प्रकाशित वाक्य 12:10 - लाहौली बाइबिल

¹⁰ दंङ गेह स्वर्गंङ ज़ि दि मोह्ड़े सग रेहशी, “हेंतेग हेंदु परमेश्वर हेंदु मीहतिंङ बचाएपोतो! हेंतेग दोई एनोह सामर्थो इस्तेमाल लोहतो दंङ रज्ज़ा ओ रूपारिंङ राज लोहतो! हेंतेग दोऊ मसीह संसारो टोईच़ी एनोह अधिकारो दावा लोहतो! छना कुचे हेंतेग शेतान परमेश्वरो हाज़िर रिंङ खड़े शुहचे हेंदु साथी सेवका तिंङ रात-दिन दोष माह लगाएती। दोबि स्वर्गो धकतेखा छंङी च़रति।”

प्रकाशित वाक्य 12:10 Iomraidhean Croise

मत्ती 26:64

यीशुज़ि दोबि कुहतो, “केह केनेह कुह्चे केहतन; बल्कि गेह केतंङ दिला कुट्रातग कि दिऊ थलबे केहच़ी खमोंई कि गेह मीहू योह, सर्वशक्तिमान परमेश्वरो सुचंङ हासी बंङज़ा राज लोहग, दंङ सर्गंङज़ि डुह बिचंङ अपोग।”

मत्ती 28:18

यीशुज़ि दोतु कछंङ अंज़े कुंई, “स्वर्ग ए धरतीऊ भत्ते अधिकार गिह्बी रांहषी तोह।

मत्ती 6:10

कांह राज अंज़े जूंस कांह हिट्टी छना स्वर्गंङ पूरे शवाह, ध्वांए धरतीरिंङ लाह पुरे शुहबी जूंस।

लूको 11:2

यीशुज़ि दोतंङ साते कुहतो, “अपेहल केहच़ी प्रार्थना लाहनी दंङ झांह ठ्रोह प्रार्थना लोहवा लांई; हे ञेंहतु बाह कांह अरी सर्गंङ तोतोन; कांह मिन पवित्र मनेक्च़ी जूंस कांह राज अंज़े जूंस।

लूको 22:31

शमौन, “हे शमौन, शेताने परमेश्वरो दोरच़ी केतिंङ भत्ते तिंङ परखेक्च़िमी आज्ञा लेहपच़ी ततो कि रुठे तिंङ मदमो दोरच़ी शता लोहतो, छना इच्च़ा ज़िमदारे छ्वा बि भूसो दोरच़ी शता लेह चरच़ि।

1 कुरिन्थियों 5:4

अपेहल केरे प्रभु यीशु मसीहू मिंदंङ साते ठ्रोहका शवातंई दंङ यीशु मसीहू सामर्थ रंङ साते आत्मा रि गेह केहतु बिचंङ तोतोग।

2 कुरिन्थियों 12:9

दंङ दोई गेरंङ साते कुई, “गिऊ मोह्ड़े दाह कनु थल्जी झोबड़ी तोह; छना कुचे गिऊ सामर्थ कमज़ोरी रिंङ प्रगट शवाह।” झांह लेह गेह मोह्ड़े खुशी साते घेंङौ कमज़ोरी टोईच़ी घमण्ड लोहग, कि मसीहू सामर्थ गिऊ टोईच़ी सिल्मोग लोहवा लोहतो।

तीतुस 2:3

झांह ए ठ्रोह यंङषी मेच़िमीरे ला झांह ठ्रोह व्यवहार लंहि अतु वहज़ा ज़ि परमेश्वराबि आदर खोकसोतो। दंङ ऊईतु पाहठी मदम कुट्रा ठ्रोह शुहबी मेस, माह सरा तुंङज़ाड़, पर ऊईतिंङ रूठे गप्पारे सिखाएच़ा शुहबी जूंस

1 पतरस 5:8

हमेशा खबरदार ए दंङ चेहके बंङज़ुंई, छना कुचे शेतान, केहतु विरोधी केहतु टोईच़ी हमला लहज़ी ततो ताकि केरे परमेश्वरो हुकुमो भाषे माह लोहनि। दुह फ्रक्शे ज़ज़ा ब्राघो ठ्रोह तोह, अंऊ तुंखा थलका खंड्रा कि अपि ज़ोओग।

प्रकाशित वाक्य 11:15

अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 2:26

अंऊ मीहच़ी जीत खोक्शातोर, दंङ अंऊ मीहरे संसारो अंत तचेक गिऊ हुकुमो भाषे लहज़ी जारी तहच़ातेर, गेह दोतिंङ देशो टोईच़ी राज लहज़िमी अधिकार रमोग।

प्रकाशित वाक्य 7:10

दंङ मोह्ड़े सग रंङ साते हाऊष रें कुट्रा, “अतंई हेंज़ी हेंदु परमेश्वरो स्तुति लोहनि, अंऊ सिंहासनो टोईच़ी विराजमान तोह दंङ अतंई हेंज़ी दोऊ ला स्तुति लोहनि, अतिंङ कुरच़ा कुट्री छना कुचे दुह ए तोह अच़ि हेंदि हेंदु पापो न्यायो दोरच़ी बचाएकतो।”