प्रकाशित वाक्य 1:18 - लाहौली बाइबिल

¹⁸ गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।

प्रकाशित वाक्य 1:18 Iomraidhean Croise

मत्ती 11:23

हे कफरनहूम शहरो मीहरे, छि कांह स्वर्ग तचेक रंगी शोना? कांह ताह अधलोक तचेक योंखा योन; अंऊ सामर्थो कमारे कांह दोरच़ी शुहचे तोतोर, अगर दोरे सदोम शहरंङ शुहचंङ ता, दुह तोग तचेक दोहरिंङ ए शुहबी तोहई।

मत्ती 16:19

गेह कनिंङ स्वर्गो राज्यो केईटी रमोग; दंङ केई छिल्ला धरतीरिंङ छुपोन दुह सर्गंङ छुहसोतो; दंङ केई छिल्ला धरतीरिंङ युह्प्पोंन, सर्गंङ युह्प्सोतो।”

लूको 24:5

दोरे मेच़मीरे बेवा इलिरे दंङ पुंज़ा कोंङा लेह खड़े तोईरे दंङ दोकु गंङमी ज़ि दोतंङ कुहतोर, केहरे श्रींङी दोबि सिए दोतु बिचंङ छिला पेट्रातंई?

यहून्नो 11:25

यीशु ज़ि दोबि कुंई, “गेह दुह शुगाह अच़ि सीए मीहतिंङ यच़ाह जीवन रंड्रातग। अच़िला गिऊ टोहकठे विशवास लहज़ा दुह अगर सीए ला योतो तांला श्रींङे बंङज़ोतो।

यहून्नो 14:19

दंङ थोड़े अरे टेम केहषा इल्जी तोह कि संसारो मीहरेर गिह्बी माह खमोर, केहच़ी गेह खमोंई छना कुचे गेह यच़ाह श्रींङी योह्ग, दंङ दिऊ थल्जी केहरे लाह श्रींङी बंङज़ोई।

रोमियो 6:9

ञेंहच़ी ञेंहच़ातंई कि मसीह सिमी दोरच़ी श्रींङी इलि दंङ यह्च़ा अपेहल ला माह सिओतो। मौतो दोऊ टोहकठे छल्ले वश माह शोतो।

2 कुरिन्थियों 13:4

हेले रिंङ दोरे कमज़ोरी ओ हालातो वहज़ा ज़ि क्रूसो टोईच़ी चढ़ाइगी ता केहरिर, तांला परमेश्वरो सामर्थ रंङ साते श्रींङे तोह, हेनर ला फुका रूपारिंङ ध्वांए कमज़ोर तोतोंई; पर परमेश्वरो सामर्थ रंङ साते केतंङ साते व्यवहार लहज़िमी थल्जी दोरंङ साते श्रींङी बंङज़ोंई।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

कुलुस्सियों 3:3

छना कुचे केरे ता केनातु पापो स्वाभावो दोरच़ी सिए इलजी तोंई दंङ केहतु खरकोई जीवन मसीहरंङ साते परमेश्वरारंङ ब्याके तोह।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 12:2

हेंदिंङ यीशु तरफे खंड्री जूंशी तोह, अंऊ हेंदिंङ विशवासो दोरच़ी तुंखा बढ़ाएच़ा दंङ हेंदु विशवास पूरा लहज़ा। दोई षेह्पिमी छा चिंद माह लहच़ी ते क्रूसो दुख सहन लहरी दंङ सिए इलि; छना कुचे दोई ञेंहच़ाते कि दोई झांह लहरी। हेंतेग दू परमेश्वरो सिंहासनो सुचंङ हासी बंङज़ा तोह।

इब्रानियों 7:16

यीशु खास मीहू मतलब लेवीऊ खानदाना रंङ साते तालुक तहज़ा कानूनो वहज़ा ज़ि यहुदी पुरोहित माह बणेक्ति पर दू जीवनो सामर्थो दोरच़ी यहुदी पुरोहित बणेंके इलि अंऊ अपेहल ला योह्सोतो माह।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

प्रकाशित वाक्य 10:6

दंङ अंऊ हमेशा ओ थल्जी श्रींङे तोह, दंङ अच़ि स्वर्ग, धरती ए समुंद्र दंङ दोतु बिचंङ भत्ते धिर बणाषी ततो। दोऊ कसम लहज़ी कुई कि “हेंतेग छिल्ला गप्पो थल्जी ऊई रुमज़ी माह शोतो। हेंतेग दुह भत्ते पूरे शुहचे योतो।”

प्रकाशित वाक्य 2:8

स्मुरना शहरो विशवासी तु मंडली ओ स्वर्ग दूताबि दि चेऊ: “बेऊ था; गेह मुण्डो ए थल मुखंङ तचेक शुगाह, दंङ गेह दुह शुगाह अंऊ जहानो जुंशी शुगाह।” गेह इच्च़ा फेरा सिए इलजी तोईगा पर एंतेग गेह श्रींङे तोतोग दंङ हमेशा श्रींङे बंङज़ोग, अंऊ गेह कुट्रातग दुह रेड्रुंई।

प्रकाशित वाक्य 20:14

दुह भत्ते मीहरे अतु मिन जीवनो कताबा रिंङ च़ेहसी माह तोहई, दोतिंङ मेहू झीलारिंङ छङें च़रति। दोऊ थल, हेंतेग मौत माह, हेंतेग सिए दोतु छल्ले ठहरि माह, छना कुचे दुह भत्ते मीहरे अतु मिन जीवनो कताबा रिंङ च़ेहसी माह दोतिंङ मेहू झीलंङ छङें चरच़तो। दिबी अई मौत ला कुट्री, अंऊ कि मेहू झीलो सज़ा शुह।

प्रकाशित वाक्य 3:7

फिलेदिलफिया शहरो कलीसियाओ स्वर्ग दूताबि दि डाक च़ेऊ, कि दि खबर दोऊ दोरच़ी शुह अंऊ पवित्र ए सत्य तोह, दुह अतु कछंङ दाऊदो राजो अधिकार तोह। अगर दोई पेतंङ अलज़ा, दंङ अच़िला दुह बंद लेह मरच़ि। दंङ अगर दोई दुह बंद लेह केई, दंङ अच़िला दुह अल्ज़े मरपोतो। दोई दिए कुट्रा कि,

प्रकाशित वाक्य 4:9

अंऊ सिंहासनो टोईच़ी बंङज़ा तोह, दुह ए तोह अंऊ हमेशा-हमेशा तचेक श्रींङे बंङज़ोतो। अपेहल ला श्रींङे दोच़ी दोबि महिमा, आदर ए धन्यवाद रंड्रातोर, दोहपल निंज़ो पि सेंहणार दोऊ तुईज़ी द्चिह यवातोर, दंङ दोऊ अराधना लहज़ातोर। दंङ दि कुट्रा सिंहासनो तुईज़ी एनातु मुकुट केह्चे केट्रातोर,

प्रकाशित वाक्य 5:14

दंङ पि ला प्राणी ज़ि “अमीन” कुईर! दंङ दोरे सेंहणार कोंङा शुहचे दोऊ अराधना लहज़ी लेहतिर।

प्रकाशित वाक्य 6:8

दोहपल गेह इच्च़ा लेहई रंगो रहंङ तंङरिगा, दंङ अंऊ दोऊ टोईच़ी सवार तोहई दोऊ मिन मौत तोहई; दंङ अधोलोक दोऊ थलेच़ि, थलेच़ि तोह। दोबि धरतीऊ टोईच़ी बंङज़ा हर इच्च़ा पि मीहतु बिचंङ इच्च़ा बि सच़िमी अधिकार रें च़रति। कि दोतिंङ तलवारे, योंष रें, मदम-मदम बीमारी रें सच़ी च़रतु, दंङ दोच़ी दोतिंङ बंणो घ्वंणर दोरच़ी ला सच़ी च़रतिर।

प्रकाशित वाक्य 9:1

अपेहल पांचवां स्वर्गदूते तुरही रिंङ फुह लहरी, दंङ गेह स्वर्गो दोरच़ी धरती रिंङ इच्च़ा कर दह्पी तंङरिगा, दंङ दि कर बि दुह कुंजी रें च़रति अंऊ दुह अधोलोक (गड्डा) बि युप्शे तरपोतो अतु गहराई ओ छल्ले अंत माह।