प्रकाशित वाक्य 13:16 - लाहौली बाइबिल

¹⁶ अई घ्वंणे खास ए खास मेह, साहुकार ए गरीब, परगर या अंऊ दोरे परगर माह तोईरे मतलब भत्ते मीहतिंङ मज़बूर लहरी कि दुह मुण्डो घ्वंणो मिन एनोह सुचंङ गुहट्ररिंङ या एनोह फ्याह ओ टोईच़ी छाप लगाएपोतो।

प्रकाशित वाक्य 13:16 Iomraidhean Croise

प्रेरित 26:22

पर परमेश्वरे गिऊ मदत लहज़ी लेहकी तोह दोई गिह्बी दि ध्याड़ा तचेक बचाके तहसी ततो। दिऊ थल्जी गेह देर खड़े शुचि कुट्रातग दुह भत्ते मीहतिंङ अंऊ कवचि तोतोर या मोह्ड़े कि अरि यीशु शुह, दंङ गेह दू गप्पा छोड़ेके ऊई छिल्ला माह कुट्रातग, अंऊ भविष्यवक्ता ए मूसा ओ कानूने ला कुई कि शुहबिमी तोह,

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।

गलातियों 3:28

दंङ हेंतेग माह ए अरिया यहुदी तोह दंङ माह ए ऊई जाति, माह अरिया दास तोह दंङ माह ए अरिया आज़ाद, ए स्वतंत्र, माह ता अरिया गंङमी दंङ माह ए मेच़िमी, केरे भत्तेर यीशु मसीह रिंङ इच्च़ा शुहचे इलजी तोतोंई।

गलातियों 6:17

तुंखा अच़िला गिह्बी दुख था रांही, छना कुचे गिऊ फुकारिंङ अंऊ दाग तोतोर दोच़ी कंड्रातोर कि गेह यीशु मसीहू इच्च़ा प्रेरित शुगाह।

इफिसियों 6:8

छना कुचे केहच़ी ञेंच़ातंई, कि अंऊ दू छना रूठे कम लोहतो, चाहे दास शुह, चाहे आज़ाद मीह, दू कमो प्रतिफल दोई प्रभु दोरच़ी ए खोकपोतो।

कुलुस्सियों 3:11

झांह लेह यूनानी मीहतु ए यहुदी तु मीहतु बिचंङ छल्ले भेदभाव माह केहषीरि, माह अरिया खतना दंङ माह ए अरिया खतना मेह मीहतु बिचंङ, माह परदेशी मीहरे, माह बेढंघा मीहरे (असभ्य), माह परगर मीहरे दंङ माह ए आज़ाद मीहतु; पर मसीह ए भत्ते बे मोह्ड़े तोह, दंङ दुह एनोह भत्ते मीहतंङ साते बंङज़ा।

2 तीमुथियुस 3:8

दिरे हप्सी शिक्षा रंड्रा सच्चा खबरो विरोध लहज़ातोर, छना यन्नेस ए यम्ब्रेसे मूसा ओ विरोध लहज़ातेर, दितु बुद्धि भ्रष्ट शुहचे इलजी तोह, दंङ दोरे हेले रिंङ मसीहू टोहकठे विशवास माह लहज़ातोर।

प्रकाशित वाक्य 11:18

ऊई जाति ज़ि रोहष लहरिर, छना कुचे हेंतेग दुह ध्याड़ा पिचे इलजे तोहई कि कनु रोहष दोतु टोईच़ी अपतो, दंङ दुह ध्याड़ा कि काह सिए दोतु फेंसला लोहन हेंतेग दुह टेम ला तोह अपेहल काह दुह भविष्यवक्ता तिंङ ईनाम रमोंन अंऊ कनु सेवा लहज़ातोर दंङ दुह भत्ते मीहतिंङ अंऊ कनु आदर लहज़ातोर, दंङ दोतिंङ अंऊ दोरे खास तोतोर दंङ अंऊ दोरे खास माह तोहर, अपेहल कि काह दोतिंङ दुह ए मुक्का नाश लेह च़रपोन अच़ि धरतीऊ टोईच़ी नाश लहज़ातोर।”

प्रकाशित वाक्य 15:2

दंङ गेह छा तंङरिगा अतु चौड़ाई समुंद्रो ठ्रोह तोहई, दि मेह च्वासी अरशीहू ठ्रोह तंङफाते। दंङ दुह समुंद्रो मुखंङ अंऊ अरशीहू ठ्रोह तोहई, गेह महस मीहतिंङ खड़े शुहबी तंङरिगा। दोरे, दुह मीहरे तोईरे अच़ि दुह घ्वंणा बि याहरच़ा तेर, छना कुचे दोच़ी दोऊ अराधना लहज़िमी रंङ साते इंकार लेह च़रतिर, दोच़ी दोऊ मुर्ति ऊ अराधना लहज़िमी रंङ साते दंङ दुह गिनती ओ चिन्ह खोकच़िमी दोरच़ी इंकार लेह च़रति अतु मतलब दोऊ मिन शुह। दोरे यहरच़ा दुह समुंद्रो मुखंङ खड़े तोईरे अंऊ अरशीहू ठ्रोह तोहई, दोच़ी दुह तारो ठ्रोह कुलड्रिमी यंत्र च़ुमसी तरेर अंऊ दोतिंङ परमेश्वरो तरफे रांहषी तोहई।

प्रकाशित वाक्य 19:18

“अतंई ए रज्ज़ा रे, सैनिका तु अगुवारे, शक्तिशाली सैनिकारे, रहंङ ए दोतु सवारी तु सिए फुको षाह ज़ैंई। केरे भत्ते पाहठी सिए मीहतु षाह ज़ेई तरपोंई, मतलब, दास ए आज़ाद, मोह्ड़े ए कवचि झुल्लो।”

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 19:5

दंङ गेह अपि आ कुट्री रेड्रीगा, दंङ झांह चेहसिरी छना दि सग परमेश्वरो सिंहासनो दोरच़ी अंज़े शुह। दोई कुई, “हे ञेंहतु परमेश्वरो सेवकारे दंङ केरे अंऊ दोऊ बेह्द चेहच़ातंई, चाहे मोह्ड़े तोतोंई या कवचि परमेश्वरो स्तुति लंहि!”

प्रकाशित वाक्य 20:12

दंङ गेह सिए मीहतिंङ दुह सिंहासनो तुईज़ी तंङरिगा, मतलब दोतिंङ अंऊ खास ए आम मीहरे तोतोर। दोरे मीहरे अंऊ समुंद्र डुमज़े सिए इलजी तोईरे, दंङ क्रबो भत्ते सिए मीहरे, दंङ दोरे मीहरे अंऊ सिए दोतु ठहरि तोईरे, दोरे भत्ते दुह सिंहासनो तुईज़ी खड़े शुहचे इलिर। दंङ कताबर अलसा इलि, अंऊर जीवनो कताब ला शामिल तोह। दंङ कताबा रिंङ च़ेहसी गप्पो हिसाबे दोतु फेंसला शुहचे इलि, दोऊ हिसाबे अंऊ दोच़ी लहसी तरेर। दुह भत्ते तु दोतु कमो हिसाबे फेंसला शुई।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।

प्रकाशित वाक्य 6:15

अतु नतीज़ा दि शुई कि, धरतीऊ भत्ते मीहरे, अतिंङ रज्ज़ा, ए प्रधान, दंङ सेनापति, दंङ साहुकार ए सामर्थी मीहरे, दंङ हर इच्च़ा दास, दंङ हर इच्च़ा दुह मीह अंऊ गुलाम माह, गोह खोहरिंङ ए चटानो बिचंङ ब्याके इलिर;

प्रकाशित वाक्य 7:3

“अपेहल तचेक हेनर हेंदु परमेश्वरो दासातु फ्याह ओ टोईच़ी मुहर लगाके माह केओनि, धोंण तचेक धरती ए समुंद्र दंङ बुटातिंङ नुकसान था लंहि, ताकि दोरे दुह मुसीबतो दोरच़ी दुखी शुहबी माह जूंस,