प्रकाशित वाक्य 1:1 - लाहौली बाइबिल

¹ दि कताब दुह गप्पातु पाहठी कंड्रा अंऊ परमेश्वरे यीशु मसीह बि कंङाते। ताकि दुह एनोह परगरा तिंङ दुह गप्पातु पाहठी कंड्री तरपोतो अंऊ युरनाह शोतो। यीशु ज़ि एनोह स्वर्गदूता बि दुह खबर रंङ साते गिऊ कछंङ मतलब एनोह दासबि चेआतो अंऊ गेह तंङातग। गेह दि लेख रिंङ परमेश्वरो वचन ए सच्चाई ओ शिक्षा चेआतग अतु जानकारी गिह्बी यीशु मसीह रांहषी ततो।

प्रकाशित वाक्य 1:1 Iomraidhean Croise

यहून्नो 12:49

छना कुचे गेह घेंङौ अधिकारंङ छले गप्पा माह लहज़ातग, पर पिता परमेश्वरे अच़ि गेह च़रसी शुगाह दोई ए गिह्बी हुकुम रांहषी ततो कि छि-छि कोहग दंङ छना-छना कोहग?

यहून्नो 15:15

हेंतेग बे गेह केतिंङ परगर माह कोहग, छना कुचे परगर बि पता माह शुबी कि दोऊ मालिके छि लाह; पर गेह केतिंङ मित्र कुहतग, छना कुचे अंऊ गप्पा गेह घेंङौ पिता परमेश्वरो दोरच़ी रेड्रातग, दुह भत्तेर केतिंङ कंज़े च़रतग।

यहून्नो 17:8

अंऊ खबर केई गिह्बी रेंईन, दुह गेह दोतिंङ रेह च़रतिग। दोच़ी दुह ग्रहण लेह हेले दिह ञेंए केईर कि गेह कांह दोरच़ी अंज़े शुगाह दंङ दोच़ी दिह विशवास लहरिर कि केई ए गेह च़रसी शुगाह।

यहून्नो 3:32

अंऊ ला दोई खंणी दंङ रेड्री, दोऊ ए गवाही रंड्रा; पर थोड़े अरे मीहरे दोऊ गवाही ग्रहण लहज़ातेर।

यहून्नो 8:26

गिह्बी केहतु न्याय लहज़िमी थल्जी महसे धिर कुट्रिमी तोह, पर गिह्बी च़रच़ा दुह सच्चा शुह, दंङ छिला धिर गेह दोऊ दोरच़ी रेड्रातग, दुहए गेह संसारो मीहतिंङ कुट्रातग।”

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

गलातियों 1:12

छना कुचे गेह दू घेंङौ बाह-मेमे ओ दोरच़ी सिखेसी माह शुगाह दंङ माह ए अच़िया धर्मिक ज्ञानी ज़ि गिह्बी सिखासी शुह। पर एनोह ए यीशु मसीह ज़ि दोबि गिऊ टोईच़ी प्रगट लहरी।

इफिसियों 3:3

अति गेह दि पाहठी तुहई ए थोड़े अरे च़ेऐ च़रचातेग, कि परमेश्वरे एनेह ए गुप्त भेद बि गिऊ टोईच़ी प्रगट लहरी।

तीतुस 1:1

गेह पोलुस अंऊ परमेश्वरो दास ए यीशु मसीहू प्रेरित शुगाह, केतिंङ दि डाक चेहच़ातग। गेह परमेश्वरो अंङषी मीहतिंङ पक्‍का लहज़ी ए दुह सच्चाईऊ शिक्षा समझेक्सिमी थल्जी अंङषी शुई, ताकि दोरे झांह ठ्रोह जीवन श्रींङमोंई अंऊ परमेश्वराबि खुश लहज़ा।

प्रकाशित वाक्य 1:19

झांह लेह अंऊ गप्पारे थले शुहबी तोह, दुह भत्ते चे च़रतु।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”

प्रकाशित वाक्य 17:1

अंऊ निह्ज स्वर्गदूता तु कछंङ दुह निह्ज कोली तोहई, दोतु बिचंङ इच्चे अंज़े कुई, “देर अता, गेह कनिंङ कमोग कि परमेश्वर छना दुह मोह्ड़े कुकम लहज़ा मेच़िमी बि सज़ा रमतो, अंऊ इच्च़ा झांह ठ्रोह ठाहरीरिंङ बंङज़ा, अंऊर महस बेंडी तोतोर।”

प्रकाशित वाक्य 19:10

अपेहल गेह रेड्रीगा ता गेह दुह मीहू तुईज़ी कोंङा शुहचे इलिगा अंऊ गेरंङ साते गप्पा लहज़ी लेहकी तोहई, छना कुचे गेह दोऊ अराधना लहज़ातेग। दोई गिऊ हखा कुई, “गिऊ अराधना थालोहू। परमेश्वरे ए तोह अतु कनिंङ अराधना लेह जूंशी तोह। छना कुचे गेह ला ध्वांए इच्च़ा परमेश्वरो सेवक शुगाह, छना काह तोतोन दंङ ध्वांए छना इच्च़ा ए अंगीकार लहसी कनु भत्ते साथी विशवासी तोतोर, अंऊ दोच़ी ञेंहच़ातोर कि यीशु ए दोतु प्रभु शुह। दिए सच्चाई अंऊ यीशु ज़ि प्रगट लहसी ततो, दोबि घोषणा लहज़िमी थल्जी पवित्र आत्मा मीहतिंङ दोऊ जोगे बणाएच़ा।”

प्रकाशित वाक्य 19:9

स्वर्गदूते गिऊ हखा कुई, “दि चेऊ, कि धन्य तोतोर दोरे, अंऊ कुरच़ो ब्याहू बगतारिंङ बुलासी तोतोर।” दंङ दोई गिऊ हखा कुई, “दि बचन परमेश्वरो तरफे तोह, दि भत्ते पक्‍का रूपारिंङ हेले तोह।”

प्रकाशित वाक्य 21:2

गेह पवित्र शहरा बि ला खंईगा, अंऊ कि खरकोई यरूशलेम तोह, दंङ स्वर्गो दोरच़ी धरतीऊ हखा योंखा अपि लेहकी तोह। दुह शहरा बि इच्च़ा ब्याहुत्री ठ्रोह तेयार लहसी तोहई, अपि खमज़ेर लेहसी तोहई दंङ श्रंगार लहसी तोहई दंङ अंऊ ब्याहू रंङ साते ब्याह लहज़िमी थल्जी तेयार तोह।

प्रकाशित वाक्य 21:9

दोहथर दुह निह्ज स्वर्गदूता ज़ि, अंऊ दोच़ी मीहतु जातिऊ बिचंङ निह्ज थल मुक्को मुसीबता रंङ साते पिंङषी निह्ज कोली थोहरच़ते, दोतु बिचंङ ज़ि इदि गिऊ कछंङ अंज़े कुई, गिऊ हखा गप्पा लहरी, दोई कुई, “देर अता, गेह कनिंङ ब्याहुत्री मतलब कुरच़ो मेच़ा कमोग।”

प्रकाशित वाक्य 22:1

दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।

प्रकाशित वाक्य 22:16

“गेह यीशु ज़ि घेंङौ स्वर्गदूता बि केहतु कछंङ कलीसिया तु पाहठी दि गप्पा तिंङ प्रगट लहज़िमी थल्जी चरच़ातग। गेह रज्ज़ा दाऊद ओ खानदानो शुगाह; गेह ए शुगाह, अंऊ दुह कर तु ठ्रोह तोतोग अंऊ एके हुंच़िमी मुक्का चमकेपी।”

प्रकाशित वाक्य 22:6

दोहथल स्वर्गदूते गिऊ हखा कुई, “दि भत्ते गप्पा अंऊ कनिंङ कांहषी तोह, हेले शुह दंङ भत्ते पाहठी विशवासो जोगे तोह। छना कुचे प्रभु परमेश्वर अच़ि भविष्यवक्ता तु निर्देशनो थल्जी एनोह आत्मा दोतिंङ रें च़रति, दुह ए तोह अच़ि गिह्बी, अंऊ कि दोऊ स्वर्गदूत शुगाह, कनिंङ दि कंड्रिमी थल्जी चरच़तो अंऊ युरनाह पूरे शोतो।”

प्रकाशित वाक्य 22:8

गिऊ मिन यूहन्ना शुह, दंङ गेह दुह ए शुगाह अच़ि दि चीज़ रेड्रिर दंङ खंई च़रति। दंङ अपेहल गेह रेड्रीगा ए खंईगा, दंङ अंऊ स्वर्गदूत गिह्बी दि गप्पा कंड्राते, गेह दुह स्वर्गदूतो अराधना लहज़िमी थल्जी दोऊ कोंज़ा रिंङ दह्चे इलिगा।

प्रकाशित वाक्य 22:9

पर दोई गेरंङ साते कुई, “खंणु, झांह ठ्रोह थालोहू; छना कुचे गेह कांह ए कनु न्वा ओ भविष्यवक्तातु ए दि कताबो गप्पारे मनेक्च़िमी दोतु संगी दास शुगाह। परमेश्वरो ए अराधना लोह।”

प्रकाशित वाक्य 4:1

दि भत्ते गप्पा खंड्रिमी थल, गेह स्वर्गो इच्च़ा पेतंङ अलसी तंङरिगा। दंङ अरिया गिऊ हखा गप्पा लहज़ी लेहकी तोहई दंङ कुट्रा दुह ए तोहई अतिंङ गेह तुहई ला रेड्रातेग, अतु सग तुरही सगो ठ्रोह तोहई। दंङ दोई गिऊ हखा कुई, “गिऊ कछंङ देर खेका अता: दंङ गेह कनिंङ दुह गप्पा कमोग, अतु दिह गप्पो थल पूरा शुहबी ज़रूरी तोह।”

प्रकाशित वाक्य 5:7

कुरच़े तुखा अंज़े दोऊ सुचंङ गुह्ट्रो दोरच़ी अंऊ सिंहासनो टोईच़ी बंङज़ा तोहई, दुह कताब रैंज़ा शिली।