प्रकाशित वाक्य 12:4 - लाहौली बाइबिल

⁴ दंङ दोऊ मेकुटू च़ि सर्ग ओ इच्च़ा तिहाई कर षोह्के धरती रिंङ छङें च़रति, दंङ अजगर दुह मेच़िमी ऊ तुईज़ी खड़े शुहचे इलि ताकि दोऊ कटुबि जन्म रंड्रा ए ज़ेई तरपोतो।

प्रकाशित वाक्य 12:4 Iomraidhean Croise

यहून्नो 8:44

केहरे केनातु बाह शेतानो दोरच़ी शुईं, दंङ केनातु बाहो हिटी लेह तातंई। दुह त तुहई बे हत्त्यारा शुह दंङ सच्चाई टोहकठे चसा मरति, छना कुचे सच्चाई दोऊ अन्द्रेग माह; अपेहल दोई हप्सी कुट्रा ता एनोह चाल चलनो हिसाबे कुट्रा; छना कुचे दुह हप्साड़ शुह दंङ हप्सिऊ बाह शुह।

1 पतरस 5:8

हमेशा खबरदार ए दंङ चेहके बंङज़ुंई, छना कुचे शेतान, केहतु विरोधी केहतु टोईच़ी हमला लहज़ी ततो ताकि केरे परमेश्वरो हुकुमो भाषे माह लोहनि। दुह फ्रक्शे ज़ज़ा ब्राघो ठ्रोह तोह, अंऊ तुंखा थलका खंड्रा कि अपि ज़ोओग।

प्रकाशित वाक्य 12:7

दंङ स्वर्गारिंङ लड़ाई शुई, परमेश्वरो खास दूतो बिचंङ इच्च़ा खास दूत अतु मिन मिकाइल तोह, एनोह अधीन बंङज़ा ऊई स्वर्गदूता रंङ साते अजगरो टोईच़ी हमला लहरी। दंङ अजगर ए दोऊ साथी ज़ि मीकाइलो खिलाप लड़ाई लड़ेतिर।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 13:2

अंऊ घ्वंण गेह खंईगा, दुह ब्राघो ठ्रोह तोहई; दंङ दोऊ कोंज़ा भालू ठ्रोह दंङ मोह्द ब्राघो ठ्रोह तोहई। दुह अजगरे दि ब्राघा बि एनोह शाक्ति रें च़रति दंङ दोबि धरतीऊ टोईच़ी राज लहज़िमी अधिकार रें च़रति।

प्रकाशित वाक्य 13:4

भत्ते मीहच़ी अजगरो पूजा लहरिर, छना कुचे दोई दुह घ्वंणा बि एनोह अधिकार रें च़रति। दोच़ी दुह घ्वंणो ला पूजा लहरिर। दोच़ी कुईर, “अरिला दुह घ्वंणो बराबर शक्तिशाली माह। अरिला दोऊ टोईच़ी हमला लेह मरच़ा।”

प्रकाशित वाक्य 16:13

दिऊ थल गेह षुमु मांजी आत्माबि तंङरिगा अंऊ दोरे खंड्रिमी मडुको ठ्रोह तोईरे। इच्च़ा अजगरो आहच़ि धकतेखा अति, इच्च़ा मुण्डो घ्वंणो आहच़ि, दंङ अई, अई घ्वंणो आहच़ि धकतेखा अति मतलब दोरे अंऊ दोच़ी हप्सी खबर रांहषी तरेर।

प्रकाशित वाक्य 20:2

दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।

प्रकाशित वाक्य 8:10

तीसरा स्वर्गदूते तीसरी तुरहीबि फुह लहरी, दंङ मशालो बराबर मेह हुंच़ाते इच्च़ा मोह्ड़े कर, स्वर्गंङ ज़ि दहचे इलि, झांह लेह बेंडी तु इच्च़ा तिहाई हिस्सा ओ टोईच़ी ए दंङ तिऊ सोतो टोईच़ी दहचे इलि।

प्रकाशित वाक्य 8:11

अतु वहज़ा ज़ि तिऊ दुह हिस्सा कड़के ए विष जड़े शुहचे इलि। दंङ दि ती तुंङज़ाड़ महसे सिए इलिरे। दंङ दुह कर दू मिन “कड़के” केहच़ी च़रतिर।

प्रकाशित वाक्य 8:12

चौथा स्वर्गदूते तुरहीबि फुह लहरी, दंङ ऐकेऊ इच्च़ा तिहाई हिस्सा, दंङ लच़ंङो इच्च़ा तिहाई, दंङ करज़े तु इच्च़ा तिहाई हिस्सा ओ टोईच़ी मुसीबत अति, दंङ नाश शुहचे इलि, अतु वहज़ा ज़ि निरो इच्च़ा तिहाई हिस्सा हंयार शुहचे इलि दंङ लचंङ ए कर रातो इच्च़ा तिहाई टेम ला चमकेपी माह।

प्रकाशित वाक्य 8:7

मुण्डो स्वर्गदूते तुरही फुह लहरी, दंङ ध्वांए शुहई रंङ साते च्वसी मुघ ए मेह धरतीऊ टोईच़ी केहच़ी च़रति। झांह लेह धरतीऊ इच्च़ा तिहाई हिस्सा रोह्षा इलि, दंङ इच्च़ा तिहाई बुटर रोह्षा इलिर, दंङ भत्ते तिंङीं श्रांङ ला रोह्षा इलि।

प्रकाशित वाक्य 8:8

दूसरा स्वर्गदूते तुरहीबि फुह लहरी, दंङ इच्च़ा मेहू ठ्रोह मोह्ड़े गोह समुंद्रारिंङ केहच़ी केहरी; झांह लेह समुंद्रो इच्च़ा तिहाई हिस्सा शुई शुहचे इलि,

प्रकाशित वाक्य 8:9

दंङ समुन्द्रङ बंङज़ा इच्च़ा हिस्सा प्राणी सि इलिर, दंङ दि समुंद्रो इच्च़ा तिहाई हिस्सा जहाज़ ला नष्ट लेह च़रति।

प्रकाशित वाक्य 9:10

दोतु मेकुटू बिच्छु ठ्रोह तोहई, दंङ दोतु मेकुटू रिंङ डंक तोहई, दंङ दोतिंङ ङा लाह तचेक मीहतिंङ दुख पिपि लहच़िमी अंऊ शक्ति खोकसा तोहई, दुह शक्ति दोतु मेकुटू रिंङ तोहई।

प्रकाशित वाक्य 9:19

दुह रहंङ तु मेकुटू टोईच़ी, ट्रिकट्रा ओमड्रो पुंज़ो ठ्रोह चीज़ तोहई। दोच़ी एनोह पुंज़ा मीहतिंङ दुख रंड्रातेर। दंङ दुह रहंङ ज़ि एनोह पुंज़ा ए मेकुटू रें मीहतिंङ दुख रेंईर दंङ सच़ी च़रतिर।