फिलिपियों 4:9 - लाहौली बाइबिल

⁹ गिऊ गप्पा रंङ साते ए गिऊ कमो दोरच़ी अंऊ ला केहच़ी सिखेक्च़ातंई ए ग्रहण लहज़ातंई, दोऊ ए हिसाबे ज़ोई, दोथर शांति ऊ परमेश्वर केतंङ साते बंङज़ोतो।

फिलिपियों 4:9 Iomraidhean Croise

मत्ती 1:23

“खंणुई, इच्च़ा ब्याह माह लहसी खोकटुंङ शोतो दंङ इच्च़ा गंङकटु जेह्पोतो, दंङ दोऊ मिन ‘इम्मानुएल’ शोतो अतु मतलब शुह, परमेश्वर हेन्दंङ साते तोह।”

मत्ती 28:20

दंङ दोतिंङ भत्ते हुकुम अंऊ गेह केतिंङ रांहषी तातग, मनेक्च़ी कंड्रुंई; दंङ रेड्रुंई, गेह संसारो अनंत तचेक हमेशा केतंङ साते तोतोग।”

मत्ती 7:21

अच़ि गेरंङ हे प्रभु, हे प्रभु कुट्रा दोतु बिचंङ ज़ि हर इच्च़ा स्वर्गो राज्यरिंङ तोंखा मेहबोतो पर दुहए अपतो अच़ि गिऊ स्वर्गीय बाहऊ हिटी टोईच़ी जोआ।

लूको 6:46

“अपेहल केहच़ी गिऊ गप्पा मा मनेक्च़ातंई ता छिलेह गिह्बी हे प्रभु हे प्रभु; कुट्रातंई?

लूको 8:21

दोई दिऊ जुबाब दोतंङ साते कुंई, “गिऊ याह ए गिऊ न्वा दिहरे शुहरे, अरी परमेश्वरो बचन रेड्रा ए मनेक्च़ा।”

यहून्नो 13:17

दा कि केतिंङ दिह गप्पातु पाहठी पता तोह, ता लोहवा लांही कि केहरे धन्य शुई।

यहून्नो 15:14

छिला धिरो हुकुम गेह केतिंङ रंड्रातग, अगर दुह लोहनी, ता केहरे गिऊ मित्र शुई।

यहून्नो 2:5

पर दोऊ याह ज़ि परगरातिंङ कुहतो, छना दोई कुड़ी, ध्वांए लांई।

प्रेरित 9:6

पर हेंतेग अच़ा ते शहरो हखा इला, अच़िया कनिंङ कंङे च़रपोतो, कि कनिंङ छि लेह तोतआ।

रोमियो 15:33

गेह प्रार्थना लहज़ातग कि परमेश्वर, अंऊ शांति रंड्रा, केतंङ भत्ते तंङ साते बंङज़ोतो। अमीन।

रोमियो 16:20

परमेश्वर अंऊ शांति ऊ दाता तोह, दू शेतान बि नाश लेह च़रपोतो दंङ दोबि केहतु अधीन लेह च़रपोतो। हेंदु प्रभु यीशु मसीहू मोह्ड़े दाह केहतु टोहकठे शुहवा लोहतो। हेंदु प्रभु यीशु मसीहू मोह्ड़े दाह केहतु टोईच़ी शुहवा लोहतो।

1 कुरिन्थियों 10:31

गिऊ कुट्रीमी दि मतलब तोह, केरे चाहे ज़ोवातंई या तुंङमातंई, चाहे छिल्ला धिर लहज़ातंई, भत्ते धिर परमेश्वरो महिमा ओ थल्जी लोहवा लंहि।

1 कुरिन्थियों 14:33

छना कुचे परमेश्वरो गड़बड़ी मशत, पर शांतिऊ परमेश्वर शुह; दि कानून परमेश्वरो मीहतु भत्ते कलीसिया रि पालन लहज़ी।

1 कुरिन्थियों 4:16

झांह लेह गेह केतंङ साते बिनती लहज़ातग, कि गिऊ ठ्रोह मसीह रिंङ केनातु जीवन‍ जोंई।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

फिलिपियों 3:17

हे गिऊ प्यारे साथी विशवासी रे, केरे भत्ते ठ्रोहका शुहचे गिऊ ठ्रोह जीवन श्रींङी, दंङ दोतिंङ सेहषी च़रतेंई, अंऊ दि रीतिऊ टोईच़ी ज़ोवातोर अतु उदाहरण केहच़ी हेंदि व्यवहार लहज़ी तंङातेंई। अपेहल केरे ञेंतंङ साते तोहनी।

फिलिपियों 4:7

दोहपल परमेश्वरो शांति, अंऊ मीहू समझबे परे तोह, केहतु सेहम ए केहतु विचार मसीह यीशु रिंङ सोटेगे ताऊतो।

1 थिस्सलुनीकियों 1:6

केहच़ी ञेंहतु ए प्रभु उदाहरण हिद लहरिन, अंऊ पवित्र आत्माओ दोरच़ी केतिंङ रांहषी तोहई, केहच़ी खुशी रंङ साते दू ग्रहण लहज़ातंई, दि तरीका रंङ केरे ला हेंदु ए प्रभु यीशु मसीहू शिष्य बणेंके इलांई।

1 थिस्सलुनीकियों 2:14

झांह लेह, हे गिऊ प्यारे साथी विशवासी रे, केहच़ी ध्वांए ठ्रोह दुख सहन लाहतंई छना परमेश्वरो कलीसिया ए सहन लहरी अंऊ यहूदिया प्रदेशा रिंङ मसीह यीशु रिंङ तोतोर। छना कुचे केहच़ी ला केनातु मीहतु दोरच़ी ध्वांए ए दुख खोकच़ातंई, छना दोच़ी यहुदी मीहतु दोरच़ी खोकषातेर।

1 थिस्सलुनीकियों 5:23

शांति ऊ परमेश्वर एनेह ए केतिंङ भत्ते रीतिरंङ साते पवित्र लोहतो; दंङ केहतु भत्ते आत्मा, प्राण फुक हेंदु प्रभु यीशु मसीहू यह्च़ा वापिस अंजा तचेक दोष मेह बणाके तंही।

2 थिस्सलुनीकियों 3:4

दंङ ञेंतिंङ प्रभुरिंङ केहतु टोहकठे भरोसा तोह, कि अंऊ-अंऊ आज्ञा ञेंहच़ी केतिंङ रंड्रातंई, दोतिंङ केहच़ी मनेक्च़ातंई, दंङ मनेक्च़ा ला लोहनि।

2 तीमुथियुस 4:22

गेह प्रार्थना लहज़ातग कि प्रभु करंङ साते बंङज़ोतो, दंङ दोऊ मोह्ड़े दाह केहतु टोईच़ी शुहवा लोहतो।

याकूब 1:22

सिर्फ परमेश्वरो बचनो रेड्रा केतिंङ धोखा थारांई; केतिंङ दुह लेह जुंशी तोह अंऊ परमेश्वरे कुट्रा।

2 पतरस 1:10

झांह लेह हे गिऊ प्यारे साथी विशवासी रे, केरे केनातिंङ ए ऊईतिंङ दि साबित लहज़िमी थल्जी कि परमेश्वरे केतिंङ हेले रिंङ दोऊ थलेच़ि जोज़िमी थल्जी कुहषी ततो दंङ केतिंङ एनोह मीहरे शुहबिमी थल्जी अंङषी ततो, झांह ठ्रोह कम लहज़िमी ऊई ला कोशिश लंहि। अगर केरे दि गुण बि हिद तोहनि ता केरे अपेहला मसीहू टोईच़ी विशवास लहज़ी ब्याड़ा माह लोहनि;

1 यूहन्ना 3:22

दंङ छिल्ल धिर हेंज़ी परमेश्वरो दोरच़ी पेट्रातंई, दुह हेन्दिंङ दोऊ दोरच़ी खोकसा, छना कुचे हेनर दोऊ हुकुम मनेक्च़ा तोंई, दंङ अंऊ परमेश्वरा बि रूठे च़ेहसा दुह ए लहज़ातंई।