प्रकाशित वाक्य 12:3 - लाहौली बाइबिल

³ दंङ अई इच्च़ा चिन्ह सर्गारिंङ तंङफाते, इच्च़ा मोह्ड़े ओमड्रा तोहई, अंऊ शेतान तोहई। दिऊ निह्ज पुन्ज़ा तोहई दंङ हर इच्च़ा पुन्ज़ो टोईच़ी निह्ज राजमुकुट तोईरे दंङ दोऊ सा डे तोईरे।

प्रकाशित वाक्य 12:3 Iomraidhean Croise

प्रकाशित वाक्य 12:1

अपेहल दुह योह्सा इलि, दंङ दोर्तिंङ इच्च़ा अद्धभुत चिन्ह तोह अंऊ सर्गंङ तंङफाते। छना कुचे लचंङ ओ टोईच़ी खड़े मेच़िमी प्रगट शुई अच़ि झांह ठ्रोह खमज़ेर लेहसी तहरे अंऊ ऐके ओ ठ्रोह चमकेक्पाते। दोई एनोह पुंज़ंङ इच्च़ा मुकुट लेहसी तहरे अंऊर सनी कर तोहई;

प्रकाशित वाक्य 12:13

अपेहल अजगर समझेगी इलि, कि गेह धरतीऊ टोईच़ी दह्च़ी इलिगा, दंङ दोई दोऊ थले ज़रका रें च़रति, अंऊ दुह मेच़िमी दुह योह बि जन्म रांहषी तोहई,

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 12:4

दंङ दोऊ मेकुटू च़ि सर्ग ओ इच्च़ा तिहाई कर षोह्के धरती रिंङ छङें च़रति, दंङ अजगर दुह मेच़िमी ऊ तुईज़ी खड़े शुहचे इलि ताकि दोऊ कटुबि जन्म रंड्रा ए ज़ेई तरपोतो।

प्रकाशित वाक्य 12:7

दंङ स्वर्गारिंङ लड़ाई शुई, परमेश्वरो खास दूतो बिचंङ इच्च़ा खास दूत अतु मिन मिकाइल तोह, एनोह अधीन बंङज़ा ऊई स्वर्गदूता रंङ साते अजगरो टोईच़ी हमला लहरी। दंङ अजगर ए दोऊ साथी ज़ि मीकाइलो खिलाप लड़ाई लड़ेतिर।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 13:1

गेह अई इच्च़ा घ्वंण बि समुंद्रो दोरच़ी हुंज़ी खंईगा, अतु साह डे ए निह्ज पुन्ज़ा तोईरे। दंङ दोऊ हर डे रिंङ परमेश्वरो मिन च़ेहसी तोहई अतु इस्तेमाल लहज़िमी दोबि छल्ले अधिकार माह तोहई।

प्रकाशित वाक्य 13:2

अंऊ घ्वंण गेह खंईगा, दुह ब्राघो ठ्रोह तोहई; दंङ दोऊ कोंज़ा भालू ठ्रोह दंङ मोह्द ब्राघो ठ्रोह तोहई। दुह अजगरे दि ब्राघा बि एनोह शाक्ति रें च़रति दंङ दोबि धरतीऊ टोईच़ी राज लहज़िमी अधिकार रें च़रति।

प्रकाशित वाक्य 13:4

भत्ते मीहच़ी अजगरो पूजा लहरिर, छना कुचे दोई दुह घ्वंणा बि एनोह अधिकार रें च़रति। दोच़ी दुह घ्वंणो ला पूजा लहरिर। दोच़ी कुईर, “अरिला दुह घ्वंणो बराबर शक्तिशाली माह। अरिला दोऊ टोईच़ी हमला लेह मरच़ा।”

प्रकाशित वाक्य 15:1

अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 16:13

दिऊ थल गेह षुमु मांजी आत्माबि तंङरिगा अंऊ दोरे खंड्रिमी मडुको ठ्रोह तोईरे। इच्च़ा अजगरो आहच़ि धकतेखा अति, इच्च़ा मुण्डो घ्वंणो आहच़ि, दंङ अई, अई घ्वंणो आहच़ि धकतेखा अति मतलब दोरे अंऊ दोच़ी हप्सी खबर रांहषी तरेर।

प्रकाशित वाक्य 17:12

दुह सा डे अंऊ केई तुहई खांहषी तरेर, दुह सा रज्ज़ा तिंङ दर्शाएच़ा अंऊ दोच़ी हेंतेग राज लहज़ी शुरू लहसी माह। दुह सा रज्ज़ा तिंङ दुह घ्वंणा रंङ साते ठ्रोका शुहचे राज लहज़िमी हुकुम तोह, पर दोतु राज सिर्फ थोड़े टेमो थल्जी शोतो।

प्रकाशित वाक्य 17:16

दुह टेम अपतो अपेहल घ्वंण दुह सा रज्ज़ा तंङ साते अंऊ दोरंङ साते तोतोर, दुह कुकम लहज़ा रंङ साते नफरत लोहतो अंऊ दोऊ टोईच़ी बंङज़ा तोह। दोरे दोऊ टोईच़ी हमला लोहर, दोबि नंङटे लोहर, दोरे दोऊ षाह ज़े च़रपोर, दंङ ऊई दोबि रोचिह केहऊरे।

प्रकाशित वाक्य 17:7

दुह स्वर्गदूते गिऊ हखा कुई, “कनिंङ हेरानी छारिंङ शुई? गेह दि मेच़िमी, दंङ दुह घ्वंण, अंऊ दोऊ टोईच़ी दुह सवार तोह, दंङ अतु निह्ज पुंज़ा ए सा डे तोतोर, कनिंङ भेद कंड्रातग।”

प्रकाशित वाक्य 19:12

दोऊ टिरा मेहू ठ्रोह चमकेक्पतोर, दंङ दुह महस मुकुट लहज़ा तोह दंङ दोऊ इच्च़ा मिन दोर्तिंङ च़ेहसी तोह, पर सिर्फ दोई ए दुह मिन ओ मतलब ञेंहच़ा।

प्रकाशित वाक्य 20:2

दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।