प्रकाशित वाक्य 12:15 - लाहौली बाइबिल

¹⁵ दंङ, यह्च़ा दुह मेच़िमी बि ढड़ारिंङ बहाएक्च़िमी थल्जी, दुह अजगरे ढड़ो हिसाबे इच्च़ा बेंडी एनोह आहच़ि बहाएगी च़रति।

प्रकाशित वाक्य 12:15 Iomraidhean Croise

2 कुरिन्थियों 11:3

पर गिह्बी हमेशा दि बेह्द लेहकी बंङज़ा कि शेतान केहतु सेहम मसीहू थल्जी केहतु निष्कपट, पवित्रता रंङ साते शत्‌ह लहज़ी माह जूंस, छना शेताने ओमड्रो रूपारिंङ हव्वा बि एनोह चालाकी रंङ साते बहकाएकि च़रते।

प्रकाशित वाक्य 12:16

पर दुह मेच़िमी बि धरती ओ दोरच़ी मदत खोकसिरी। ज़मीन गव्शे इलि दंङ अलसा इलि दंङ अजगरो आहच़ि हुंच़ी ती ज़मीनो अंदरेग अच़ा इलि।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 17:15

स्वर्गदूते गिऊ हखा दि ला कुई: “अंऊ महस बेंडी केई तुहई तंङसी तातन, अंऊ दोऊ टोईच़ी दुह कुकम लहज़ा मेच़िमी बंङज़ा तोहई, दुह भत्ते संसारो मीहतिंङ, रे देशो मीहतिंङ ए महस पाहठी भाषा बि कंड्रा।”

प्रकाशित वाक्य 20:2

दोई अजगर मतलब ऊई ओमड्रा अपि शेतान ला कुट्री, झपटेगी च़ुमने च़रति। दोई दोबि छ़ुह्च़ी च़रति दंङ महसे डुह्गे गड्डा रिंङ छङें च़रति, दोई पेतंङ बन्द लेह च़रति दंङ दोर्तिंङ मोहर लगाके च़रति ताकि दोबि इच्च़ा हज़ार साल तचेक युप्सी माह जूंस। झांह लेह, दुह मुक्का ओ टेमा रिंङ, शेतान इच्च़ा हज़ार साल तचेक मीहतिंङ धोखा रें मरपोतो। दोऊ थल, दोबि यह्च़ा थोड़े टेमो थल्जी आज़ाद लेह च़रपोतो।