊ दोरे खास माह तोहर, अपेहल कि काह दोतिंङ दुह ए मुक्का नाश लेह च़रपोन अच़ि धरतीऊ टोईच़ी नाश लहज़ातोर।”

प्रकाशित वाक्य 11:7

अपेहल झुह्ट गवाह परमेश्वरो खबरो प्रचार लेह केओर, दंङ दुह मदम घ्वंण अंऊ अधोलोकंङ ज़ि हुंचोतो, दू, दुह झुल्ला मीहतंङ साते तेंङपोतो, दोतिंङ याहरषे च़रपोतो दंङ सच़ी च़रपोतो।

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 17:15

स्वर्गदूते गिऊ हखा दि ला कुई: “अंऊ महस बेंडी केई तुहई तंङसी तातन, अंऊ दोऊ टोईच़ी दुह कुकम लहज़ा मेच़िमी बंङज़ा तोहई, दुह भत्ते संसारो मीहतिंङ, रे देशो मीहतिंङ ए महस पाहठी भाषा बि कंड्रा।”

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”