प्रकाशित वाक्य 12:11 - लाहौली बाइबिल11 “हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।” Faic an caibideil |
प्रकाशित वाक्य 12:11
33 Iomraidhean Croise
अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”
गेह दि ञेंहच़ातग कि काह दुह शहरारिंङ बंङज़ातन अंऊर शेताने राज लहज़ा। काह गिऊ थल्जी विशवासो जोगे बणेंके बंङज़िन दंङ गिऊ टोईच़ी विशवास लहज़ी ब्याड़ा माह लहरिन। केई दुह मुक्का ला विशवास लहरिन अपेहल दोच़ी अन्तिपासा बि दोर्तिंङ सच़ी च़रतिर अंऊर शेताने राज लहज़ाते। अन्तिपास मीहच़ी गिऊ पाहठी विशवासा रंङ साते कंङातोर।
हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।
दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।
अंऊ दोई जय खोकपोतो दुह मंदिरो थम्मो ठ्रोह शोतो, अतु गेह अराधना लहज़ातग, दंङ दोतिंङ दोबि अपेहल ला छोड़ेक्सी माह पढ़ेक्पोतो। गेह दोऊ फुका रिंङ गिऊ परमेश्वरे ए परमेश्वरो शहरो मिन च़ेओग, दि दुह ए शुह अपि खरकोई यरूशलेम ला कुट्री। दि दुह ए शहर शुह अंऊ स्वर्गंङ ज़ि, मतलब गिऊ परमेश्वरो दोरच़ी योंखा अपतो। गेह दोऊ फुकारिंङ इच्च़ा खरकोई मिन च़ेओग।
Sanasan