प्रकाशित वाक्य 10:1 - लाहौली बाइबिल

¹ दंङ गेह इच्च़ा ऊई शक्तिशाली स्वर्गदूताबि इच्च़ा डुह चोकसा ते सर्गंङ ज़ि तक्सी खंईगा; दंङ दोऊ पुंज़ो पिला हासी इच्च़ा मुघतु धनुष तोह, दोऊ मोद ऐकेऊ ठ्रोह चमकेक्पाते दंङ दोऊ कोंज़ा मेहू थम्मो बराबर तोईरे;

प्रकाशित वाक्य 10:1 Iomraidhean Croise

मत्ती 17:2

दंङ अपेहल दोरे एकांत रिंङ तोईरे दुह षुम चेलाज़ि यीशु रूप लेहक्सी तंङरी, दोऊ मोद एकेऊ ठ्रोह चमकेक्ते दंङ खमज़े छंङीऊ ठ्रोह छंङी शुहचे इलदे।

लूको 21:27

दंङ दोरे मीहरे गेह मीहू योह बि सामर्थ ए मोह्ड़े महिमारंङ बद्ड़ातु टोईच़ी अपि तंङमोर।

प्रेरित 26:13

दंङ हे रज्ज़ा, अमरिंङ नीरो टेमारिंङ गेह सर्गंङ ऐके बे महस छंङी, घेंङौ ए गेरंङ साते ज़ोआ दोतु पिलाहासी खंणीग।”

प्रकाशित वाक्य 1:7

रेड्रुं, दुह डुह रंङ साते अपिमी तोह; दंङ हर इच्च़ा मीह दोबि खमतो, देर तचेक कि अंऊ मीहरे दोऊ मौतो ज़िमेवार तोईरे, दोरे ला दोबि अपि खमोर। धरतीऊ भत्ते मीहरे जोरे-जोरे क्रपोर अपेहल दोरे दोबि खमोर। वोई झांह शोतो! अमीन।

प्रकाशित वाक्य 18:1

दिऊ थल गेह स्वर्गंङ ज़ि इच्च़ा स्वर्गदूता बि योंखा तक्सी तंङरिगा। दोऊ कछंङ मोह्ड़े अधिकार तोहई दंङ दोऊ मोह्ड़े तेज रंङ भत्ते धरती चमेक्की इलि।

प्रकाशित वाक्य 18:21

दंङ इच्च़ा शक्तिशाली स्वर्गदूते मोह्ड़े चक्कीऊ पटोह ठ्रोह इच्च़ा रह्घ उठाईति, दंङ कुह्चे ते समुंद्रा छंङी च़रति, “छना ठ्रोह दि रह्घ समुंद्रंङ छङें चरच़ि, दंङ दुह यह्च़ा माह खोकसा, ध्वांए ठ्रोह मोह्ड़े शहर बेबीलोन ला इच्च़ा ए फेरा नष्ट शुहचे योतो, दि यह्च़ा दोबारा माह बणेषतो।”

प्रकाशित वाक्य 20:1

दंङ गेह इच्च़ा स्वर्गदूता बि स्वर्गंङ ज़ि तक्सी तंङरिगा; अतु गुह्ट्र रिंङ महस डुह्गे कुण्ड़ या अधोलोको कुंज़ी, ए इच्च़ा मोह्ड़े जंज़ीर तोहई।

प्रकाशित वाक्य 4:3

दोऊ मोह्द बेशकीमती ए अनमोल रह्घ तु ठ्रोह चमकेक्पा अतिंङ यशब ए षेह्ई रह्घ ला कुट्री। दोऊ सिंहासनो पीला हासी इच्च़ा मुघतु धनुष तोह, अंऊ हरे कीमती रह्घ तु ठ्रोह तंङफा।

प्रकाशित वाक्य 5:2

दंङ गेह इच्च़ा बलवन्त स्वर्गदूता बि तंङरिगा अंऊ जोरे सग लहच़ी दि प्रचार लहज़ी लेहकी तोहई, “दि कताबो मुहर अलज़िमी ए कताब युप्च़िमी जोगे अरि तोह?”

प्रकाशित वाक्य 8:13

अपेहल गेह यह्च़ा खंईगा, दंङ गेह इच्च़ा उकाब बि सर्गा रिंङ फंज़ि ए जोरे सग रंङ साते दि कुट्री रेड्रीगा, “दुह मदम मीहतु टोईच़ी मुसीबत अपतो अंऊ धरतीऊ टोईच़ी बंङज़ातोर, छना कुचे अपेहल थल मुक्को षुमु ला स्वर्गदूत एनोह तुरही रिंङ फुह लोहर, दोहपल षुम मुसीबत ऊई शोतो अंऊ दोतिंङ सच़ी च़रपोतो। धरतीऊ टोईच़ी बंङज़ा दोतु टोईच़ी, हाय, हाय, हाय!”