प्रकाशित वाक्य 1:8 - लाहौली बाइबिल

⁸ प्रभु परमेश्वरे कुट्रा, “गेह अल्फा ए ओमेगा शुगाह, मतलब, शुरूआत ए अंत शुगाह। गेह ए शुगाह अंऊ तोतोग, अंऊ तोईगा, दंङ अंऊ एंतेग अपिमी तोह दंङ सर्वशक्तिमान तोह।”

प्रकाशित वाक्य 1:8 Iomraidhean Croise

2 कुरिन्थियों 6:18

“दंङ गेह केहतु बाह षोहग, दंङ केरे गिऊ योह ए मियोरे शोंई; दि सर्वशक्तिमान प्रभु परमेश्वरो वचन तोह”।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 1:17

अपेहल गेह दोबि खंड्रातग ता दंङ गेह दोऊ कोंज़ो टोईच़ी दह्चे इलिगा। गेह इच्च़ा सिए मीहू ठ्रोह शुहचे इलिगा। दंङ दोई गिऊ टोईच़ी एनोह सुचंङ गुह्ट्र केहच़ी कुहतो, “बेऊ था; गेह मुण्डो ए थल मुखङ तचेक शुगाह, दंङ गेह दुह शुगाह अंऊ जहानो जुंशी शुगाह।”

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।

प्रकाशित वाक्य 11:17

दि कुट्री लेहतिर, “हे सर्वशक्तिमान प्रभु परमेश्वर, अंऊ तोह, दंङ अंऊ तोहई, ञेंहच़ी हेले कनु धन्यवाद लहज़ातंई छना कुचे केई हेंतेग केनोह मोह्ड़े सामर्थ कंड्रातन दंङ हेंतेग केई धरतीऊ टोईच़ी केनोह राज शुरू लेह चरच़ातन।

प्रकाशित वाक्य 15:3

दोरे इच्च़ा झांह ठ्रोह गीत कुट्री लेहकी तोईरे छना परमेश्वरो दास मूसा ज़ि महस तुहई कुहषी तहरे। दोच़ी यीशु महिमा लहज़िमी थल्जी, अंऊ कि इच्च़ा कुरच़ो ठ्रोह तोह, झांह ठ्रोह कुई: सर्वशक्तिमान प्रभु परमेश्वर, छिल्ला केई लहसी तातन दुह मोह्ड़े ए अद्धभुत तोह। काह भत्ते देशो रज्ज़ा शुनाह, केई छिल्ला लहज़ातन दुह सच्चा ए धर्मी तोह।

प्रकाशित वाक्य 16:14

दि मांजी आत्मा तु दोर्तिंङ चमत्कार लहज़िमी शाक्ति तोहई दंङ दोच़ी इलजे दि मीहतिंङ ठ्रोहका लहरिर अंऊ दि संसारो भत्ते देशारिंङ राज लहज़ातेर ताकि दोरे सर्वशक्तिमान प्रभु परमेश्वरो मोह्ड़े ध्याड़ा रिंङ दोऊ खिलाप लड़ाई लड़ेक्पिमी थल्जी इबि तरपोंई।

प्रकाशित वाक्य 16:7

दंङ गेह यह्च़ा अतिंङ आ वेदी ओ दोरच़ी कुट्री रेड्रीगा, “वोई, हे सर्वशक्तिमान प्रभु परमेश्वर, हेले, मीहू जाति टोईच़ी कांह सज़ा सच्चा ए ठीक तोह।”

प्रकाशित वाक्य 19:15

दोऊ आहच़ि इच्च़ा तेज तलवार हुंच़िरी अंऊ दोरच़ी दोई देश यहरच़े च़रपोतो। अरिला दोऊ अधिकारा बि स्वीकार माह लहज़ा दुह दोतिंङ भत्ते रिति रंङ सज़ा रमतो। दुह सर्वशक्तिमान परमेश्वरो भयंकर प्रकोपा बि ध्वांए केहच़ी च़रपोतो, छना इच्च़ा रसकुण्डो दोरच़ी दाखो रस बहाएक्च़ा।

प्रकाशित वाक्य 19:6

दिऊ थल, गेह दि ला रेड्रीगा अंऊ महसे मीहतु हाऊष रंड्रीमी सगो ठ्रोह तोहई। दोतु हाऊष रंड्री मोह्ड़े तिऊ सगो ठ्रोह तोहई, दंङ डुह मोह्ड़े सगो ठ्रोह तोहई। गेह दोतिंङ दि कुट्री रेड्रीगा: “हालेलूय्याह! अतंई हेनर हेंदु प्रभु परमेश्वरो स्तुति लोहनि।” छना कुचे हेंदु सर्वशक्तिमान परमेश्वरे ए रज्ज़ा शुह।

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।

प्रकाशित वाक्य 21:22

गेह दोर्तिंङ छिल्ला मंदिर माह तंङरिगा, छना कुचे सर्वशक्तिमान परमेश्वर ए कुरच़ा दुह शहरा रिंङ तोतोर। दिऊ थल्जी दोर्तिंङ मंदिरो छल्ले ज़रूरत माह।

प्रकाशित वाक्य 21:6

दंङ दोई गिऊ हखा कुई, “दि भत्ते गप्पा पूरे शुहचे इलज़ा। गेह अल्फा ए ओमेगा, आदि ए अनंत शुगाह। अरिला तिस्करे तोह, गेह दोबि दुह तिऊ सोता ओ दोरच़ी मुफ्ता रिंङ तुंङमिमी थल्जी रमोग अंऊ दोई अनंत जीवन रंड्रा।”

प्रकाशित वाक्य 22:13

“गेह अल्फा ए ओमेगा, पहला ए अन्तिम, शुरूआत ए अनंत शुगाह।”

प्रकाशित वाक्य 4:8

दंङ पिला प्राणी तु त्रुई-त्रुई पाखरे तोतोरे, दंङ पाखो पोयंङ टिरा ए टिरा तोतोर; दंङ दोरे रात-दीन नहच़ा मेह दि कुट्रातोर, “पवित्र, पवित्र, पवित्र प्रभु परमेश्वर, सर्वशक्तिमान, अंऊ तोहई, दंङ अंऊ तोह, दंङ अंऊ अपिमी तोह।”