प्रकाशित वाक्य 10:6 - लाहौली बाइबिल

⁶ दंङ अंऊ हमेशा ओ थल्जी श्रींङे तोह, दंङ अच़ि स्वर्ग, धरती ए समुंद्र दंङ दोतु बिचंङ भत्ते धिर बणाषी ततो। दोऊ कसम लहज़ी कुई कि “हेंतेग छिल्ला गप्पो थल्जी ऊई रुमज़ी माह शोतो। हेंतेग दुह भत्ते पूरे शुहचे योतो।”

प्रकाशित वाक्य 10:6 Iomraidhean Croise

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।

प्रकाशित वाक्य 12:12

“झांह लेह केतिंङ भत्ते तिंङ खुश शुहबी जूंस अंऊर देर स्वर्गा रिंङ बंङज़ातंई। पर अंऊ केरे धरतीऊ टोईच़ी तोतोंई दंङ अंऊ समुंद्रारिंङ तोतोर केहतु टोईच़ी तरस लेह जूंशी तोह, छना कुचे मांजी आत्माओ अगुवा शेतान योंखा केहतु कछंङ अच़ा अति। दुह हेले रिंङ महस रोषेक्च़ा तोह छना कुचे दोई चेहच़ा कि युरनाह दोऊ अंत शुहचे योतो।”

प्रकाशित वाक्य 16:17

सातवें स्वर्गदूते अंऊ दोऊ कोली रिंङ तोहई दोबि लन्न दि थोरच़ी च़रति, दंङ गेह स्वर्गो मंदिरो अंदरेग च़ि परमेश्वरो सिंहासनो दोरच़ी अतिंङ आ जोरे कुट्री रेड्रीगा, “पूरा शुहचे इलि!”

प्रकाशित वाक्य 21:6

दंङ दोई गिऊ हखा कुई, “दि भत्ते गप्पा पूरे शुहचे इलज़ा। गेह अल्फा ए ओमेगा, आदि ए अनंत शुगाह। अरिला तिस्करे तोह, गेह दोबि दुह तिऊ सोता ओ दोरच़ी मुफ्ता रिंङ तुंङमिमी थल्जी रमोग अंऊ दोई अनंत जीवन रंड्रा।”

प्रकाशित वाक्य 4:11

“हे ञेंहतु प्रभु परमेश्वर, कांह महिमा खोकच़िमी जोगे तोतोन। कांह आदर खोकच़िमी जोगे तोतोन। काह सामर्थशाली तोतोन छना कुचे केई भत्ते चीज़ो रचना लहसी शुह। केई जुंज़ातन कि दुह अस्तित्वा रिंङ अपतो दंङ दिऊ थल्जी दोतु रचना शुई।”

प्रकाशित वाक्य 4:9

अंऊ सिंहासनो टोईच़ी बंङज़ा तोह, दुह ए तोह अंऊ हमेशा-हमेशा तचेक श्रींङे बंङज़ोतो। अपेहल ला श्रींङे दोच़ी दोबि महिमा, आदर ए धन्यवाद रंड्रातोर, दोहपल निंज़ो पि सेंहणार दोऊ तुईज़ी द्चिह यवातोर, दंङ दोऊ अराधना लहज़ातोर। दंङ दि कुट्रा सिंहासनो तुईज़ी एनातु मुकुट केह्चे केट्रातोर,

प्रकाशित वाक्य 6:11

दोतु बिचंङ हर इच्च़ा बि छंङसी खमज़ेर रेंई। दंङ परमेश्वरे दोतु हखा कुई, “हेंतेग कि थल्जी आराम लंहि, छना कुचे हेंतेग ला केहतु रेह साथी ए केहतु साथी विशवासी तोतोर अतिंङ केहतु ठ्रोह सच़ी च़रपोर। अपेहल सच़ी केट्रिमी दोतु गिनती पूरे शुहचे योतो, दोहपल ए गेह बदला लेहपोग।”