प्रकाशित वाक्य 12:6 - लाहौली बाइबिल

⁶ दंङ दुह मेच़िमी दुह सुनसान ठहरि ओ हखा पोकषे इलि, अंऊर परमेश्वरो तरफे दोऊ थल्जी तेयार लहसी तोहई कि दोर्तिंङ इच्च़ा हज़ार झुह्ट राह षुमु निह्जा ध्याड़ा तचेक टूड्री जूंस।

प्रकाशित वाक्य 12:6 Iomraidhean Croise

मत्ती 4:11

दंङ शेतान यीशु कछंङ ज़ि अच्च़ा इलि, दंङ स्वर्गदूतारे अंज़े दोऊ सेवा टहल लहज़ी लेहतिरे।

प्रकाशित वाक्य 12:14

पर परमेश्वरे दि मेच़िमी बि उकाबो झुह्ट पाख रांई ताकि दुह ठाहरीरिंङ पिचे योतो अंऊ सुनसान ठाहरीरिंङ दोऊ थल्जी तेयार लहसी तोह। दंङ दोर्तिंङ साढ़े षुमु साल तचेक दोऊ देखभाल लहरी ताकि अजगर दोऊ कछंङ तचेक पिपि माह जूंस।

प्रकाशित वाक्य 12:4

दंङ दोऊ मेकुटू च़ि सर्ग ओ इच्च़ा तिहाई कर षोह्के धरती रिंङ छङें च़रति, दंङ अजगर दुह मेच़िमी ऊ तुईज़ी खड़े शुहचे इलि ताकि दोऊ कटुबि जन्म रंड्रा ए ज़ेई तरपोतो।

प्रकाशित वाक्य 13:5

परमेश्वरे घ्वंणा बि एनोह अधिकारो पाहठी घमण्ड लहज़िमी अधिकार रें च़रति कि झांह ठ्रोह दोई परमेश्वरो अपमान लोहतो। परमेश्वरे दोबि निह्जो झुह्ट लाह तचेक दि अधिकार तहज़िमी हुकुम रांई।

प्रकाशित वाक्य 17:3

आत्माओ मदते, स्वर्गदूत गिह्बी सुनसान ठहरि रैंज़ा शिली, दंङ गेह दोर्तिंङ इच्च़ा मेच़िमी बि तंङरिगा अंऊ इच्च़ा घ्वंणो टोईच़ी सवार तोहई अंऊ षेह्ई रंगो तोहई। दोऊ निह्ज पुंज़ा ए साह डे तोईरे। दोऊ फुक दुह मिन रें कपषा इलजी तोहई अंऊ दोच़ी परमेश्वरो निन्दा लहज़ातेर।