प्रकाशित वाक्य 11:10 - लाहौली बाइबिल

¹⁰ दोतु सिमी तुहई, दोकु झुह्ट गवाह ज़ि मुसीबतो दोरच़ी मीहतिंङ धोंण परेशान लहरिर अपेहल मीहच़ी रेड्रीर कि दोरे सिए इलोर, दंङ दोरे महसे खुश शुहचे इलिर। धोंण कि दोरे खुशी रंङ धाम मनेक्च़ी लेहतिर, दंङ इदि-अईदि बि तग रंड्री लेहतिर।

प्रकाशित वाक्य 11:10 Iomraidhean Croise

मत्ती 10:22

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

यहून्नो 16:20

गेह केतंङ साते हेले कुट्रातग; कि केहरे गिऊ सिमी थल क्रपोंई दंङ दुख लोहनी, पर संसारो मीहरे खुशी मनाएपोर: केतिंङ दुख शोतो, पर अपेहल गेह सिमी दोरच़ी यच़ाह श्रींङे शुहचे वापिस अपोग, ता केहतु दुख, खुशी रिंङ शुहचे योतो।

यहून्नो 7:7

संसारो मीहरे केतंङ साते बैर लेह मरपोर पर दोरे गेरंङ साते बैर लहज़ातोर, छना कुचे गेह दोतु खिलाप दिह गवाही रंड्रातग, कि दोतु कम मांजी तोह।

प्रेरित 5:33

अपेहल सभा ओ मीहज़ी दिह रेड्रिर दोरे हट्रा इलिर, दंङ दोरे प्रेरितातिंङ सच़ी तरेर।

1 कुरिन्थियों 13:6

अपेहल मीहरे मदम कम लहज़ातोर दंङ दोरे खुश माह शवाहतोर, पर अपेहल मीहरे झांह ठ्रोह कम लहज़ातोर अंऊ हेले ए सच्चा तोह दंङ दोरे खुश शवाहतोर।

प्रकाशित वाक्य 12:13

अपेहल अजगर समझेगी इलि, कि गेह धरतीऊ टोईच़ी दह्च़ी इलिगा, दंङ दोई दोऊ थले ज़रका रें च़रति, अंऊ दुह मेच़िमी दुह योह बि जन्म रांहषी तोहई,

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 16:10

पांचवां स्वर्गदूते अंऊ दोऊ कोली रिंङ तोहई दुह घ्वंणो सिंहासनो टोईच़ी थोरच़ी च़रति। दंङ दुह राज अंऊ दोऊ टोईच़ी घ्वंणे राज लहज़ाते हंयार शुहचे इलि। मीहरे एनोह लेह ट्रिक्शी लेहतिर छना कुचे दोरे दुह टेहषी बि ए फोह्ल ज़ख्मा तिंङ सहन लेह मरच़ातेर अंऊ दोच़ी महसूस लहज़ातेर।

प्रकाशित वाक्य 3:10

केई गिऊ खबरो भाषे लहज़ातन ताकि अपेहल केई दुख उठाएपोन दंङ दुह धीरज़ा रंङ साते सहन लेह तरपोन। झांह लेह, गेह मोह्ड़े परीक्षा ओ मुक्का कांह रक्षा लेह तरपोग। परीक्षा ओ दि मुक्का दि संसारो भत्ते मीहतु टोईच़ी अपतो।