प्रकाशित वाक्य 1:3 - लाहौली बाइबिल

³ परमेश्वर हर इच्च़ा दुह मीहबी आशीष रमतो अंऊ दि भविष्यवाणी बि ऊईतिंङ पढ़ाके सुनाएच़ा, दंङ दुह हर इच्च़ा दुह मीहबी आशीष रमतो अंऊ दिबी रेड्रा दंङ दिबी मनेक्च़ा। छना कुचे दि गप्पा युरनाह शोतो।

प्रकाशित वाक्य 1:3 Iomraidhean Croise

मत्ती 24:15

दिऊ थल्जी अपेहल केहच़ी दुह उजाड़के अशुद्ध चीज़ो अतु पाहठी दानियेल भविष्यवक्ताए कुहषी तहरे, पवित्र ठाहरीरिंङ खड़े शुहचे खमोंई (अच़ि पढ़ेकपोंई, दोच़ी समझेक्पोंई।)

लूको 11:28

यीशु ज़ि कुतोह, “वेई; पर धन्य शुहरे दोरे अंऊ परमेश्वरो बचन रेड्रातोर दंङ दोऊ भाषे लहज़ातोर।”

रोमियो 13:11

हेंदु बिचंङ हर इच्च़ा बि इदि-अई दिरंङ साते दाह लेह जूंशी तोह छना कुचे दू टेम कछंङ तोह अपेहल परमेश्वर हेंदिंङ दि बुराई दोरच़ी छुड़ाके च़रपोतो। अपेहल हेनर मुण्डारिंङ मसीहू टोहकठे विशवास लाहतेंई, दू टेमो हिसाबे एंतेग मसीह हेंदिंङ बचाएच़िमी थल्जी वापिस अपिमी ध्याड़ा कछंङ तोह। दि ञेंई, केतिंङ ईमो दोरच़ी चेहके इबि जूंस दंङ खबरदार बंङज़ी जूंशी तोह।

रोमियो 13:12

दि मदम संसारारिंङ बंङज़ी हेंदु टेम इच्च़ा रातो योह्सिमी ठ्रोह लगभग योह्सा अंज़े तोह, दंङ दुह ध्याड़ा ला कछंङ पिचे तोह अपेहल मसीह वापिस अपतो। झांह लेह हेंदिंङ हंयारा रंङ जुड़ेके कम बंद लेह च़रसी जूंशी तोह दंङ छंङी रंङ जुड़ेके हथियार कुरच़े जुंशी तोह।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

2 पतरस 3:8

हे गिऊ प्यारे साथी विशवासी रे, दिह इच्च़ा गप्पा बि अपेहला था पेषेंई कि परमेश्वरो थल्जी इच्च़ा ध्याड़ा इच्च़ा हज़ार सालो बराबर तोह, दोऊ थल्जी इच्च़ा ध्याड़ा ए इच्च़ा हज़ार साल बराबर तोह।

प्रकाशित वाक्य 22:10

दंङ दोई गेरंङ साते कुई, “दि कताबो भविष्यवाणी गप्पारे ञेंहच़िमी थल्जी मीहतिंङ रोकेक्तु था; छना कुचे दि चीज़ा तु पूरा शुहबिमी टेम पिचे अंजा।”

प्रकाशित वाक्य 22:12

दोहथल प्रभु यीशु ज़ि कुई: “गेह युरनाह अपिमी तोतोग! दंङ छिल्ला मीहच़ी लहसी ततो, गेह दोतिंङ दोतु कम खंई ईनाम ए सज़ा रमोग।”

प्रकाशित वाक्य 22:20

यीशु ज़ि दि भत्ते गप्पो पाहठी गवाही रंड्रा, दंङ दोई कुट्रा, “वोई, गेह युरनाह अपिमी तोतोग।” गेह यूहन्ना ज़ि जबाब रेंईगा, अमीन! हे प्रभु यीशु अता!

प्रकाशित वाक्य 3:11

गेह युरनाह अपिमी तोतोग, झांह लेह, कनिंङ गिऊ टोईच़ी पक्‍का विशवास लेह जारी तहच़ि जूंशी तोह, ताकि अरिला कनिंङ कांह जीतो ईनाम अंऊ इच्च़ा मुकुटो ठ्रोह तोह खोकच़िमी रूकावट लेह माह जूंस।