प्रकाशित वाक्य 11:1 - लाहौली बाइबिल

¹ दंङ यह्च़ा गिह्बी पक्च़िमी थल्जी इच्च़ा डंडा रें च़रति दंङ परमेश्वरे गिह्बी हुकुम रेंई, “ईला गिऊ ए वेदी ओ नाप लेहप्तु, दंङ दुह मीहतु गिनती लोह अंऊ दोर्तिंङ गिऊ अराधना लहज़ातोर।”

प्रकाशित वाक्य 11:1 Iomraidhean Croise

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

प्रकाशित वाक्य 10:11

दोहथल गेरंङ साते दि कुई, “शतह-शतह झुण्डो ए देशो मीहतिंङ, शतह-शतह भाषा कुट्रा मीहतिंङ ए रज्ज़ा तिंङ अई इच्च़ा फेरा यह्च़ा कंड्रु, अंऊ परमेश्वरे कनिंङ कंड्रीमी थल्जी कुहषी तोह।”

प्रकाशित वाक्य 21:15

अंऊ स्वर्गदूत गेरंङ साते गप्पा लहज़ी लेहकी तोहई, दोऊ कछंङ नगर ए दोऊ पेतंङ ए दंङ दोऊ मोह्ड़े भिती ओ नाप लहज़िमी थल्जी इच्च़ा ज़ङों गज तोहई।