प्रकाशित वाक्य 13:6 - लाहौली बाइबिल

⁶ दंङ घ्वंणे परमेश्वरा बि शाप रंड्री शुरू लेह च़रति, कि दुह दोऊ मिन्दु खिलाप, दंङ दू, दुह ठहरि ओ खिलाप कुट्री लेहती अंऊर परमेश्वर बंङज़ाते मतलब स्वर्गो, दंङ दुह भत्ते मीहतु खिलाप अंऊ स्वर्गा रिंङ बंङज़ातोर।

प्रकाशित वाक्य 13:6 Iomraidhean Croise

मत्ती 12:34

केहरे बिषज़ड़े ओमड्रो कटुतु ठ्रोह तोतोंई! केरे मांजी शुहचे छना रूठे गप्पा कुट्री तरच़ातंई? छना कुचे छि सेहमरिंङ पिंङषी तोह, दुहए आहरिंङ अपि।

मत्ती 15:19

छना कुचे मदम विचार, हत्या ऊई मेच़मीऊ थल्जी लालच, कुकम, चोरी, हप्सी गवाही ए मांजी कुट्री सेहमंङ ज़ि ए हुंज़ी।

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

रोमियो 3:13

अलसी कब्रो दोरच़ी अंजा बासो ठ्रोह दोतु गप्पा झखंजी तोह। दोतु लेह हप्सी रंङ साते पिंङे इलजी तोह। दोतु शब्द ओमड्रा बिषो ठ्रोह तोह अंऊ नुकसान लहज़ा दंङ सिमी कारण शुहचे यवात।

कुलुस्सियों 1:19

छना कुचे बाह परमेश्वरो खुशी दिरिंङ ए तोह कि परमेश्वरो भत्ते स्वभाव मसीह रिंङ बंङज़ु।

कुलुस्सियों 2:9

झांह लेह दिह मीहतु दोरच़ी धोखा थाजेंई छना कुचे मसीहू मीह फुकारिंङ परमेश्वरो भत्ते गुण खोकसा।

इब्रानियों 9:2

दि तम्बू घ्वांणातु च़मो दोरच़ी बणेंके तोहई। दू तम्बू बिचंङ, दोच़ी इच्च़ा पर्दा लेहच़ी च़रतिर दंङ झुह्ट कमरा बणाके च़रतिर। इच्च़ा कमरारिंङ इच्च़ा धूपदान तोहई अतु निह्ज ब्रन्ज़ेर तोईरे। दोर इच्च़ा मेज तोहई अंऊर परमेश्वरा बि चढ़ाएसी थल्जी रोटी चढ़ाएच़ातेर दि कमरा बि पवित्र ठहरि कुट्रातेर।

इब्रानियों 9:24

दोऊ वहज़ा ज़ि, मसीह दू पवित्र ठहरि मेहलि अतिंङ मीहच़ी बणाषी शुह, अंऊ कि परमपवित्र ठहरि ओ सिर्फ इच्च़ा नमूना तोह। पर दू स्वर्गंङ इलि अंऊर दू हेंदु फायदा ओ थल्जी परमेश्वरो तुईज़ी हाज़िर शुहबी तरपोतो।

प्रकाशित वाक्य 11:12

दोऊ थल, दुह झुह्ट मीहच़ी सर्गो दोरच़ी इच्च़ा सग रेड्रीर, अच़ि दोकु तिंङ जोरे हाऊष रेंई दंङ कुई, “देर खेका अतंई!” अपेहल दोतु बैरी खंड्रा तोईरे, दोहथर दोरे इच्च़ा डुह चोक्सा खेका स्वर्गो हखा अच़ा इलिर।

प्रकाशित वाक्य 12:12

“झांह लेह केतिंङ भत्ते तिंङ खुश शुहबी जूंस अंऊर देर स्वर्गा रिंङ बंङज़ातंई। पर अंऊ केरे धरतीऊ टोईच़ी तोतोंई दंङ अंऊ समुंद्रारिंङ तोतोर केहतु टोईच़ी तरस लेह जूंशी तोह, छना कुचे मांजी आत्माओ अगुवा शेतान योंखा केहतु कछंङ अच़ा अति। दुह हेले रिंङ महस रोषेक्च़ा तोह छना कुचे दोई चेहच़ा कि युरनाह दोऊ अंत शुहचे योतो।”

प्रकाशित वाक्य 15:5

अपेहल दि मीहच़ी गीत कुट्री बंद लेह च़रतिर, दोहथर गेह खंईगा कि स्वर्गा रिंङ मन्दिर अलसा तोहई। अंऊ कि मिलापो तम्बू ठ्रोह तोह,

प्रकाशित वाक्य 18:20

“हेंतेग अंऊ केरे स्वर्गारिंङ बंङज़ातंई! परमेश्वरो मीहरे! प्रेरित ए नवी रे! दि पाहठी खुशी मनेक्तुंई, छना कुचे परमेश्वरे दुह शहरो टोईच़ी एनोह न्याय चरच़तो, दुह बुराईयो थल्जी अंऊ दोई केतंङ साते लहसी ततो।”

प्रकाशित वाक्य 21:3

दंङ गेह इच्च़ा सग रेड्रीगा अंऊ परमेश्वरो सिंहासनो दोरच़ी कुट्री, “खंणु! एंतेग परमेश्वर मीहतु बिचंङ वास लोहतो दंङ एंतेग बेहच़ी परमेश्वर दोतंङ साते बंङज़ोतो, दंङ दोरे दोऊ मीहरे शोरे। दुह एनाह, दोतिंङ एनोह मीहतु रूपारिंङ स्वीकार लोहतो दंङ दुह दोतंङ साते बंङज़ोतो, दंङ दोरे ला दोबि एनोह परमेश्वरो रूपा रिंङ स्वीकार लोहर।

प्रकाशित वाक्य 4:1

दि भत्ते गप्पा खंड्रिमी थल, गेह स्वर्गो इच्च़ा पेतंङ अलसी तंङरिगा। दंङ अरिया गिऊ हखा गप्पा लहज़ी लेहकी तोहई दंङ कुट्रा दुह ए तोहई अतिंङ गेह तुहई ला रेड्रातेग, अतु सग तुरही सगो ठ्रोह तोहई। दंङ दोई गिऊ हखा कुई, “गिऊ कछंङ देर खेका अता: दंङ गेह कनिंङ दुह गप्पा कमोग, अतु दिह गप्पो थल पूरा शुहबी ज़रूरी तोह।”

प्रकाशित वाक्य 4:4

दंङ दुह सिंहासनो पिला हासी निंज़ो पी ऊई सिंहासन तोतोर। दंङ दि सिंहासनो टोहकठे निंज़ो पी छंङी खमज़ेर लहज़ा बंङज़ा तोतोर, दंङ दोतु पुन्ज़ो टोईच़ी ज़ङों मुकुट तोतोर।

प्रकाशित वाक्य 5:13

दोहथल गेह स्वर्गंङ, दंङ धरतीऊ टोईच़ी, दंङ धरतीऊ योंहने ज़ि, दंङ समुन्द्रङ भत्ते रचना लहसी चीज़, दंङ भत्ते धिर अंऊ दोऊ अन्द्रेग तोह, दि कुट्री रेड्रीगा, “अतंई हेंज़ी सिंहासनो टोईच़ी बंङज़ा कुरच़ो स्तुति, आदर ए महिमा लोहनि। हमेशा-हमेशा ओ थल्जी लोहनि, छना कुचे दुह भत्ते बे शक्तिशाली तोह।”

प्रकाशित वाक्य 7:15

दिऊ थल्जी ए दोरे परमेश्वरो सिंहासनो तुईज़ी खड़े तोतोर, दोरे हर टेम निरा या रात परमेश्वरो चुंङ दोऊ सेवा लहज़ातोर; दंङ दोतु देखभाल दोऊ दोरच़ी ए शवाह अंऊ सिंहासन टोईच़ी बंङज़ा तोह छना कुचे दुह दोर्तिंङ दोतंङ साते तोह।

प्रकाशित वाक्य 7:9

दोऊ थल गेह खंईगा कि मीहतु इच्च़ा मोह्ड़े भीड़ तोहई कि अरिला दोबि मिक्च़ी मरच़ाते। दुह संसारो हर जाति, गोत्र, राष्ट्र दंङ भाषा ओ दोरच़ी तोईरे। दोरे सिंहासन ए कुरच़ो तुईज़ी खड़े तोईरे। दोच़ी छंङसी खमज़ेर लेहसी ताहरेर दंङ हर इच्च़ा मीह एनोह गुह्ट्र रिंङ खजूरो डाड़ी च़ुमसी तहरे अंऊ दोतु आदरो निशानी तोहई।