प्रकाशित वाक्य 11:3 - लाहौली बाइबिल

³ “दंङ गेह घेंङौ झुह्ट गवाह तिंङ दिह अधिकार रमोग कि टाट चोक्सा ते इच्च़ा हज़ार झुह्ट राह षुमु निह्ज ध्याड़ा तचेक भविष्यवाणी लंहि।”

प्रकाशित वाक्य 11:3 Iomraidhean Croise

मत्ती 11:21

“धिक्कार शुह! खुराजीन शहरो मीहरे, दंङ धिक्कार शुह! बैतसैदा शहरो मीहरे, अंऊ हेरानी ऊ कम ए रूठे कम गेह केहतु बिचंङ लहज़ी तातग, अगर दुह कमाबि गेह ऊई इलाकारिंङ सोर ए सीदोन शहरारिंङ लांईया ता दोच़ी टाठ चोकसा दंङ तप चाह्सा अपेहल बे एनोह पाप छोड़ेके चरच़ि।

मत्ती 18:16

अगर दोई माह रेड्राता इच्च़ा यताह झुह्ट मीह केनाह रंङ साते लेन्ज़ा शिला, छना कुचे मूसाऊ कानूनो हिसाबे हर इच्च़ा शिकायता बि झुह्ट छिता षुमु गवाहीतु तुईज़ी ठीक साबित शुहबी जूंस।

लूको 10:13

“धिक्कार शुह! खुराजीन शहरो मीहरे, धिक्कार शुह! बैतसैदा शहरो मीहरे। अंऊ हेरानी ऊ कम ए रूठे कम गेह केहतु बिचंङ लहज़ी तातग, अगर दुह कमाबि गेह ऊई इलाकारिंङ सोर ए सीदोन शहरारिंङ लांईया ता दोच़ी टाठ चोकसा दंङ तब चाह्सा अपेहल बे एनोह पाप छोड़ेके चरच़ि शुंईआ।

लूको 24:48

केहरे दिह भत्ते गप्पातु गवाह शुई।

यहून्नो 15:27

दंङ केहरे संसारो मीहतिंङ गिऊ पाहठी कंमोई, छना कुचे केहरे शुरुवात बे गेरंङ साते तोईन।

यहून्नो 3:27

यूहन्ना ज़ि जुबाब रेंई, “अपेहल तचेक मीह बि स्वर्गंङ च़ि मा रेंई, दोहपल तचेक दोच़ी छले मा खोक्पोर।

प्रेरित 1:8

पर अपेहल पवित्र आत्मा केहतु टोहकठे अपतो दोहपल केतिंङ सामर्थ खोकसोतो; दंङ यरूशलेम शहर ए भत्ते यहुदिया ए सामरिया प्रदेशारिंङ, दंङ संसारो भत्ते ठाहरीरिंङ मीहतिंङ गिऊ पाहठी कंड्रिमी थल्जी गिऊ गवाह शोंई।

प्रेरित 13:31

दंङ दुह दोतिंङ अंऊ दोरंङ साते गलील प्रदेशंङ च़ि यरूशलेम शहर अंज़े तोईरे, दोतिंङ महसे ध्याड़ा तचेक तंङफा लहरी। दि दोरे मीहरे शुरे अंऊ दोच़ी यीशु तंङातेर, दंङ हेंतेग दिरे मीहरे ऊई मीहतु तुईज़ी यीशु गवाह तोतोर।

प्रेरित 2:32

दिए यीशु बि परमेश्वरे श्रींङे लहरी, दंङ हेनर भत्तेर दि सच्चाई ओ गवाह शुई।

प्रेरित 3:15

दंङ केहच़ी दुह सच़ी च़रतिन, अरि मीहतिंङ हमेशा ओ जीवन रंड्रा, पर परमेश्वरे दोबि सिए दोतु बिचंङ ज़ि श्रींङमी लहरी; दंङ दिह गप्पातु ञेंहरे गवाह तोतोंई।

1 कुरिन्थियों 12:28

मसीहू दि फुका रिंङ, अंऊ कलीसिया तोह, परमेश्वरे हेंदिंङ शत्‌ह ठ्रोह सेवकाई ओ थल्जी अंङषी ततो: भत्ते बे तुहई, दोई प्रेरित, दूसरा भविष्यवक्ता, दोऊ थल मदत लहज़ा मुख्या, दंङ भत्ते पाहठी भाषा कुट्रा।

2 कुरिन्थियों 13:1

पवित्रशास्त्रा रिंङ दि च़ेहसी तोह कि “हर इच्च़ा मसला झुह्ट या षुमु गवाह तु गवाही दोरच़ी सुलझासी जूंशी तोह।” गेह तुहई ए दू मीहतिंङ चेतावनी रें चरच़ातग अपेहल गेह घेंङौ दूसरी यात्रा ओ मुक्का दोर्तिंङ तोईगा। हेंतेग गेह यह्च़ा दोतिंङ ए ऊई ला भत्ते दि डाको दोरच़ी चेतावनी रंड्रातग, छना गेह तुहई लाहतेर। हेंतेग गेह षुमु फेरा केहतु कछंङ अपिमी तोतोग; दंङ अगर दोच़ी हेंतेग ला पाप लहज़ी ब्याड़ा माह लहरिर, दंङ अरिला सज़ा ओ दोरच़ी बचेक्पोतो माह।

इफिसियों 4:11

दि मसीह तोहई अच़ि दि ज़िम्मेवारी कलीसिया बि रेंई: दोई रेह तिंङ प्रेरित शुहबिमी थल्जी अंङे च़रति दंङ रेह तिंङ भविष्यवक्ता बणेषिमी थल्जी, दंङ रेह तिंङ रूठे खबर सुनाएच़िमी थल्जी, दंङ रेह तिंङ रखवाली लहज़िमी थल्जी दंङ रेह तिंङ सिखाच़िमी थल्जी अंङे च़रतिर।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 11:2

पर धकतेखी ल्वाड़ी था पक्तु छना कुचे दुह ऊई जाति दोतिंङ रांहषी तोह, अंऊ दोरे परमेश्वरा बि माह ञेंच़ातोर, दोरे निंज़ो झुह्ट लाह तचेक गिऊ पवित्र शहर यरूशलेमारिंङ राज लोहर।

प्रकाशित वाक्य 11:6

परमेश्वरे दोतिंङ खबर रंड्रीमी मुक्का सर्गंङ ज़ि संदाण माह अपिमी अधिकार रांहषी ततो। दोच़ी ती बि शुहई ठ्रोह षेह्ई रंगा रिंङ लेक्सा ए धरतीऊ टोईच़ी भत्ते पाहठी मुसीबतो टोईच़ी चोट रंड्रीमी अधिकार खोकसा तोह। दोरे अंयों फेरा जुंज़ातोर धोंण फेरा झांह लेह तरपोर।

प्रकाशित वाक्य 12:6

दंङ दुह मेच़िमी दुह सुनसान ठहरि ओ हखा पोकषे इलि, अंऊर परमेश्वरो तरफे दोऊ थल्जी तेयार लहसी तोहई कि दोर्तिंङ इच्च़ा हज़ार झुह्ट राह षुमु निह्जा ध्याड़ा तचेक टूड्री जूंस।

प्रकाशित वाक्य 13:5

परमेश्वरे घ्वंणा बि एनोह अधिकारो पाहठी घमण्ड लहज़िमी अधिकार रें च़रति कि झांह ठ्रोह दोई परमेश्वरो अपमान लोहतो। परमेश्वरे दोबि निह्जो झुह्ट लाह तचेक दि अधिकार तहज़िमी हुकुम रांई।

प्रकाशित वाक्य 19:10

अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।