प्रकाशित वाक्य 10:7 - लाहौली बाइबिल

⁷ दुह मुक्का, अपेहल सातवें स्वर्गदूतो सग रंड्रीमी ध्याड़ा रिंङ, अपेहल दुह तुरही रिंङ फुह लहज़िमी शोतो, दंङ परमेश्वरो दुह रूठे खबरो योजना बि पूरा लोहतो अंऊ दोई दुह भविष्यवक्ता तिंङ कंङाते अंऊ दोऊ सेवा लहज़ातेर पर ऊई मीहतिंङ माह कंड्रीर।

प्रकाशित वाक्य 10:7 Iomraidhean Croise

प्रेरित 3:21

यीशु ऊ स्वर्गंङ बंङज़ी दोहपल तचेक ज़रूरी तोह अपेहल तचेक कि परमेश्वर भत्ते धिर खरकोई बणाके च़रपोतो। महस तुहई ए परमेश्वरे मीहतिंङ दिह कंड्रिमी थल्जी पवित्र भविष्यवक्तातु दोरच़ी झांह लहज़िमी वाईदा लहरी।

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

प्रकाशित वाक्य 14:6

दंङ गेह अई इच्च़ा स्वर्गदूता बि सर्गो टोईच़ी फन्ज़ि तंङरिगा। दुह स्वर्गदूते दुह रूठे खबर कुरच़ा तोहई अंऊ अपेहल ला माह लेहक्सा, दोई संसारा रिंङ बंङज़ा मीहतु, हर इच्च़ा देश, हर इच्च़ा गोत्र दंङ भत्ते पाहठी भाषा रिंङ दिऊ घोषणा लहरिर।

प्रकाशित वाक्य 17:17

“दुह मेच़िमी अपि केई खांहषी तरेर, दुह दि मोह्ड़े शहर शुह अंऊ धरतीऊ टोईच़ी भत्ते रज्ज़ा तु टोईच़ी राज लहज़ा। दि चीज़ारे दोरंङ साते शुई, छना कुचे परमेश्वरे एनोह मकसद पूरा लहज़िमी थल्जी दोतु सेहमो निर्देशन लहरी। दिए वहज़ा तोह कि दोच़ी एनोह अधिकार घ्वंणा बि रें च़रतिर कि दोई राज लोहतो, अपेहल तचेक कि दुह भत्ते पूरा माह शोतो अंऊ परमेश्वरे कुहषी ततो।”