प्रकाशित वाक्य 1:20 - लाहौली बाइबिल

²⁰ हेंतेग गेह कमोग कि गिऊ सुचंङ गुहड़रिंङ निह्ज करज़े तु छि मतलब तोह दंङ ज़ङों निह्ज दिवटो छि मतलब शुह। दिऊ मतलब दि तोह: निह्ज कर दुह स्वर्गदूता तु पाहठी कंड्रातोर अंऊ दोच़ी निह्ज कलीसिया ओ रखवाली लहज़ातोर दंङ निह्ज ज़ङों दिवट निह्ज कलीसिया बि कंड्रातोर।

प्रकाशित वाक्य 1:20 Iomraidhean Croise

मत्ती 13:11

दोई जुबाब रेंई, “केतिंङ परमेश्वरो स्वर्गो राजओ पाहठी समझ रांहषी तोह, पर दोतिंङ माहतोर।

लूको 8:10

दोई कुतोह, “केतिंङ ता परमेश्वरो राज्यों राज ओ पाहठी समझ रांहषी तोह, दंङ ऊईतिंङ कथारिंङ ए कुट्रिमी तो दिऊ थल्जी कि: दोच़ी-दोच़ी खांई ते ला माहखांइरे, दंङ दोतिंङ शुङसी मादी रेड्रा ला रेहड्रोंई ता ला माह समझेक्ती।”

रोमियो 11:25

हे गिऊ प्यारे साथी विशवासी रे, गेह माह जुंज़ातग कि केरे दि भेदो दोरच़ी अंजान बंङज़ेंई झांह शुहबी मेस कि केरे केनातु टोहकठे घमण्ड लोंहि, दि हेले तोह कि इस्राएलो रें मीहरे विशवास लेह तेयार माह तोतोर, पर अपेहल परमेश्वरो टोहकठे विशवास लहज़ा ऊईजाति मीहतु गिनती पूरे शुहचे योतो, दंङ इस्राएलो मीहरे विशवास लोहर दंङ परमेश्वरो कछंङ वापिस अच़ा अपोर।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 1:16

दुह एनोह सुचंङ गुह्ट्रे निह्ज कर तहरे, दंङ दोऊ मोह्द ओ तेज झुल्ला हासी धारी तलवार हुंच़ा तोहई; दंङ दोऊ मोह्द निहरो टेमो चमकेक्पा ऐके ओ ठ्रोह चमकेपी लेहकी तोहई।

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।

प्रकाशित वाक्य 17:5

दोऊ फ्याह ओ टोईच़ी इच्च़ा शीर्षक च़ेहसी तोहई अंऊ गुप्त तोहई। दोर्तिंङ दि च़ेहसी तोहई: मोह्ड़े शहर बेबीलोन, कुकम लहज़ाड़ो तु तरफे संसारो भत्ते मदम चीज़ा तु याह शुह।

प्रकाशित वाक्य 17:7

दुह स्वर्गदूते गिऊ हखा कुई, “कनिंङ हेरानी छारिंङ शुई? गेह दि मेच़िमी, दंङ दुह घ्वंण, अंऊ दोऊ टोईच़ी दुह सवार तोह, दंङ अतु निह्ज पुंज़ा ए सा डे तोतोर, कनिंङ भेद कंड्रातग।”

प्रकाशित वाक्य 2:1

दोई गिऊ हखा दि ला कुई, “इफिसुस शहरो कलीसिया ओ स्वर्गदूता बि दि ला खबर चेहई च़रतु: गेह दुह ए शुगाह अंऊ एनोह सुचंङ गुहड़रिंङ निह्ज कर लेहपसी ततो, दंङ अंऊ ज़ङों निह्जो दिवटो बिचंङ ज़ोजा।” गेह केतंङ साते दि कुट्रातग,

प्रकाशित वाक्य 2:12

पिरगमुन शहरो कलीसिया ओ स्वर्गदूता तिंङ दि चेहओ: “अतु कछंङ तेज झुह्ट धारी तलवार तोह”, दोई दि कुट्रा:

प्रकाशित वाक्य 2:18

“थुआतीरो शहरो कलीसिया ओ स्वर्गदूताबि चेऊ” “परमेश्वरो योह अतु टिरा मेहू ठ्रोह तोह, दंङ अतु कोंज़ा रूठे रिओह ठ्रोह चमकदार तोह, दोई दि कुट्रा।”

प्रकाशित वाक्य 2:5

झांह लेह हिद लोह कि द्हपिमी बे तुहई काह अंऊर तोईन। कनिंङ पाप लेह बंद लहज़ी जूंशी तोह दंङ केनोह जीवन ध्वांए ठ्रोह श्रींङमी जूंशी तोह छना काह गिऊ टोईच़ी विशवास लहज़िमी तुहईबे श्रींङमातेंई। दंङ अगर काह सेहम माह किर्ज़ोंन दंङ गेह कनु कछंङ अपोग दंङ अंऊर कांह दिवट केहषी तोह दोबि दोरच़ी ऐखा लहज़ी ते कनिंङ सज़ा रमोग।

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।

प्रकाशित वाक्य 3:1

“दोई गिऊ हखा दि ला कुई कि” सरदीस शहरो कलीसिया ओ स्वर्गदूता बि दि चेऊ, “कि अतु दोर परमेश्वरो निह्ज़ी आत्मा ए निह्ज़ी कर तोह, दोई कुट्रा, कि गेह कनु कम ञेंच़ातग, कि काह श्रींङे ता तोतोन”, पर सिए इलजी तोतोन।

प्रकाशित वाक्य 3:14

लौदीकिया शहरो कलीसिया ओ स्वर्गदूता बि दि चेऊ: “कि दि खबर दोऊ तरफे तोह अंऊ अमीन तोह। दुह विशवासो जोगे ए परमेश्वरो पाहठी सच्चाई बि प्रगट लहज़ा, दंङ गेह दुह तोतोग अतु दोरच़ी परमेश्वरे भत्ते चीज़ा तु रचना लहरी।”

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,