प्रकाशित वाक्य 12:5 - लाहौली बाइबिल

⁵ दंङ दोहथर दोई इच्च़ा योह बि जन्म रांई पर दोबि अजगर ए ज़ेई मरति छना कुचे दोबि ध्वांए खुल्जे च़रति दंङ परमेश्वर ए दोऊ सिंहासनो कछंङ रैंज़ा हति। दुह गंङकटु इच्च़ा नीह्लामो डंडा रंङ साते मतलब भत्ते अधिकारंङ साते भत्ते जाति मीहतु टोईच़ी राज लोहतो।

प्रकाशित वाक्य 12:5 Iomraidhean Croise

मत्ती 1:25

अपेहल तचेक मरियमे योह माह जेह्कते दोपहल तचेक यूसुफो मरियमरंङ साते छले ब्याऊ संबध माह तोहई; यूसुफे कटु मिन यीशु केहते।

मरकुसो 16:19

प्रभु यीशुज़ि एनोह चेला तु हखा दि गप्पारे कुट्रिमी थल, दंङ परमेश्वरे प्रभु यीशुबि सर्गो हखा रेंज़ा शीलिरे। दंङ दुरेह इलजे दुह परमेश्वरो सुचंङ हासी इज्ज़त रंङ बंङज़ा इलि।

2 कुरिन्थियों 12:2

गेह इच्च़ा झांह ठ्रोह मीहबी, अंऊ मसीहू विशवासी तोह, ञेंएगा सपि साल तुहई दि मीह षुमु स्वर्ग तचेक रैंज़ा शिली फुका रंङ साते या फुक मेह, गिह्बी पता माह दि परमेश्वरे ए ञेंहच़ा।

प्रकाशित वाक्य 11:12

दोऊ थल, दुह झुह्ट मीहच़ी सर्गो दोरच़ी इच्च़ा सग रेड्रीर, अच़ि दोकु तिंङ जोरे हाऊष रेंई दंङ कुई, “देर खेका अतंई!” अपेहल दोतु बैरी खंड्रा तोईरे, दोहथर दोरे इच्च़ा डुह चोक्सा खेका स्वर्गो हखा अच़ा इलिर।

प्रकाशित वाक्य 12:13

अपेहल अजगर समझेगी इलि, कि गेह धरतीऊ टोईच़ी दह्च़ी इलिगा, दंङ दोई दोऊ थले ज़रका रें च़रति, अंऊ दुह मेच़िमी दुह योह बि जन्म रांहषी तोहई,

प्रकाशित वाक्य 12:2

दुह मेच़िमी खोकटुंङ तोहई, दंङ दोऊ लिहक्पिमी टेम पिचे इलजी तोहई। दंङ दोबि लिहक्पिमी टेहषी तोहई।

प्रकाशित वाक्य 19:15

दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।