प्रकाशित वाक्य 12:1 - लाहौली बाइबिल

¹ अपेहल दुह योह्सा इलि, दंङ दोर्तिंङ इच्च़ा अद्धभुत चिन्ह तोह अंऊ सर्गंङ तंङफाते। छना कुचे लचंङ ओ टोईच़ी खड़े मेच़िमी प्रगट शुई अच़ि झांह ठ्रोह खमज़ेर लेहसी तहरे अंऊ ऐके ओ ठ्रोह चमकेक्पाते। दोई एनोह पुंज़ंङ इच्च़ा मुकुट लेहसी तहरे अंऊर सनी कर तोहई;

प्रकाशित वाक्य 12:1 Iomraidhean Croise

मत्ती 12:38

दिरंङ रेह यहुदी शास्त्रीज़ि ए फरीसीज़ि यीशुबि कुंहई, “हे गुरु। ञेंहरे कांह दोरच़ी इच्च़ा हेरानी ऊ कम खंड्री तहतंई।”

मत्ती 24:30

दंङ गेह मीहू योहऊ निशानी सर्गंङ तंङफोतो धरतीऊ भत्ते खानदानी मीहच़ी एनातु काह रटेकपोहर; दंङ गेह मीहू योह बि मोह्ड़े सामर्थ ए ठाटबाठरंङ सर्गो बदडातु टोईच़ी अपि तंङफोर।

मरकुसो 13:25

दंङ सर्गंङ ज़ि करज़े ला दक्पी चुक्सोर, दंङ सर्गो मोह्ड़े शक्ति त्रुलज़ा योर।”

लूको 21:11

दंङ अकाल शोतो ए भुयंल अपोतो ए महामारी शोतो, दंङ सर्गंङच़ि भयानक गप्पारे ए निशानी तंङफोर।”

लूको 21:25

“एकेरिंङ ए लचंङरिंङ दंङ कर रिंङ निशानी तंङफोर; दंङ धरती रिंङ भत्ते जाति मीहतु टोईच़ी बरदो अपतो। छना कुचे दोरे समुंद्रो छ्वली ए तिऊ चालज़ि बेऐ योर।

यहून्नो 3:29

ब्याहू ब्याहुत्रीह रंङ साते ब्याह लेह, पर ब्याहू साथी दोरंङ साते शुबी दंङ दोऊ गप्पा रेड्री रंङ साते खुश शुबी, ध्वांए गिऊ सेहम खुशी रंङ साते पिंङषा इलजी तोह।”

प्रेरित 2:19

दंङ गेह खेका सर्गंङ हेरानी ऊ कम ए योंङ धरती रिंङ चिन्ह चमत्कार, मतलब शुहई, मेह ए टुहऊ बदड़ कमोग।

रोमियो 13:14

पर प्रभु मसीह यीशु बि धारण लेह च़रतेंई, दंङ फुको हिटी पूरा लहज़िमी कोशिश थालंही।

रोमियो 3:22

अपेहल हेनर यीशु मसीहू टोहकठे विशवास लहज़ातंई, दंङ हेनर परमेश्वरो दोरच़ी धर्मी शुहचे य्वातंई, अंऊ कि भत्ते विशवास लहज़ा तु थल्जी तोह। परमेश्वर भत्ते तंङ साते इच्च़ा ठ्रोह व्यवहार लहज़ा।

2 कुरिन्थियों 11:2

छना कुचे गेह केतंङ ध्वांए दाह लहज़ातग दंङ केहतु चिंद लहज़ातग छना परमेश्वरे लहज़ा। झांह लेह गेह केतिंङ मसीह रिंङ ए सिर्फ दोबि ए रंड्रीमी वाईदा लहसी तातग, कि केतिंङ पवित्र कुंवारीऊ ठ्रोह मसीहू हवाले लेह च़रपोग।

गलातियों 4:26

पर सारा ओ बराबरी दू यरूशलेम शहरंङ साते लेह तरपोंई अंऊ स्वर्गंङ तोह। दुह आज़ाद मेच़िमी तोह। दंङ दोऊ कटुरे ला आज़ाद तोतोर। दुह कटुरे हेनर भत्तेरें विशवासी शुई, अंऊ दोतु याह सारा शुह।

गलातियों 6:14

अगर गेह घमण्ड लहज़ातग ता सिर्फ दि गप्पो टोईच़ी घमण्ड लोहग कि हेंदु प्रभु यीशु मसीह हेंदु थल्जी क्रूसो टोईच़ी सिए इलि। छना कुचे दोऊ सिमी थल, गेह एंतेग संसारो हिटी ओ गुलाम माह तोहग दंङ एंतेग दितु बिचंङ अंऊला चीज़ो दोर्तिंङ गिऊ टोईच़ी हुकुम लहज़िमी शाक्ति माह।

इफिसियों 5:32

दि महस मोह्ड़े भेद तोह; पर गेह हेले रिंङ मसीह ए कलीसिया ओ बिचंङ नाता ओ पाहठी गप्पा लहज़ातग।

प्रकाशित वाक्य 1:20

हेंतेग गेह कमोग कि गिऊ सुचंङ गुहड़रिंङ निह्ज करज़े तु छि मतलब तोह दंङ ज़ङों निह्ज दिवटो छि मतलब शुह। दिऊ मतलब दि तोह: निह्ज कर दुह स्वर्गदूता तु पाहठी कंड्रातोर अंऊ दोच़ी निह्ज कलीसिया ओ रखवाली लहज़ातोर दंङ निह्ज ज़ङों दिवट निह्ज कलीसिया बि कंड्रातोर।

प्रकाशित वाक्य 11:19

दंङ परमेश्वरो अंऊ मंदिर स्वर्गारिंङ तोह, दुह अलसा इलि, दंङ दोऊ मंदिरंङ दोऊ वाईदा ओ बक्सा तंङसा इलि, बिजली, सग, गर्जन ए भुयंल शुई, दंङ सर्गंङ ज़ि ओलो मोह्ड़े संदाण शुई।

प्रकाशित वाक्य 12:3

दंङ अई इच्च़ा चिन्ह सर्गारिंङ तंङफाते, इच्च़ा मोह्ड़े ओमड्रा तोहई, अंऊ शेतान तोहई। दिऊ निह्ज पुन्ज़ा तोहई दंङ हर इच्च़ा पुन्ज़ो टोईच़ी निह्ज राजमुकुट तोईरे दंङ दोऊ सा डे तोईरे।

प्रकाशित वाक्य 15:1

अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 21:14

शहरो भिती मोह्ड़े-मोह्ड़े रह्घ तु टोईच़ी बणाएषी तोहई हर इच्च़ा रह्घ तु टोईच़ी कुरच़ो सनी प्रेरिता तु बिचंङ इच्च़ा मिन च़ेहसी तोहई।

प्रकाशित वाक्य 21:23

दुह शहरा बि छंङी ओ थल्जी ऐके या लच़ंङो ज़रूरत माह। छना कुचे परमेश्वरो महिमा दुह शहरारिंङ चमक्केपा, दंङ कुरच़ा ला तोह अंऊ दिबी छंङी लहज़ा।