प्रकाशित वाक्य 11:2 - लाहौली बाइबिल

² पर धकतेखी ल्वाड़ी था पक्तु छना कुचे दुह ऊई जाति दोतिंङ रांहषी तोह, अंऊ दोरे परमेश्वरा बि माह ञेंच़ातोर, दोरे निंज़ो झुह्ट लाह तचेक गिऊ पवित्र शहर यरूशलेमारिंङ राज लोहर।

प्रकाशित वाक्य 11:2 Iomraidhean Croise

मत्ती 27:53

दंङ श्रींङमीरंङ कब्ररज़ि हुंज़े पवित्र नगरारिंङ इलजी मीहतिंङ तंङाषातेर।

मत्ती 4:5

दंङ शेतान यीशुबि पवित्र यरूशलेम शहरंङ रेंज़ा इलि दंङ यहुदी मंदिरो पुंज़ंङ खड़े लहतो,

मत्ती 5:13

केरे दिह संसारो मीहतु थल्जी छ़ाऊ ठ्रोह शुई; पर अगर छ़ाऊ स्वाद अच़ा इलि सईता, दंङ दुह अंऊ चीज़ा रंङ साते छ़कू लहज़ी दंङ दुह छोउला कमो माह शुहबी, सिर्फ दिऊ थल्जी शुहबी कि धह्तेका छङें मीहतु कोन्ज़ो पोयंङ ककट्रीमी थल्जी।

लूको 21:24

दोतिंङ तलवार रंङ साते सचे च़रपोर दंङ महसे देशो मीहतु बिचंङ केदीतु ठ्रोह छ़ुचे रेंज़ा शोर; अपेहल तचेक ऊई जातितु ध्याड़ा पूरे मशोतो, दोहपल तचेक यरूशलेम शहर ऊई जातितु दोरच़ी बर्बाद शोतो।

इब्रानियों 10:29

अगर मूसा ओ कानूनो हिसाबे झांह ठ्रोह सज़ा तोहई, दंङ दू मीहू सज़ा महस मोह्ड़े शोतो अंऊ परमेश्वरो योह अपमान लहज़ा। दोई परमेश्वरो योह बि एनोह कोंज़ो पोयंङ नुच़िह चरच़तो छना कुचे दोई दोऊ आदर-सत्कार माह लहरी। दोई मसीहू दू शुहई अपवित्र ञेंहरी अतु दोरच़ी परमेश्वरे दोबि पवित्र बणाएच़िमी वाईदा शुरू लाहते। दोई पवित्र आत्माओ अपमान लहरी अतु दोरच़ी दोई मोह्ड़े दाह खोकच़ातंई।

प्रकाशित वाक्य 11:11

पर साढ़े षुमु ध्याड़ो थल परमेश्वरे दोतु अंदरेग एनोह सग केहच़ी च़रति दंङ दोरे श्रींङे इलिर; दंङ दोरे एनोह कोंज़ो भारे खड़े शुहचे इलिर, दुह भत्ते ज़ि अंऊ दोच़ी खंणीर कि दोरे हेंतेग यह्च़ा श्रींङे तोईरे, महस बेबा इलिर।

प्रकाशित वाक्य 11:3

“दंङ गेह घेंङौ झुह्ट गवाह तिंङ दिह अधिकार रमोग कि टाट चोक्सा ते इच्च़ा हज़ार झुह्ट राह षुमु निह्ज ध्याड़ा तचेक भविष्यवाणी लंहि।”

प्रकाशित वाक्य 12:6

दंङ दुह मेच़िमी दुह सुनसान ठहरि ओ हखा पोकषे इलि, अंऊर परमेश्वरो तरफे दोऊ थल्जी तेयार लहसी तोहई कि दोर्तिंङ इच्च़ा हज़ार झुह्ट राह षुमु निह्जा ध्याड़ा तचेक टूड्री जूंस।

प्रकाशित वाक्य 21:10

दोहथर परमेश्वरो आत्माज़ि गिह्बी एनोह वशारिंङ लेह च़रति, दंङ स्वर्गदूत गिह्बी इच्च़ा मोह्ड़े ए खेका गोह टोईच़ी रैंज़ा शिली, दंङ पवित्र नगर यरूशलेम बि स्वर्गो दोरच़ी परमेश्वर कछंङ तक्सी कंड्रिरी।

प्रकाशित वाक्य 21:2

गेह पवित्र शहरा बि ला खंईगा, अंऊ कि खरकोई यरूशलेम तोह, दंङ स्वर्गो दोरच़ी धरतीऊ हखा योंखा अपि लेहकी तोह। दुह शहरा बि इच्च़ा ब्याहुत्री ठ्रोह तेयार लहसी तोहई, अपि खमज़ेर लेहसी तोहई दंङ श्रंगार लहसी तोहई दंङ अंऊ ब्याहू रंङ साते ब्याह लहज़िमी थल्जी तेयार तोह।

प्रकाशित वाक्य 22:19

दंङ अगर केरे दि कताबो भविष्यवाणी ओ खबरो बिचंङ ज़ि छिल्ला हुंपातंई दंङ परमेश्वर केहतु दोरच़ी दुह आशीषर रैंज़ा शोतो अतु गप्पा दि कताबा रिंङ लहसी तोह। परमेश्वर जीवनो बुटो फला बि ज़ेइमी ए पवित्र शहरा रिंङ बंङज़िमी केहतु अधिकार ला रैंज़ा शोतो।