प्रकाशित वाक्य 11:18 - लाहौली बाइबिल

¹⁸ ऊई जाति ज़ि रोहष लहरिर, छना कुचे हेंतेग दुह ध्याड़ा पिचे इलजे तोहई कि कनु रोहष दोतु टोईच़ी अपतो, दंङ दुह ध्याड़ा कि काह सिए दोतु फेंसला लोहन हेंतेग दुह टेम ला तोह अपेहल काह दुह भविष्यवक्ता तिंङ ईनाम रमोंन अंऊ कनु सेवा लहज़ातोर दंङ दुह भत्ते मीहतिंङ अंऊ कनु आदर लहज़ातोर, दंङ दोतिंङ अंऊ दोरे खास तोतोर दंङ अंऊ दोरे खास माह तोहर, अपेहल कि काह दोतिंङ दुह ए मुक्का नाश लेह च़रपोन अच़ि धरतीऊ टोईच़ी नाश लहज़ातोर।”

प्रकाशित वाक्य 11:18 Iomraidhean Croise

मत्ती 5:12

दोहपल केहरे खुशी मनातुंई ए मगन शुई छना कुचे स्वर्गंङ केहतु थल्जी मोह्ड़े ईनाम तोह। दिऊ थल्जी कि दोच़ी दुह भविष्यवक्तातिंङ अंऊ महसे तुईबेज़ि तोईरे ध्यांए तंग लहज़ातेर।

लूको 1:50

दंङ दोऊ दया दुह मीहतु टोईच़ी शुबी, अंऊ पीढ़ी बे पीढ़ी दोऊ बेह्द चेहच़ातोर।

इब्रानियों 9:27

हर इच्च़ा मीहू इच्च़ा फेरा सि पक्‍का तोह। सिमी थल परमेश्वर हर इच्च़ा मीहू न्याय लोहतो।

प्रकाशित वाक्य 10:7

दुह मुक्का, अपेहल सातवें स्वर्गदूतो सग रंड्रीमी ध्याड़ा रिंङ, अपेहल दुह तुरही रिंङ फुह लहज़िमी शोतो, दंङ परमेश्वरो दुह रूठे खबरो योजना बि पूरा लोहतो अंऊ दोई दुह भविष्यवक्ता तिंङ कंङाते अंऊ दोऊ सेवा लहज़ातेर पर ऊई मीहतिंङ माह कंड्रीर।

प्रकाशित वाक्य 11:2

पर धकतेखी ल्वाड़ी था पक्तु छना कुचे दुह ऊई जाति दोतिंङ रांहषी तोह, अंऊ दोरे परमेश्वरा बि माह ञेंच़ातोर, दोरे निंज़ो झुह्ट लाह तचेक गिऊ पवित्र शहर यरूशलेमारिंङ राज लोहर।

प्रकाशित वाक्य 13:10

अंऊ मीहतिंङ कैद लहज़ी जूंशी तोह, दोरे पक्‍का रूपारिंङ कैद शोर, दंङ अतु थल्जी पक्‍का तोह कि अतु थल्जी ज़रूरी तोह कि दोरे ऊई मीहतु दोरच़ी तलवारे रें सच़ी च़रपोर, दंङ दोरे पक्‍का रूपा रिंङ तलवारे रें सच़ी च़रपोर। दिऊ थल्जी जूंशी तोह कि परमेश्वरो मीहरे दुह खरे तिंङ सहन लंहि अंऊ दोऊ दोच़ी अनुभव लहज़ातोर दंङ विशवास लहज़िमी थल्जी पक्‍का शुहचे बंङज़ेंई।

प्रकाशित वाक्य 13:16

अई घ्वंणे खास ए खास मेह, साहुकार ए गरीब, परगर या अंऊ दोरे परगर माह तोईरे मतलब भत्ते मीहतिंङ मज़बूर लहरी कि दुह मुण्डो घ्वंणो मिन एनोह सुचंङ गुहट्ररिंङ या एनोह फ्याह ओ टोईच़ी छाप लगाएपोतो।

प्रकाशित वाक्य 14:10

दंङ दुह परमेश्वरो रोहषो बट्रडा केहच़ी अंऊ मिलावट रंङ, दोऊ रोहषो कोली रिंङ केहच़ी च़रति, तुंङमोतो दंङ पवित्र स्वर्गदूतो तुईज़ी कुरच़ो तुईज़ी मेह ए गन्धको टेहषीरिंङ पढ़ेक्पोतो।

प्रकाशित वाक्य 15:1

अपेहल दुह योह्सा इलि, दंङ गेह सर्गारिंङ इच्च़ा अई इच्च़ा मोह्ड़े चिन्ह तंङरिगा अंऊ कि महस अद्धभुत ए बेह्द अपिमी जोगे तोहई। दोर्तिंङ निह्ज स्वर्गदूत तोईरे अंऊ निह्ज शत्‌ह-शत्‌ह ठ्रोह बीमारी कुरच़ा तोईरे दुह मुसीबत थल मुखो तोह छना कुचे अपेहल दुह योह्सा योतो दोहपल परमेश्वरो रोहष योह्सा योतो।

प्रकाशित वाक्य 18:6

दिऊ थल्जी गेह कुट्रातग, दुह शहरा रंङ साते ला ध्वांए लोहू, छना दोई ऊईतिंङ साते लहसी ततो। दोऊ भत्ते मदम कमो थल्जी दोबि दोगुना पलटा रोंऊ। दुह शहरो थल्जी दोगुना शक्तिशाली मुसीबतो तेयारी लोह छना मुसीबते दोई ऊई मीहतंङ साते अत्याचार लहसी ततो।

प्रकाशित वाक्य 19:15

दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।

प्रकाशित वाक्य 19:18

“अतंई ए रज्ज़ा रे, सैनिका तु अगुवारे, शक्तिशाली सैनिकारे, रहंङ ए दोतु सवारी तु सिए फुको षाह ज़ैंई। केरे भत्ते पाहठी सिए मीहतु षाह ज़ेई तरपोंई, मतलब, दास ए आज़ाद, मोह्ड़े ए कवचि झुल्लो।”

प्रकाशित वाक्य 19:5

दंङ गेह अपि आ कुट्री रेड्रीगा, दंङ झांह चेहसिरी छना दि सग परमेश्वरो सिंहासनो दोरच़ी अंज़े शुह। दोई कुई, “हे ञेंहतु परमेश्वरो सेवकारे दंङ केरे अंऊ दोऊ बेह्द चेहच़ातंई, चाहे मोह्ड़े तोतोंई या कवचि परमेश्वरो स्तुति लंहि!”

प्रकाशित वाक्य 20:12

दंङ गेह सिए मीहतिंङ दुह सिंहासनो तुईज़ी तंङरिगा, मतलब दोतिंङ अंऊ खास ए आम मीहरे तोतोर। दोरे मीहरे अंऊ समुंद्र डुमज़े सिए इलजी तोईरे, दंङ क्रबो भत्ते सिए मीहरे, दंङ दोरे मीहरे अंऊ सिए दोतु ठहरि तोईरे, दोरे भत्ते दुह सिंहासनो तुईज़ी खड़े शुहचे इलिर। दंङ कताबर अलसा इलि, अंऊर जीवनो कताब ला शामिल तोह। दंङ कताबा रिंङ च़ेहसी गप्पो हिसाबे दोतु फेंसला शुहचे इलि, दोऊ हिसाबे अंऊ दोच़ी लहसी तरेर। दुह भत्ते तु दोतु कमो हिसाबे फेंसला शुई।

प्रकाशित वाक्य 22:12

दोहथल प्रभु यीशु ज़ि कुई: “गेह युरनाह अपिमी तोतोग! दंङ छिल्ला मीहच़ी लहसी ततो, गेह दोतिंङ दोतु कम खंई ईनाम ए सज़ा रमोग।”