प्रकाशित वाक्य 13:10 - लाहौली बाइबिल

¹⁰ अंऊ मीहतिंङ कैद लहज़ी जूंशी तोह, दोरे पक्‍का रूपारिंङ कैद शोर, दंङ अतु थल्जी पक्‍का तोह कि अतु थल्जी ज़रूरी तोह कि दोरे ऊई मीहतु दोरच़ी तलवारे रें सच़ी च़रपोर, दंङ दोरे पक्‍का रूपा रिंङ तलवारे रें सच़ी च़रपोर। दिऊ थल्जी जूंशी तोह कि परमेश्वरो मीहरे दुह खरे तिंङ सहन लंहि अंऊ दोऊ दोच़ी अनुभव लहज़ातोर दंङ विशवास लहज़िमी थल्जी पक्‍का शुहचे बंङज़ेंई।

प्रकाशित वाक्य 13:10 Iomraidhean Croise

मत्ती 26:52

दंङ यीशुज़ि दोबि कुहतो, “केनोह तलवार केह केहू छना कुचे अच़ि तलवार चलाएपोर दोरे भत्ते तलवारे योह्सा तलवारारंङ साते नाश शुहचे योर।

मत्ती 7:2

छना कुचे केहच़ी छना ऊईतु टोईच़ी दोष लगाएपोंई, ध्वांए परमेश्वर ला कांह टोहकठे दोष लगाएपोतो; दंङ परमेश्वर ला केतंङ साते ध्वांए व्यावहार लोहतो छना केहच़ी ऊईतिंङ साते लोहन।

लूको 21:19

“केन्दु ज़कसिमी बजाहज़ि केहच़ी केनातु जहानो बचाके तोहई।”

कुलुस्सियों 1:11

ञेंहच़ी प्रार्थना लहज़ातेंई कि परमेश्वर एनोह महिमा ओ शक्ति ऊ हिसाबे केतिंङ महस बलवन्त लोहतो, ताकि केरे सामर्थ ए खुशी रंङ साते केनातु दुख सहन लेह तरपोंई,

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”

प्रकाशित वाक्य 11:18

ऊई जाति ज़ि रोहष लहरिर, छना कुचे हेंतेग दुह ध्याड़ा पिचे इलजे तोहई कि कनु रोहष दोतु टोईच़ी अपतो, दंङ दुह ध्याड़ा कि काह सिए दोतु फेंसला लोहन हेंतेग दुह टेम ला तोह अपेहल काह दुह भविष्यवक्ता तिंङ ईनाम रमोंन अंऊ कनु सेवा लहज़ातोर दंङ दुह भत्ते मीहतिंङ अंऊ कनु आदर लहज़ातोर, दंङ दोतिंङ अंऊ दोरे खास तोतोर दंङ अंऊ दोरे खास माह तोहर, अपेहल कि काह दोतिंङ दुह ए मुक्का नाश लेह च़रपोन अच़ि धरतीऊ टोईच़ी नाश लहज़ातोर।”

प्रकाशित वाक्य 14:12

दिऊ थल्जी ज़रूरी तोह कि परमेश्वर ओ मीहरे दुह भत्ते दुख सहन लोहर अंऊ दुख दोच़ी सहन लहज़ातोर। दोच़ी दुह ए लहज़ातोर अंऊ परमेश्वरे हुकुम रंड्रा अंऊ दोतिंङ यीशु टोईच़ी विशवास लहज़ी बंद लेह माह जूंस।

प्रकाशित वाक्य 16:6

छना कुचे दोच़ी अतिंङ केई हेंतेग सज़ा रंड्रातन, परमेश्वरो मीहतिंङ ए भविष्यवक्ता बि सच़ी चरच़ातन अंऊ कांह दोरच़ी कुहषी तोह। झांह लेह हेंतेग केई दोतिंङ शुहई रूपा रिंङ लेहक्सी ती रंड्रा दोतु भुगतान लहज़ातन।”

प्रकाशित वाक्य 17:11

अंऊ घ्वंणो तुहई तोहई, दंङ एंतेग माह, दुह एनाह ए आठवां रज्ज़ा शुह; पर दुह आठवां रज्ज़ा तुहई कि निह्ज रज्ज़ा तु बिचंङ इच्च़ा तोह। दंङ थल मुखंङ दुह रज्ज़ा बि पक्‍का रूपारिंङ हमेशा ओ थल्जी सज़ा खोकसोतो।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।

प्रकाशित वाक्य 2:19

गेह ञेंच़ातग कि केई छि लहज़ातन केहच़ी इदि-अई दिरंङ साते दाह लहज़ातंई दंङ केरे गिऊ टोईच़ी पक्‍का विशवास लहज़ातंई। गेह ञेंहच़ातग कि केहच़ी छना इदि-अई दिऊ मदत लहज़ातंई। दंङ केहतु सहन शीलता ला ञेंहगा कि केरे हेंतेग दि रूठे कम दुह टेम बे महस लहज़ी लेहकी तोतोंई अपेहल केहच़ी गिऊ टोईच़ी मुण्डो विशवास लाहतंई।

प्रकाशित वाक्य 2:2

गेह ञेंहच़ातग कि केई छि लहज़ातन, केई छना मेहनत लहज़ातन दंङ अपेहल ला हार माह मनेक्च़ातंई, दंङ काह मदम मीहतु हप्सी शिक्षा सहन माह लहज़ातन। केई दुह मीहतिंङ परखेकतन अंऊ दोच़ी कुट्रातोर कि दोरे प्रेरित शुरे पर हेलेरिङ तोतोर माह, दंङ केई दोतिंङ हप्साड़ खोकषातन।

प्रकाशित वाक्य 3:10

केई गिऊ खबरो भाषे लहज़ातन ताकि अपेहल केई दुख उठाएपोन दंङ दुह धीरज़ा रंङ साते सहन लेह तरपोन। झांह लेह, गेह मोह्ड़े परीक्षा ओ मुक्का कांह रक्षा लेह तरपोग। परीक्षा ओ दि मुक्का दि संसारो भत्ते मीहतु टोईच़ी अपतो।

प्रकाशित वाक्य 3:3

दुह शिक्षा बि हिद लोह अंऊ केई महस तुहई रेड्री तातन दंङ विशवास लाहतेन। छि कनिंङ सिखासी तोह दोऊ हिद लोह, केनोह बेपरवाही दोरच़ी पश्चाताप लोह। अगर काह बेपरवाही लहज़ी जारी तहज़ातन दंङ गेह अचानक अपोग, छना इच्च़ा चोर अपा, दंङ केई दुह टेम ला माह ञेंहच़ातन अपेहल गेह कनिंङ सज़ा रंड्रीमी थल्जी अपोग।