प्रकाशित वाक्य 13:5 - लाहौली बाइबिल

⁵ परमेश्वरे घ्वंणा बि एनोह अधिकारो पाहठी घमण्ड लहज़िमी अधिकार रें च़रति कि झांह ठ्रोह दोई परमेश्वरो अपमान लोहतो। परमेश्वरे दोबि निह्जो झुह्ट लाह तचेक दि अधिकार तहज़िमी हुकुम रांई।

प्रकाशित वाक्य 13:5 Iomraidhean Croise

2 थिस्सलुनीकियों 2:3

दि गप्पो पाहठी अंऊ रीतिरंङ साते अतुआ धोखा रिंङ थादेंई। छना कुचे प्रभु यीशु मसीहू यह्च़ा वापिस अपिमी बे तुहई, इच्च़ा ध्याड़ा अपतो अपेहल महस मीहच़ी परमेश्वरो विरोध लोहर। “दंङ दुह मदम मीह अपतो अतु नाश शुहबी ज़रूरी तोह।”

2 थिस्सलुनीकियों 2:4

दुह परमेश्वरो ए दुह भत्ते हप्सी भगवानो ए ऊई ला महस चीज़ा तु विरोध लोहतो अंऊ दोतु मीहच़ी अराधना लहज़ातोर, दंङ दोई एनाबि दुह भत्ते तिंङ बे मोह्ड़े शोतो। देर तचेक कि दुह मदम मीह एनाबि परमेश्वरो मंदिरंङ बंङज़ा एनाबि परमेश्वर शुहबिमी दावा लोहतो।

2 थिस्सलुनीकियों 2:8

दिऊ थल दुह मदम मीह प्रगट शोतो, अतिंङ प्रभु यीशु एनोह हुकुम ए एनोह अपिमी महिमा ओ छंङी रंङ साते दुह मदम मीह बि सच़ी च़रपोतो।

प्रकाशित वाक्य 11:7

अपेहल झुह्ट गवाह परमेश्वरो खबरो प्रचार लेह केओर, दंङ दुह मदम घ्वंण अंऊ अधोलोकंङ ज़ि हुंचोतो, दू, दुह झुल्ला मीहतंङ साते तेंङपोतो, दोतिंङ याहरषे च़रपोतो दंङ सच़ी च़रपोतो।

प्रकाशित वाक्य 12:14

पर परमेश्वरे दि मेच़िमी बि उकाबो झुह्ट पाख रांई ताकि दुह ठाहरीरिंङ पिचे योतो अंऊ सुनसान ठाहरीरिंङ दोऊ थल्जी तेयार लहसी तोह। दंङ दोर्तिंङ साढ़े षुमु साल तचेक दोऊ देखभाल लहरी ताकि अजगर दोऊ कछंङ तचेक पिपि माह जूंस।

प्रकाशित वाक्य 12:6

दंङ दुह मेच़िमी दुह सुनसान ठहरि ओ हखा पोकषे इलि, अंऊर परमेश्वरो तरफे दोऊ थल्जी तेयार लहसी तोहई कि दोर्तिंङ इच्च़ा हज़ार झुह्ट राह षुमु निह्जा ध्याड़ा तचेक टूड्री जूंस।

प्रकाशित वाक्य 13:7

परमेश्वरे दोबि दि अधिकार रें च़रति, कि दुह परमेश्वरो खिलाप लड़ेपोतो, दंङ दोतिंङ यहरच़े च़रपोतो, दंङ दोबि हर इच्च़ा खानदान, मीहरे, भाषा ए जाति टोईच़ी अधिकार रें च़रति।