प्रकाशित वाक्य 11:15 - लाहौली बाइबिल

¹⁵ अपेहल सातवें स्वर्गदूते तुरहीरिङ फुह लहरी, दंङ गेह स्वर्गंङ तेज सग रें हाऊष रंड्री रेड्रीगा: “संसारारिङ हेंतेग अरिला माह अच़ि राज लोहतो। सिर्फ हेंदु प्रभु परमेश्वर ए दोऊ अंङषी मसीह, दंङ दोई हमेशा-हमेशा ओ थल्जी राज लोहतो।”

प्रकाशित वाक्य 11:15 Iomraidhean Croise

मत्ती 24:31

दोई तुरहीऊ जोहरे सगतंङ साते एनोह दूतारे च़रपोतो, दंङ दोरे धरतीऊ कुंणी-कुंणी ऊ गिऊ अंङषी मीहतिंङ ठ्रोहका लोहर।

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

लूको 1:33

दंङ दुह याकूबो खानदानो टोईच़ी हमेशा राज लोहतो, दंङ दुह हमेशाऊ थल्जी रज्ज़ा बणेंक राज लोहतो।”

लूको 15:10

गेह केतंङ साते कुट्रातग पापो दोरच़ी सेहम यह्च़ा इच्च़ा पापीऊ थल्जी परमेश्वरो स्वर्गदूतातु तुईज़ी खुशी शुहबी।”

लूको 15:6

दंङ एनोह चुंङ अंज़े एनोह साथिरे ए पड़ोसिरे ठ्रोहका लेह कुट्रा, गेरंङ साते खुशी मनातुंई, छना कुचे गिऊ योंहंषा त्रैंई खोकसा इलज़ा।

प्रेरित 4:26

प्रभु परमेश्वर ए दंङ अपि मसीह शुहबिमी थल्जी दोई अंङषी ततो दोऊ खिलाप धरतीऊ रज्ज़ा खड़े शुहचे इलिर; दंङ अधिकारीर इच्च़ा साते ठ्रोहका शुहचे इलिर।

इब्रानियों 1:8

पर योह पाहठी कुट्रा, “कांह परमेश्वर शुनाह, कनु राज हमेशा तचेक बणेंके बंङज़ोतो, काह केनोह राजारिंङ धर्मिकता रंङ साते राज लोहतो।

प्रकाशित वाक्य 10:7

दुह मुक्का, अपेहल सातवें स्वर्गदूतो सग रंड्रीमी ध्याड़ा रिंङ, अपेहल दुह तुरही रिंङ फुह लहज़िमी शोतो, दंङ परमेश्वरो दुह रूठे खबरो योजना बि पूरा लोहतो अंऊ दोई दुह भविष्यवक्ता तिंङ कंङाते अंऊ दोऊ सेवा लहज़ातेर पर ऊई मीहतिंङ माह कंड्रीर।

प्रकाशित वाक्य 12:10

दंङ गेह स्वर्गंङ ज़ि दि मोह्ड़े सग रेहशी, “हेंतेग हेंदु परमेश्वर हेंदु मीहतिंङ बचाएपोतो! हेंतेग दोई एनोह सामर्थो इस्तेमाल लोहतो दंङ रज्ज़ा ओ रूपारिंङ राज लोहतो! हेंतेग दोऊ मसीह संसारो टोईच़ी एनोह अधिकारो दावा लोहतो! छना कुचे हेंतेग शेतान परमेश्वरो हाज़िर रिंङ खड़े शुहचे हेंदु साथी सेवका तिंङ रात-दिन दोष माह लगाएती। दोबि स्वर्गो धकतेखा छंङी च़रति।”

प्रकाशित वाक्य 15:4

“हे प्रभु, भत्ते मीहतु दोरच़ी कनु आदर शवाह, दंङ दोरे भत्तेर कनु मिन्दु आदर लहज़ातोर, छना कुचे सिर्फ काह ए पवित्र परमेश्वर शुनाह। हर इच्च़ा ठहरि ओ भत्ते मीहरे कनु कछंङ अपतोर, दंङ दोरे कनु अराधना लहज़ातोर छना कुचे कनु धर्मो कम भत्ते तिंङ रूठे रंङ हिद तोतोर।”

प्रकाशित वाक्य 16:17

सातवें स्वर्गदूते अंऊ दोऊ कोली रिंङ तोहई दोबि लन्न दि थोरच़ी च़रति, दंङ गेह स्वर्गो मंदिरो अंदरेग च़ि परमेश्वरो सिंहासनो दोरच़ी अतिंङ आ जोरे कुट्री रेड्रीगा, “पूरा शुहचे इलि!”

प्रकाशित वाक्य 17:14

दोरे कुरच़ो खिलाप लड़ेपोर, पर कुरच़ा दोतिंङ यहरच़े च़रपोतो, छना कुचे दुह प्रभु तु प्रभु ए रज्ज़ा तु रज्ज़ा शुह। कुरच़े एनोह बुलासी दोरे, अंङषी दोरे दंङ विशवासो जोगे साथी तंङ दोतु टोईच़ी द्रक्शे योतो।

प्रकाशित वाक्य 19:1

अपेहल शक्तिशाली स्वर्गदूते कुट्री बंद लहरी, दिऊ थल गेह छि रेड्रीगा दुह झांह ठ्रोह तोहई छना स्वर्गारिंङ महसे मीहरे कुट्री लेहकी तोतोर, “हालेलूय्याह! उद्धार ए महिमा, दंङ सामर्थ हेंदु परमेश्वरो ए तोह।

प्रकाशित वाक्य 19:6

दिऊ थल, गेह दि ला रेड्रीगा अंऊ महसे मीहतु हाऊष रंड्रीमी सगो ठ्रोह तोहई। दोतु हाऊष रंड्री मोह्ड़े तिऊ सगो ठ्रोह तोहई, दंङ डुह मोह्ड़े सगो ठ्रोह तोहई। गेह दोतिंङ दि कुट्री रेड्रीगा: “हालेलूय्याह! अतंई हेनर हेंदु प्रभु परमेश्वरो स्तुति लोहनि।” छना कुचे हेंदु सर्वशक्तिमान परमेश्वरे ए रज्ज़ा शुह।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।

प्रकाशित वाक्य 8:12

चौथा स्वर्गदूते तुरहीबि फुह लहरी, दंङ ऐकेऊ इच्च़ा तिहाई हिस्सा, दंङ लच़ंङो इच्च़ा तिहाई, दंङ करज़े तु इच्च़ा तिहाई हिस्सा ओ टोईच़ी मुसीबत अति, दंङ नाश शुहचे इलि, अतु वहज़ा ज़ि निरो इच्च़ा तिहाई हिस्सा हंयार शुहचे इलि दंङ लचंङ ए कर रातो इच्च़ा तिहाई टेम ला चमकेपी माह।

प्रकाशित वाक्य 9:1

अपेहल पांचवां स्वर्गदूते तुरही रिंङ फुह लहरी, दंङ गेह स्वर्गो दोरच़ी धरती रिंङ इच्च़ा कर दह्पी तंङरिगा, दंङ दि कर बि दुह कुंजी रें च़रति अंऊ दुह अधोलोक (गड्डा) बि युप्शे तरपोतो अतु गहराई ओ छल्ले अंत माह।

प्रकाशित वाक्य 9:13

दिऊ थल, छठवें स्वर्गदूते एनोह तुरहीरिङ फुह लहरी। अपेहल दोई दिबी फुह लहरी दंङ गेह परमेश्वरो तुईज़ी धूप जलाच़िमी ज़ङों वेदी ओ पिला कुंणी ऊ इच्च़ा सग रेड्रीगा,