प्रकाशित वाक्य 11:7 - लाहौली बाइबिल

⁷ अपेहल झुह्ट गवाह परमेश्वरो खबरो प्रचार लेह केओर, दंङ दुह मदम घ्वंण अंऊ अधोलोकंङ ज़ि हुंचोतो, दू, दुह झुल्ला मीहतंङ साते तेंङपोतो, दोतिंङ याहरषे च़रपोतो दंङ सच़ी च़रपोतो।

प्रकाशित वाक्य 11:7 Iomraidhean Croise

लूको 13:32

यीशुज़ि दोतंङ कुहतो, “इलजे दुह मीहू हखा अरी गव्वा ओ ठ्रोह चलाक तोह कुचे च़रतुंई कि खंणु, गेह तोग ए मुतंङ मांजी आत्मारे हुंपाग ए नत्पारे ठीक लोहग, दंङ षुमु ध्याड़ारिंङ गेह घेंङौ कम पुरा लेह च़रपोग।

लूको 8:31

दोच़ी बिनती लहरीर कि, “ञेंतिंङ नरकंङ थाह चर्तु।”

यहून्नो 17:4

अंऊ कम केई गिह्बी लहज़िमी थल्जी रेंईना, दुह पूरा लेह गेह संसारा रिंङ कांह महिमा लहतग।

यहून्नो 19:30

अपेहल यीशु ज़ि दिह सिरका लेहप्ती, ता कुंई, “पुरा शुई” दंङ पुंज़ा योंखा लेह सीए इलि।

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

2 तीमुथियुस 4:7

छना इच्च़ा रूठे योद्धा लड़ाईरिंङ हार माह मनेक्च़ा ध्वांए गेह ला प्रभु थल्जी महस मेहनत लहज़ी माह छोड़ेक्च़ातग। गेह मसीहू रांहषी कम पूरा लेह चरच़ातग, गेह प्रभु रिंङ थल मुक्का तचेक वफादार बंङज़ातग।

प्रकाशित वाक्य 11:3

“दंङ गेह घेंङौ झुह्ट गवाह तिंङ दिह अधिकार रमोग कि टाट चोक्सा ते इच्च़ा हज़ार झुह्ट राह षुमु निह्ज ध्याड़ा तचेक भविष्यवाणी लंहि।”

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 13:11

दंङ गेह यह्च़ा अई इच्च़ा घ्वंण बि धरतीऊ दोरच़ी हुंज़ी खंईगा, दोऊ झुह्ट डे तोईरे छना कुरच़ो शवाहतोर। पर अपेहल दोई कुट्री लेहती दंङ दि अजगरो ठ्रोह कुट्री लेहती।

प्रकाशित वाक्य 13:7

परमेश्वरे दोबि दि अधिकार रें च़रति, कि दुह परमेश्वरो खिलाप लड़ेपोतो, दंङ दोतिंङ यहरच़े च़रपोतो, दंङ दोबि हर इच्च़ा खानदान, मीहरे, भाषा ए जाति टोईच़ी अधिकार रें च़रति।