प्रकाशित वाक्य 13:15 - लाहौली बाइबिल

¹⁵ दुह अई घ्वंणा बि मुण्डो घ्वंणो मुर्ति बणाके दोबि श्रींङमी शाक्ति ला रें च़रति, झांह लेह दोई कुट्री ला तरच़ाते; दंङ दुह मुर्ति दुह भत्ते मीहतिंङ सच़िमी हुकुम रें च़रति अंऊ दोऊ पूजा माह लहज़ातेर।

प्रकाशित वाक्य 13:15 Iomraidhean Croise

याकूब 2:26

छना फुक सग मेह सिए दोतु ठ्रोह तोह, ध्वांए ए विशवास या धर्म ओ कम मेह बेकार तोह।

प्रकाशित वाक्य 13:1

गेह अई इच्च़ा घ्वंण बि समुंद्रो दोरच़ी हुंज़ी खंईगा, अतु साह डे ए निह्ज पुन्ज़ा तोईरे। दंङ दोऊ हर डे रिंङ परमेश्वरो मिन च़ेहसी तोहई अतु इस्तेमाल लहज़िमी दोबि छल्ले अधिकार माह तोहई।

प्रकाशित वाक्य 13:12

दि अई घ्वंण मुण्डो दुह घ्वंणो भत्ते अधिकार धरती ए दोऊ टोईच़ी बंङज़ा दोतंङ साते दुह मुण्डो घ्वंणो पूजा लहज़ा, अतु प्राण घातक ज़ख्म ठीक शुहचे इलजी तोहई।

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 14:11

मेहू दोरच़ी हुंच़ा टूह अंऊ दोतिंङ तंग लहज़ा दुह हमेशा हुंच़ा। रात-दिन दोतु तंग लहज़ी बंद माह शवाह, छना कुचे दोच़ी घ्वंण ए दोऊ मुर्तिऊ पूजा लहज़ातेर, दोच़ी दुह घ्वंणो मिनतु छाप लेहप्तिर।

प्रकाशित वाक्य 14:9

दंङ दितु थल अई इच्च़ा तीसरा स्वर्गदूत मोह्ड़े सग रंङ साते दि कुट्रा ते अति, “अंऊ अरिला दुह घ्वंणो ए दोऊ मुर्तिऊ पूजा लोहतो, दंङ एनोह फ्याहरिंङ या एनोह गुह्ट्रो टोईच़ी दोऊ छाप लेहप्चा”,

प्रकाशित वाक्य 16:2

दिऊ थल्जी पहला स्वर्गदूते अंऊ कोलीरिंङ तोहई दोबि धरतीऊ टोईच़ी फुचंङ लेह च़रति। अंऊ दोऊ कोलीरिंङ तोहई। दंङ दुह मीहतिंङ अंऊ दोतु टोईच़ी घ्वंणो छाप तोहई या अंऊ दोच़ी दोऊ मुर्ति ऊ पूजा लहज़ातेर, दुह मीहतु टोईच़ी टेहषी ए बेह्द अंज़े फोह्ल हुंच़िरी।

प्रकाशित वाक्य 16:5

दंङ गेह दुह स्वर्गदूता बि अतिंङ भत्ते तिऊ टोईच़ी अधिकार तोह, परमेश्वरो हखा दि कुट्री रेड्रीगा, “हे पवित्र परमेश्वर, अंऊ तोह, दंङ अंऊ तोहई, कनिंङ झांह ठ्रोह न्याय लहज़िमी अधिकार तोह।

प्रकाशित वाक्य 17:14

दोरे कुरच़ो खिलाप लड़ेपोर, पर कुरच़ा दोतिंङ यहरच़े च़रपोतो, छना कुचे दुह प्रभु तु प्रभु ए रज्ज़ा तु रज्ज़ा शुह। कुरच़े एनोह बुलासी दोरे, अंङषी दोरे दंङ विशवासो जोगे साथी तंङ दोतु टोईच़ी द्रक्शे योतो।

प्रकाशित वाक्य 17:17

“दुह मेच़िमी अपि केई खांहषी तरेर, दुह दि मोह्ड़े शहर शुह अंऊ धरतीऊ टोईच़ी भत्ते रज्ज़ा तु टोईच़ी राज लहज़ा। दि चीज़ारे दोरंङ साते शुई, छना कुचे परमेश्वरे एनोह मकसद पूरा लहज़िमी थल्जी दोतु सेहमो निर्देशन लहरी। दिए वहज़ा तोह कि दोच़ी एनोह अधिकार घ्वंणा बि रें च़रतिर कि दोई राज लोहतो, अपेहल तचेक कि दुह भत्ते पूरा माह शोतो अंऊ परमेश्वरे कुहषी ततो।”

प्रकाशित वाक्य 17:6

दंङ गेह खंईगा कि दुह मेच़िमी परमेश्वरो मीहतु शुहई ओ नशा रिंङ तोहई, मतलब दुह मीहतु अंऊ दोतिंङ मीहच़ी सच़ी च़रतिर छना कुचे दोरे यीशु पाहठी विशवासो जोगे तोईरे। दोबि खंड्रा गिह्बी महस हेरानी शुई।

प्रकाशित वाक्य 18:20

“हेंतेग अंऊ केरे स्वर्गारिंङ बंङज़ातंई! परमेश्वरो मीहरे! प्रेरित ए नवी रे! दि पाहठी खुशी मनेक्तुंई, छना कुचे परमेश्वरे दुह शहरो टोईच़ी एनोह न्याय चरच़तो, दुह बुराईयो थल्जी अंऊ दोई केतंङ साते लहसी ततो।”

प्रकाशित वाक्य 18:24

परमेश्वरे बाबेल शहरा बि दिऊ थल्जी सज़ा रेंई छना कुचे दि शहर भविष्यवक्ता तिंङ, दंङ ऊई भत्ते मीहतिंङ अंऊ परमेश्वरो तोतोर दंङ भत्ते संसारो मीहतिंङ सच़िमी दोषी तोहई।

प्रकाशित वाक्य 19:20

दंङ दुह मुण्डो घ्वांण ए दोहरंङ साते दुह हप्सी भविष्यवक्ता च़ुमसा इलि, हप्सी भविष्यवक्ता ए मुण्डो घ्वांणो तरफे चमत्कारी चिन्ह कंङे च़रति दंङ दुह भत्ते मीहतिंङ भरमाके च़रति, अच़ि मुण्डो घ्वंणो छाप एनोह फ्याह रिंङ लेहपसी ताहरेर दंङ अंऊ दोऊ मुर्ति ओ पूजा लहज़ातेर। दोकु झुल्ला श्रींङे रिंङ ए दुह मेहू झीलारिंङ केहच़ी च़रतिर, अंऊ गन्धको दोरच़ी तेयार शवाह।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।