प्रकाशित वाक्य 13:1 - लाहौली बाइबिल

¹ गेह अई इच्च़ा घ्वंण बि समुंद्रो दोरच़ी हुंज़ी खंईगा, अतु साह डे ए निह्ज पुन्ज़ा तोईरे। दंङ दोऊ हर डे रिंङ परमेश्वरो मिन च़ेहसी तोहई अतु इस्तेमाल लहज़िमी दोबि छल्ले अधिकार माह तोहई।

प्रकाशित वाक्य 13:1 Iomraidhean Croise

प्रकाशित वाक्य 11:7

अपेहल झुह्ट गवाह परमेश्वरो खबरो प्रचार लेह केओर, दंङ दुह मदम घ्वंण अंऊ अधोलोकंङ ज़ि हुंचोतो, दू, दुह झुल्ला मीहतंङ साते तेंङपोतो, दोतिंङ याहरषे च़रपोतो दंङ सच़ी च़रपोतो।

प्रकाशित वाक्य 12:3

दंङ अई इच्च़ा चिन्ह सर्गारिंङ तंङफाते, इच्च़ा मोह्ड़े ओमड्रा तोहई, अंऊ शेतान तोहई। दिऊ निह्ज पुन्ज़ा तोहई दंङ हर इच्च़ा पुन्ज़ो टोईच़ी निह्ज राजमुकुट तोईरे दंङ दोऊ सा डे तोईरे।

प्रकाशित वाक्य 13:11

दंङ गेह यह्च़ा अई इच्च़ा घ्वंण बि धरतीऊ दोरच़ी हुंज़ी खंईगा, दोऊ झुह्ट डे तोईरे छना कुरच़ो शवाहतोर। पर अपेहल दोई कुट्री लेहती दंङ दि अजगरो ठ्रोह कुट्री लेहती।

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 13:15

दुह अई घ्वंणा बि मुण्डो घ्वंणो मुर्ति बणाके दोबि श्रींङमी शाक्ति ला रें च़रति, झांह लेह दोई कुट्री ला तरच़ाते; दंङ दुह मुर्ति दुह भत्ते मीहतिंङ सच़िमी हुकुम रें च़रति अंऊ दोऊ पूजा माह लहज़ातेर।

प्रकाशित वाक्य 15:2

दंङ गेह छा तंङरिगा अतु चौड़ाई समुंद्रो ठ्रोह तोहई, दि मेह च्वासी अरशीहू ठ्रोह तंङफाते। दंङ दुह समुंद्रो मुखंङ अंऊ अरशीहू ठ्रोह तोहई, गेह महस मीहतिंङ खड़े शुहबी तंङरिगा। दोरे, दुह मीहरे तोईरे अच़ि दुह घ्वंणा बि याहरच़ा तेर, छना कुचे दोच़ी दोऊ अराधना लहज़िमी रंङ साते इंकार लेह च़रतिर, दोच़ी दोऊ मुर्ति ऊ अराधना लहज़िमी रंङ साते दंङ दुह गिनती ओ चिन्ह खोकच़िमी दोरच़ी इंकार लेह च़रति अतु मतलब दोऊ मिन शुह। दोरे यहरच़ा दुह समुंद्रो मुखंङ खड़े तोईरे अंऊ अरशीहू ठ्रोह तोहई, दोच़ी दुह तारो ठ्रोह कुलड्रिमी यंत्र च़ुमसी तरेर अंऊ दोतिंङ परमेश्वरो तरफे रांहषी तोहई।

प्रकाशित वाक्य 16:13

दिऊ थल गेह षुमु मांजी आत्माबि तंङरिगा अंऊ दोरे खंड्रिमी मडुको ठ्रोह तोईरे। इच्च़ा अजगरो आहच़ि धकतेखा अति, इच्च़ा मुण्डो घ्वंणो आहच़ि, दंङ अई, अई घ्वंणो आहच़ि धकतेखा अति मतलब दोरे अंऊ दोच़ी हप्सी खबर रांहषी तरेर।

प्रकाशित वाक्य 17:16

दुह टेम अपतो अपेहल घ्वंण दुह सा रज्ज़ा तंङ साते अंऊ दोरंङ साते तोतोर, दुह कुकम लहज़ा रंङ साते नफरत लोहतो अंऊ दोऊ टोईच़ी बंङज़ा तोह। दोरे दोऊ टोईच़ी हमला लोहर, दोबि नंङटे लोहर, दोरे दोऊ षाह ज़े च़रपोर, दंङ ऊई दोबि रोचिह केहऊरे।

प्रकाशित वाक्य 17:3

आत्माओ मदते, स्वर्गदूत गिह्बी सुनसान ठहरि रैंज़ा शिली, दंङ गेह दोर्तिंङ इच्च़ा मेच़िमी बि तंङरिगा अंऊ इच्च़ा घ्वंणो टोईच़ी सवार तोहई अंऊ षेह्ई रंगो तोहई। दोऊ निह्ज पुंज़ा ए साह डे तोईरे। दोऊ फुक दुह मिन रें कपषा इलजी तोहई अंऊ दोच़ी परमेश्वरो निन्दा लहज़ातेर।

प्रकाशित वाक्य 17:5

दोऊ फ्याह ओ टोईच़ी इच्च़ा शीर्षक च़ेहसी तोहई अंऊ गुप्त तोहई। दोर्तिंङ दि च़ेहसी तोहई: मोह्ड़े शहर बेबीलोन, कुकम लहज़ाड़ो तु तरफे संसारो भत्ते मदम चीज़ा तु याह शुह।

प्रकाशित वाक्य 19:19

दंङ गेह दुह घ्वंणा बि खंईगा अंऊ समुंद्रो दोरच़ी धकतेखा अति, दंङ धरतीऊ रज्ज़ा तु ए दोतु सेना बि खंईगा। दोरे रहंङों टोईच़ी बंङज़ा दंङ दोऊ सेना ओ खिलाप लड़ाई ओ थल्जी इच्च़ा साते अतिर।