प्रकाशित वाक्य 13:3 - लाहौली बाइबिल

³ दोऊ पुन्ज़ो बिचंङ इच्च़ा पुंज़ा रिंङ महस ज़ख्मो निशान तोहई, अंऊ दोऊ मौतो वहज़ा बणेंके योतो, पर दि ठीक शुहचे इलजी तोहई। झांह लेह धरतीऊ मीहरे हेरान तोईरे दंङ दोरे दुह घ्वांण साथी बणेंके इलिर।

प्रकाशित वाक्य 13:3 Iomraidhean Croise

लूको 2:1

दुह ध्याड़ारिंङ ओगुस्तुस मिन्दु रोमी महाराजा ज़ि हुकुम रन्दो कि रोमी राज्यो भत्ते मीहरे केनातु-केनातु मिन दर्ज लांई।

यहून्नो 12:19

दोथर फरीसी मीह ज़ि एनातु बिचंङ कुईर, “सोचेक्तुई, ञेंहच़ी छले लेह मरपोंई; खंणुई, भत्ते संसारो मीहरे दोऊ थले शुहचे इल्दोर।”

प्रेरित 8:13

दोहथल शमौन ऐनाह ला फिलिप्पुसो शिक्षा ओ टोहकठे बिशवास लहरी दंङ बपतिस्मा लेहपच़ा। दंङ अंऊर फिलिप्पुस यवाते दुह ला दोऊ थले यवाते, दंङ दुह चमत्कार ए मोह्ड़े-मोह्ड़े सामर्थो कम शुहबी खंड्रिमी रंङ साते हेरान शुहचे य्वाते।

प्रकाशित वाक्य 13:12

दि अई घ्वंण मुण्डो दुह घ्वंणो भत्ते अधिकार धरती ए दोऊ टोईच़ी बंङज़ा दोतंङ साते दुह मुण्डो घ्वंणो पूजा लहज़ा, अतु प्राण घातक ज़ख्म ठीक शुहचे इलजी तोहई।

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 17:10

दोतु बिचंङ ङा ता तुहई ए सिए इलजी तोतोर। दितु बिचंङ इच्च़ा हेंतेग रज्ज़ा तोह; दंङ थल मुखंङ दुह हेंतेग तचेक अंज़े माह। पर अपेहल दुह अपतो, दंङ दुह सिर्फ थोड़े टेमो थल्जी राज लोहतो।

प्रकाशित वाक्य 17:11

अंऊ घ्वंणो तुहई तोहई, दंङ एंतेग माह, दुह एनाह ए आठवां रज्ज़ा शुह; पर दुह आठवां रज्ज़ा तुहई कि निह्ज रज्ज़ा तु बिचंङ इच्च़ा तोह। दंङ थल मुखंङ दुह रज्ज़ा बि पक्‍का रूपारिंङ हमेशा ओ थल्जी सज़ा खोकसोतो।

प्रकाशित वाक्य 17:13

दि भत्ते सा रज्ज़ा तु इच्च़ा ए मकसद तोह, ऐनातु-ऐनातु सामर्थ ए अधिकार दुह घ्वंणबि रें च़रपोर।

प्रकाशित वाक्य 17:17

“दुह मेच़िमी अपि केई खांहषी तरेर, दुह दि मोह्ड़े शहर शुह अंऊ धरतीऊ टोईच़ी भत्ते रज्ज़ा तु टोईच़ी राज लहज़ा। दि चीज़ारे दोरंङ साते शुई, छना कुचे परमेश्वरे एनोह मकसद पूरा लहज़िमी थल्जी दोतु सेहमो निर्देशन लहरी। दिए वहज़ा तोह कि दोच़ी एनोह अधिकार घ्वंणा बि रें च़रतिर कि दोई राज लोहतो, अपेहल तचेक कि दुह भत्ते पूरा माह शोतो अंऊ परमेश्वरे कुहषी ततो।”

प्रकाशित वाक्य 17:6

दंङ गेह खंईगा कि दुह मेच़िमी परमेश्वरो मीहतु शुहई ओ नशा रिंङ तोहई, मतलब दुह मीहतु अंऊ दोतिंङ मीहच़ी सच़ी च़रतिर छना कुचे दोरे यीशु पाहठी विशवासो जोगे तोईरे। दोबि खंड्रा गिह्बी महस हेरानी शुई।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।