प्रकाशित वाक्य 13:17 - लाहौली बाइबिल

¹⁷ दोच़ी झांह दिऊ थल्जी लहरिर ताकि अरिला मीह छिल्ला च़ुमज़ि या लङज़ि मरपोतो अगर दोऊ टोईच़ी मुण्डो घ्वंणो मिन्दु छाप या दोऊ मिन कंड्रा ठ्रोह अक्षरो छाप माह शोतो।

प्रकाशित वाक्य 13:17 Iomraidhean Croise

गलातियों 6:17

तुंखा अच़िला गिह्बी दुख था रांही, छना कुचे गिऊ फुकारिंङ अंऊ दाग तोतोर दोच़ी कंड्रातोर कि गेह यीशु मसीहू इच्च़ा प्रेरित शुगाह।

प्रकाशित वाक्य 13:16

अई घ्वंणे खास ए खास मेह, साहुकार ए गरीब, परगर या अंऊ दोरे परगर माह तोईरे मतलब भत्ते मीहतिंङ मज़बूर लहरी कि दुह मुण्डो घ्वंणो मिन एनोह सुचंङ गुहट्ररिंङ या एनोह फ्याह ओ टोईच़ी छाप लगाएपोतो।

प्रकाशित वाक्य 13:18

दि चिन्ह समझेक्सिमी थल्जी ज्ञानो ज़रूरत तोह। पर अपि ज्ञान तोह, दंङ दि पता लगाके च़रपोतो कि दि घ्वंणो अक्षरो मतलब छि शुह। छना कुचे दि इच्च़ा मीहू मिन शुह। दि गिनतीऊ मिन त्रुई राह टोहकठे षुमु निज़ो त्रुई तोह।

प्रकाशित वाक्य 14:11

मेहू दोरच़ी हुंच़ा टूह अंऊ दोतिंङ तंग लहज़ा दुह हमेशा हुंच़ा। रात-दिन दोतु तंग लहज़ी बंद माह शवाह, छना कुचे दोच़ी घ्वंण ए दोऊ मुर्तिऊ पूजा लहज़ातेर, दोच़ी दुह घ्वंणो मिनतु छाप लेहप्तिर।

प्रकाशित वाक्य 14:9

दंङ दितु थल अई इच्च़ा तीसरा स्वर्गदूत मोह्ड़े सग रंङ साते दि कुट्रा ते अति, “अंऊ अरिला दुह घ्वंणो ए दोऊ मुर्तिऊ पूजा लोहतो, दंङ एनोह फ्याहरिंङ या एनोह गुह्ट्रो टोईच़ी दोऊ छाप लेहप्चा”,

प्रकाशित वाक्य 15:2

दंङ गेह छा तंङरिगा अतु चौड़ाई समुंद्रो ठ्रोह तोहई, दि मेह च्वासी अरशीहू ठ्रोह तंङफाते। दंङ दुह समुंद्रो मुखंङ अंऊ अरशीहू ठ्रोह तोहई, गेह महस मीहतिंङ खड़े शुहबी तंङरिगा। दोरे, दुह मीहरे तोईरे अच़ि दुह घ्वंणा बि याहरच़ा तेर, छना कुचे दोच़ी दोऊ अराधना लहज़िमी रंङ साते इंकार लेह च़रतिर, दोच़ी दोऊ मुर्ति ऊ अराधना लहज़िमी रंङ साते दंङ दुह गिनती ओ चिन्ह खोकच़िमी दोरच़ी इंकार लेह च़रति अतु मतलब दोऊ मिन शुह। दोरे यहरच़ा दुह समुंद्रो मुखंङ खड़े तोईरे अंऊ अरशीहू ठ्रोह तोहई, दोच़ी दुह तारो ठ्रोह कुलड्रिमी यंत्र च़ुमसी तरेर अंऊ दोतिंङ परमेश्वरो तरफे रांहषी तोहई।

प्रकाशित वाक्य 17:5

दोऊ फ्याह ओ टोईच़ी इच्च़ा शीर्षक च़ेहसी तोहई अंऊ गुप्त तोहई। दोर्तिंङ दि च़ेहसी तोहई: मोह्ड़े शहर बेबीलोन, कुकम लहज़ाड़ो तु तरफे संसारो भत्ते मदम चीज़ा तु याह शुह।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।

प्रकाशित वाक्य 22:4

दोरे परमेश्वरा बि एनोह सामटे खमोर, दंङ परमेश्वरो मिन दोतु फ्याह ओ टोईच़ी च़ेहसी शोतो।

प्रकाशित वाक्य 3:12

अंऊ दोई जय खोकपोतो दुह मंदिरो थम्मो ठ्रोह शोतो, अतु गेह अराधना लहज़ातग, दंङ दोतिंङ दोबि अपेहल ला छोड़ेक्सी माह पढ़ेक्पोतो। गेह दोऊ फुका रिंङ गिऊ परमेश्वरे ए परमेश्वरो शहरो मिन च़ेओग, दि दुह ए शुह अपि खरकोई यरूशलेम ला कुट्री। दि दुह ए शहर शुह अंऊ स्वर्गंङ ज़ि, मतलब गिऊ परमेश्वरो दोरच़ी योंखा अपतो। गेह दोऊ फुकारिंङ इच्च़ा खरकोई मिन च़ेओग।

प्रकाशित वाक्य 7:3

“अपेहल तचेक हेनर हेंदु परमेश्वरो दासातु फ्याह ओ टोईच़ी मुहर लगाके माह केओनि, धोंण तचेक धरती ए समुंद्र दंङ बुटातिंङ नुकसान था लंहि, ताकि दोरे दुह मुसीबतो दोरच़ी दुखी शुहबी माह जूंस,