फिलिपियों 4:8 - लाहौली बाइबिल

⁸ झांह लेह, हे गिऊ प्यारे साथी विशवासी रे, अंऊ-अंऊ गप्पारे हेले तोह, दंङ अंऊ-अंऊ गप्पारे आदरो जोगे तोह, अंऊ-अंऊ गप्पारे ठीक तोरे, अंऊ-अंऊ गप्पारे पवित्र तोह, अंऊ-अंऊ गप्पारे सलटे तोतोर, दंङ अंऊ-अंऊ गप्पारे सेहमा गमेकी तोह मतलब अंऊ गप्पा रूठे ए षटणो जोगे तोह दोतु टोईच़ी ए केहतु सेहम लेहकी बंङज़ी जूंस।

फिलिपियों 4:8 Iomraidhean Croise

मत्ती 22:16

दंङ दोच़ी एनातु चेलारि हेरोदेसा रंङ साते यीशु कछंङ दिह कुट्री चेहच़ातोर, “हे गुरु, ञेंहच़ी ञेंच़ातंई, कि केई सच्चे शुनाह दंङ परमेश्वर ओ अमो पाहठी सच्चाई रंङ साते कंड्रातन दंङ अतुला केई परवाह माह लोहतन, छना कुचे केई मीहतु मोद कंड्राते गप्पा माह लहज़ातन।

मरकुसो 6:20

छना कुचे हेरोदेस रज्ज़ा दि ञेंच़ाते कि यूहन्ना धर्मी ए पवित्र मीह शुह झांह लेह दोहरंङ साते महस बेवाते, दंङ दोऊ बचाव ला लहज़ाते। हर फेरे हेरोदेस रज्ज़ा युहन्नो गप्पा रेड्राते हलांकि दोबि समझ माह अपते तांला दुह दोबि रेड्री पसंद लहज़ाते।

लूको 16:15

यीशुज़ि दोतंङ साते कुहतो, केहच़ी ताह मीहतु तंङषी केनाहतिंङ धर्मी कंड्रातंई, पर परमेश्वरे केहतु सेहम ञेंहच़ा, छना कुचे छि चीज़ मीहतु थल्जी खास तोह, दुह परमेश्वर तुईज़ी अशुद्ध तोह।

लूको 2:25

दुह टेमारिंङ यरूशलेम शहरारिंङ शमौन मिन्दु इच्च़ा मीह तोहई, दंङ दुह मीह धर्मी ए भक्त तोहई; दंङ दुह बेसब्र सुचे मसीहू अपिमी थल्जी रुमज़ा तोहई कि दुह अपतो दंङ इस्राएलो मीहतिंङ शांति रमतो, दंङ पवित्र आत्मा दोरंङ साते तोहई।

लूको 23:50

दोर तिंङ यूसुफ मिन्दु यहुदी महासभा ओ इच्च़ा नेता तोहई, अरी रूठे ए धर्मी मीह तोहई।

यहून्नो 7:18

अच़ि एनोहो दोरच़ी छा कुट्रा, दोई एनोहो ए तारीफ जुंज़ा, पर अच़ि एनोहो च़रच़ा दोऊ तारीफ जुंज़ा दुह ए ईमानदार शुह, दंङ दोऊ अंद्रेग बेईमानी माह।

प्रेरित 10:22

दोच़ी कुईर, कुरनेलियुस सुबेदारे अंऊ धर्मी ए परमेश्वरो बेह्द चेहच़ा दंङ भत्ते यहुदी मीहतु बिचंङ दुह इच्च़ा इज्ज़तदार मीह तोह, दोई इच्च़ा पवित्र स्वर्गदूतो दोरच़ी दिह हुकुम खोकसिरी, कि कनिंङ एनोह घरबारंङ बुलाके कांह दोरच़ी शिक्षा रेड्रोंई।

प्रेरित 22:12

दोथर हनन्याह मिंदंङ भक्त मीह अंऊ हेंदु यहुदी कानूनो रूठे रंङ भाषे लहज़ाते, गिऊ कछंङ अति,

प्रेरित 6:3

दिऊ थल्जी हे बिशवासी न्वारे, केनातु बिचंङ ज़ि निह्ज रूठे गंङमी रे अंऊ पवित्र आत्मा ए बुद्धिरंङ साते परिपूर्ण तोतोर, अंङे च़रतुंई, कि ञेंहरे दोतिंङ दिह कमो ज़िम्मेवारी रें तरपोंई।

रोमियो 13:13

अतंई हेनर हेंदु स्वाभाव ठीक लहज़िमी कोशिश लोहनि, दू मीहतु ठ्रोह अंऊ छंङीरिंङ बंङज़ातोर दंङ हंञारारिंङ माह हेनर मांजी कम ए नशाबाज़ी, कुकम ए भोगविलास, झगड़ा ए जलनो दोरच़ी शत्‌ह बंङज़ोंई।

रोमियो 13:3

अगर अच़िया रूठे कम लहज़ा, दंङ दोबि अधिकारी रंङ साते बैईमी ज़रूरत माह पर अगर दू मदम कम लहज़ा ता दोबि बैईमी ज़रूरत तोह। अगर अधिकारी रंङ साते निडर बंङज़ी जुन्ज़ातंई ता, रूठे कम लोहवा लंहि, दिरंङ दोई केहतु तरीफ लोहतो।

रोमियो 14:18

अंऊ दि रीति रंङ साते मसीहू सेवा लहज़ा, दंङ परमेश्वराबि दोरंङ साते खुश शवाह, दंङ मीहरे ला दोऊ पाहठी रूठे कुट्रातोर।

रोमियो 2:29

इच्च़ा सच्चा यहुदी दुह ए शुह अतु सेहम परमेश्वरा रंङ साते सही तोह। दंङ हेले खतना सिर्फ मुसाओ कानूनो भाषे लहज़ी मशत; पर, दि सेहम किरच़ी ला शुह, अंऊ पवित्र आत्माओ कमो दोरच़ी पैदा शुहवा। झांह ठ्रोह मीह, मीहतु दोरच़ी मशत, पर परमेश्वरो दोरच़ी षटणा खोकच़ा।

1 कुरिन्थियों 4:5

झांह लेह अपेहल तचेक प्रभु दोबारा वापिस माह अपा दू मुक्का तचेक अतुला न्याय थालंही। छना कुचे प्रभु साफ तरीका रंङ साते दू भत्ते विचार कम्बोतो, अंऊ मीहतु अंदरेग तोह, अतु पाहठी ऊई अच़िला माह ञेंओर। दू दोतु इरादा बि प्रगट लोहतो अंऊ दोतु सेहमरिंङ तोह, दोहपल परमेश्वरे दोतु षटणा शोतो।

2 कुरिन्थियों 13:7

दंङ हेनर हेंदु परमेश्वरारंङ साते प्रार्थना लहज़ातंई, कि केहच़ी छल्ले बुराई था लंहि; दि कंड्रिमी थल्जी मशत कि केहतु बिचंङ ञेंहतु सेवकाई रूठे शुहचे इलि, पर दिऊ थल्जी कि ञेंहच़ी जुंज़ातंई कि केहच़ी सही कम लंहि चाहे हेनर असफल ए शुहचे योंई।

2 कुरिन्थियों 6:8

चाहे मीहच़ी हेंदिंङ आदर रंड्रातोर या हेंदु बुराई लहज़ातोर; षटणा लोहर या श्राप रमोर, ञेंहच़ी हमेशा हेंदु पाहठी हेले कांहषी तातंई। पर रै मीहच़ी कुईरे कि ञेंरे हप्साड़ तोतोंई।

2 कुरिन्थियों 8:18

दंङ ञेंहच़ी दोरंङ साते दू विशवासी न्वा ला च़रतिन, अतु मिन रूठे खबरो प्रचारो पाहठी भत्ते कलीसिया ओ विशवासी तु बिचंङ फेलेके तोह।

2 कुरिन्थियों 8:21

छना कुचे अंऊ गप्पारे सिर्फ प्रभु ए कछंङ माह, पर मीहतु कछंङ ला रूठे तोह हेनर कम रूठे ढंगा रंङ साते लहज़िमी थल्जी हेंदु ध्यान रंड्रातंई।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

इफिसियों 4:25

झांह लेह हप्सी कुट्री छोड़ेके, हर इच्च़ा साथी विशवासारंङ साते हेले कुंई, छना कुचे हेनर भत्तेर इच्च़ा फुको अंङ शुई।

इफिसियों 5:9

छना कुचे अगर अरिया मीह छंङीरिंङ तोह ता, दंङ दोऊ चाल-चलन रूठे ए धर्मिक शुहबी दंङ दोऊ टोहकठे भरोसा लेह तरच़ी।

इफिसियों 6:14

झांह लेह परमेश्वरो सच्चाई बि केनोह ऊमतु छिरतु ठ्रोह छ़ुह्च़ी च़रतुंई, दंङ केनातु धार्मिकता बि कवचो ठ्रोह लेहकी च़रतु।

फिलिपियों 3:1

झांह लेह गिऊ प्यारे साथी विशवासी रे, प्रभुरिंङ खुश बंङज़ोंई। दुह ए गप्पारे केतिंङ घड़ी-घड़ी च़ेहच़ी गिह्बी ता छिल्ला कष्ट माह शवाह, पर दि गप्पा केतिंङ हप्सी शिक्षा ओ दोरच़ी ला बचाएपोतो।

कुलुस्सियों 4:5

हर मोका ओ रूठे रंङ इस्तेमाल लंहि दि कंड्रिमी थल्जी कि केरे विशवासी शुई दंङ अंऊ मीहरे यीशु मसीहू टोहकठे विशवास माह लहज़ातोर दोतंङ साते बुद्धिमानी रंङ साते बर्ताब लंहि।

1 थिस्सलुनीकियों 4:12

दंङ अविशवासी मीह दि खंड्रा कि केहच़ी हर इच्च़ा ध्याड़ा छना ठ्रोह व्यवहार लहज़ातंई, केहतु आदर लोहर ताकि केरे केनातु ज़रुरतो थल्जी अतु ला टोहकठे बोझ शुहबी मेस

1 तीमुथियुस 2:2

दंङ रज्ज़ा तु ए दुह भत्ते मीहतु थल्जी प्रार्थना लंहि अंऊ हेंदु अधिकारी तोतोर, ताकि दोरे हेंदु शांति ए सुरक्षा रंङ साते बंङज़िमी थल्जी हेंदु मदत लोहर कि हेनर परमेश्वरो अराधना लेह तरपोंई दंङ ऊईतु थल्जी हमेशा रूठे व्यवहार लोंहि।

1 तीमुथियुस 3:11

झांह ए दोतु मेच़ातिंङ ला आदरो जोगे शुहबी जूंस; दंङ ऊईतु पाहठी मदम कुट्रा शुहबी मेस, पर हर हालातरिंङ एनोह टोहकठे काबू लहज़ा, दंङ भत्ते रिति रिंङ विशवासो जोगे शुहबी जूंस।

1 तीमुथियुस 3:4

दुह एनोह टबरातिंङ रूठे रंङ चलाच़ा ठ्रोह शुहबी जूंस, दंङ दोबि एनोह कटुतिंङ सिखासी जूंस कि दोरे भत्ते गप्पा रिंङ आदरा रंङ साते दोऊ हुकुमो भाषे लोहर।

1 तीमुथियुस 4:12

अच़िया काह तुच्छ (बेकार) समझेक्सी माह जूंस छना कुचे काह जवान तोतोन पर कांह बोल-चाल ए चाल-चलनारिंङ, ऊईतु थल्जी दाह रिंङ मसीहू टोहकठे कनु विशवासरिंङ दंङ कनु निर्दोष जीवनारिंङ, विशवासी मीहतु थल्जी इच्च़ा उदाहरण बणेंक्तु।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

1 तीमुथियुस 5:2

दंङ यंङज़ा तिंङ केनातु याह चेहके सलाह रांई; दंङ जवान मेच़िमीतिंङ शुद्ध सेहमे, ध्वांए वर्ताब लंहि, कि दोरे कांह ए रिंङ शोर।

तीतुस 1:8

पर पौहना तु आदर लहज़ा ए ऊईतिंङ साते भलाई लहज़ा, समझदार, धर्मी, दंङ पवित्र जीवन श्रींङज़ाड़, दंङ एनोह हिटीतिंङ काबू लहज़ा शुहबी जूंस।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

तीतुस 2:2

कलीसिया ओ सेंहणा बि एनोह टोहकठे काबू लहच़ी जूंशी तोह, दंङ झांह ठ्रोह व्यवहार लेह जूंशी तोह ताकि मीहच़ी दोऊ आदर लोहर, दंङ समझदार शुहबी जूंस। दोतिंङ परमेश्वरो टोहकठे पक्‍का रंङ विशवास लेह जूंशी तोह, दंङ ऊई मीहतंङ साते सच्चाई रंङ साते दाह लेह जूंशी तोह दंङ सहन लहज़ार शुहबी जूंस।

तीतुस 2:7

केतिंङ भत्ते धिरा रिंङ हमेशा रूठे कम लहज़ी जूंशी तोह, अंऊ ऊईतु थल्जी इच्च़ा उदाहरण बणेक्पोतो अतु ऊईज़ि हमेशा पालन लोहर। अपेहल काह विशवासी तिंङ परमेश्वरो पाहठी सिखाएच़ातंई, दंङ दोबि रूठे मकसद रंङ साते सिखातु, झांह लेह मीहच़ी कांह आदर लोहर।

तीतुस 3:14

सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

इब्रानियों 11:2

हेंदु बाह-मेमेतु झांह ठ्रोह विशवास तोहई। सिर्फ दिए वहज़ा ज़ि परमेश्वर दोतंङ साते खुश तोहई।

इब्रानियों 13:18

ञेंहतु थल्जी प्रार्थना लोहवा लंहि, छना कुचे ञेंतिंङ भरोसा तोह कि ञेंहतु अन्तरात्मा साफ तोह; दंङ ञेंहच़ी छिला कम लहज़ातंई दू भत्ते कमरिंङ परमेश्वरो आदर लेह जुंज़ातंई।

याकूब 1:27

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

याकूब 3:17

पर अंऊ ज्ञान परमेश्वरो दोरच़ी अपा दुह मुण्डारिंङ ता पवित्र शवाह, दंङ मिलनसार, नेकी ए रूठे स्वभाव, दया, दंङ रूठे कमरंङ साते पिंङषा दंङ ईमानदार ए कपट मेह शवाह।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 4:8

भत्ते बे मोह्ड़े गप्पा दि तोह कि इदि-अई दिरंङ साते महसे बे महसे दाह लंहि, छना कुचे अगर केरे मीहतंङ साते दाह लहज़ातंई, दंङ केरे हमेशा अंऊ ला पाप बि माफ लहज़िमी थल्जी तेयार बंङज़ोंई, अंऊ दोच़ी लहसी ततोर।

2 पतरस 3:1

हे गिऊ प्यारे साथी विशवासी रे, एंतेग गेह केतिंङ दि दूसरी पत्री चेहच़ातग, गेह केतिंङ दि झुल्ला पत्री दिऊ थल्जी च़ेहसी तातग कि ताकि अंऊ गप्पारे केहच़ी तुहई बेहच़ी ञेंच़ातंई कि, दोतु पाहठी केतिंङ हिद दिलाएच़िमी दोरच़ी गेह केहतु सेहमरिंङ शुद्ध विचार पैदा लेह तरपोग।

1 यूहन्ना 3:18

हे गिऊ प्यारे कटुरे, हेनर बचन ए गप्पा रंङ साते मशत, पर दोतु मदत लहज़ी दोतिंङ सच्चाई रंङ दाह लोहनि।

1 यूहन्ना 3:3

दंङ अच़िला मसीहू टोईच़ी दि उम्मीद तहच़ा, दोई एनाबि ध्वांए पवित्र लहज़ा, छना दुह पवित्र तोह।

1 यूहन्ना 4:1

हे गिऊ प्यारे साथी विशवासी रे, हर इच्च़ा मीहू टोहकठे विशवास थालंही, अच़ि पवित्र आत्माओ दोरच़ी कुट्रीमी दावा लहज़ा। पर आत्मारे परखेक्तुंई कि दोरे परमेश्वरो दोरच़ी शुहरे आ माशुहरे; छना कुचे महस हप्सी भविष्यवक्तार दि संसारारिंङ तोतोरे।