प्रकाशित वाक्य 1:2 - लाहौली बाइबिल

² झांह लेह, गेह दुह भत्ते धिर चेआतग अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 1:2 Iomraidhean Croise

यहून्नो 1:32

दंङ यूहन्ना ज़ि दी गवाही रेंई; गेह पवित्र आत्माबि कबूतरो ठ्रोह सर्गंङ ज़ि योंखा तक्सी तंङरिगा, दंङ दुह दोऊ टोईच़ी नहच़ीरी!

यहून्नो 12:17

दंङ मीहरे अरी दुह मुका दोरंङ साते तोईरे दिह गवाही रंड्री लेहतिर, कि दोई लाज़र बि सिमी दोरच़ी श्रींङी लहतो।

यहून्नो 19:35

अंऊ मीहे दिह भत्ते धिर खंणी, दोई गवाही रेंई, कि केहच़ी ला यीशु ऊ टोहकठे विशवास लोहन। दंङ दोऊ गवाही हेले शुह, दंङ दोई ञेंहु कि दोई सच्चाई रंङ साते कुट्रा।

यहून्नो 21:24

अंऊ चेलाज़ि दिह भत्ते धिर खांई दोई गवाई रेंई, कि केहरे ला यीशु ऊ टोहकठे विशवास लोहनी। दंङ दोऊ गवाही हेले शुह। दोबि पता तोह कि दोई सच्चाई रंङ साते कुट्रा।

यहून्नो 3:11

गेह करंङ साते हेले कुट्रातग कि ञेंहच़ी छि ञेंहच़ातन, दुह कुट्रातंई, दंङ अंऊ ञेंहच़ी तंङरी दोऊ गवाही रंड्रातंई, दंङ ञेंहच़ी छि कुट्रातन दोऊ टोहकठे केहच़ी विशवास माह लहज़ातंई

प्रेरित 22:15

छना कुचे कह दोऊ तरफे भत्ते मीहतु तुईज़ी दू गप्पातु गवाह शोन, अंऊ केई खांहषी ए रेहशी तातन।

प्रेरित 26:16

पर केरे अच़ुई, केनातु कोंज़ो टोईच़ी खड़े शुई; छना कुचे गेह केतिंङ घेंङौ सेवक बणाषिमी थल्जी प्रकट शुहसी शुगाह। केतिंङ कंड्री जुंशी तोह कि केहच़ी गेह तंङषे शुई, दंङ दि ला कंड्रुंई कि गेह केतिंङ तुंखा अंजा ध्याड़ा रिंङ छि कमोग।

प्रेरित 4:20

छना कुचे दिह ता ञेंहतु दोरच़ी शुहबी मरपोतो, कि अंऊ ञेंहच़ी खांषी ए रेहशी तातन, दुह माह कोंहई।

1 कुरिन्थियों 1:6

दू खास वरदान अंऊ दोई केतिंङ रांहषी ततो दि साबित लहज़ातोर कि यीशु मसीहू पाहठी रूठे खबर हेले शुह।

1 कुरिन्थियों 2:1

हे गिऊ प्यारे साथी विशवासी रे, अपेहल गेह परमेश्वरो पाहठी रूठे खबर सुनाच़ी केहतु कछंङ अतिगा, गेह मोह्ड़े-मोह्ड़े शब्दा तु इस्तेमाल माह लहरिगा, दंङ गेह समझदार शुहबिमी कोशिश ला माह लहरिग।

1 यूहन्ना 1:1

ञेंहरे इच्च़ा मीहू पाहठी केतिंङ च़ेहसी लेहकी तोतोंई, अंऊ जीवनो बचन शुह। दुह दिह संसारो शुरूआत बेहच़ी तोहई। अतिंङ ञेंहच़ी थाक्शी तातंई, दंङ अतिंङ ञेंहच़ी हेंदु टिरे तंङातंई पर ध्यानारंङ तंङातेंई दंङ हेंदु गुह्ट्रे दुह थोक्तेंई।

1 यूहन्ना 4:14

दंङ ञेंहच़ी योह बि तंङातेंई दंङ गवाही लाह रंड्रातंई कि बाह परमेश्वरे एनोह योह बि संसारो मीहतु पापो उद्धार लहच़िमी थल्जी च़रति।

3 यूहन्ना 1:12

कलीसिया रिंङ दंङ दिमेत्रियुसो बारे भत्ते ज़ि, वरन सच्चाई ला ऐने गवाही रांई; दंङ हेंज़ी ला गवाही रंड्रातंई दंङ केई ञेंच़ातंई कि केहतु गवाही हेले शुह।

प्रकाशित वाक्य 1:11

कि “छिल्ला केई खंड्रातन, दोबि कताबारिंङ च़ेहसी ते निह्ज़ी कलीसिया बि चरच़ि च़रतु, अंऊ दि शहरारिंङ तोह, इफिसुस, स्मुरना, पिरगमुन, थुआतीरा, सरदीस, फिलेदिलफिया ए लौदीकिया।”

प्रकाशित वाक्य 1:19

झांह लेह अंऊ गप्पारे थले शुहबी तोह, दुह भत्ते चे च़रतु।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”

प्रकाशित वाक्य 12:11

“हेंदु विशवासी ज़ि शेतान यहरच़े चरच़तो। दोच़ी दोबि कुरच़ो शुहई दोरच़ी यहरच़े चरच़तो, अंऊ दोतिंङ दोतु पापो दोरच़ी छुड़ाएच़िमी थल्जी सिए इलि। दोच़ी दोबि यहरच़े च़रतिर छना कुचे दोच़ी दि अंगीकार लेह जारी तहरिर कि दोतु कुरच़ा परमेश्वर तोहई। हालांकि दोतिंङ सताच़ी ला शुह देर तचेक कि सच़ी ला च़रतिर, पर दोरे एनोह दुह अंगीकारो दोरच़ी थलका माह शुईरे।”

प्रकाशित वाक्य 12:17

दोहथर अजगर महसे रोषेक्च़ा इलि। झांह लेह दोई मेच़िमी ओ खानदानो थल्जी लड़ाई ओ घोषणा लहरी। मतलब दुह मीहतु खिलाप अंऊ परमेश्वरो हुकुमो भाषे लहज़ातोर दंङ यीशु दोरच़ी सिखाएसी शिक्षारे हिद लहज़िमी थल्जी पक्‍का शुहचे बंङज़ातोर।

प्रकाशित वाक्य 20:4

दोऊ थल गेह रें सिंहासन तंङरिगा, दंङ अंऊ मीहरे दोऊ टोईच़ी बंङज़ा तोईरे, दोतिंङ राज लहज़िमी अधिकार रांहषी तोहई। गेह दुह मीहतु आत्मा ला तंङरिगा, अतु पुंज़ा ट्रिके केहषी तोहई छना कुचे दोच़ी दि अंगीकार लहसी ताहरेर कि यीशु दोतु प्रभु तोहई, दंङ दोरे परमेश्वरो बचनो टोईच़ी विशवास लहज़ातेर। दुह मीहच़ी घ्वंण या दुह मुर्ति ओ पूजा माह लहरिर, दोच़ी एनोह फ्याह रिंङ या गुहट्ररिंङ घ्वंणो छाप ला लेहपच़ी माह तोहई। दि मीहरे यह्च़ा श्रींङे इलिर दंङ इच्च़ा हज़ार साल तचेक मसीह रंङ साते बंङज़ा राज लहरिर।

प्रकाशित वाक्य 22:21

गेह प्रार्थना लहज़ातग कि प्रभु यीशु, परमेश्वरो भत्ते मीहतु टोईच़ी मोह्ड़े दाह लोहतो। अमीन!

प्रकाशित वाक्य 6:9

अपेहल कुरच़े पांचवीं मुहर युप्ति, दंङ गेह वेदी ऊ योंहने च़ि खंईगा, दोर दुह मीहतु आत्मा तोहई अंऊ सच़ी च़रसी तोईरे छना कुचे दोच़ी परमेश्वरो वचन प्रचार लहसी तरेर दोच़ी यीशु बि प्रभु कुचे गवाही रेंईर।