फिलिपियों 4:7 - लाहौली बाइबिल

⁷ दोहपल परमेश्वरो शांति, अंऊ मीहू समझबे परे तोह, केहतु सेहम ए केहतु विचार मसीह यीशु रिंङ सोटेगे ताऊतो।

फिलिपियों 4:7 Iomraidhean Croise

लूको 1:79

पापारिंङ जोज़ा ए सीमी बेह्दारिंङ बंङज़ा दोतिंङ छंङी रंड्रीमी थल्जी, कि दिह छंङी ञेंतिंङ दुह अमो मार्गदर्शन लोहतो शांति ओ अम रिंङ सीधा चलाएपोतो।

लूको 2:14

“स्वर्गंङ परमेश्वरो महिमा दंङ धरतीऊ टोईच़ी दुह मीहतु बिचंङ अतु दोरच़ी दुह खुश तोह, शांति शोतो।”

यहून्नो 14:27

गेह केतिंङ शांति रंड्रातग मतलब दुह शांति अंऊ गेह तातग; दिह दुह शांति माह शुह अंऊ संसारे रें तरपोतो, केहरे परेशान था शुई दंङ बेंईन था।

यहून्नो 16:33

गेह दीह गप्पा केतंङ साते दिऊ थल्जी कुट्रातग, छना कुचे केहरे गिऊ चेलारे शुई; संसारा रिंङ केतिंङ दुख सेहन लहच़ी लेह्पोतो, पर याहऊ तांहई, छना कुचे गेह दिह संसारो मुख्या शेतान बि यरच़ी चरच़ातग।”

रोमियो 1:7

गेह दि डाक रोम शहरो दुह भत्ते मीहतु थल्जी च़ेहसी लेहकी तोतोग, अंऊ परमेश्वरो प्यारे तोतोर, दंङ अतिंङ परमेश्वरे एनोह मीहरे शुहबिमी थल्जी अंङषी ततो; हेंदु बाह परमेश्वर ए प्रभु यीशु मसीहू दोरच़ी केतिंङ मोह्ड़े दाह ए शांति खोकसा लोहतो।

रोमियो 14:17

परमेश्वरो राजारिंङ ज़े तुंङमी ज़रूरी माह, पर ज़रूरी गप्पा दि तोह कि परमेश्वरा रंङ साते सही जीवन श्रींङमातंई, पवित्र आत्मारिंङ शांति ए दू खुशी शुहबी तोह।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

रोमियो 8:6

फुका रंङ साते दाह लहज़ी ता मौत ए तोह, पर आत्मो टोईच़ी सेहम लगाएच़ी जीवन ए शांति तोह।

2 कुरिन्थियों 10:5

हेनर हेंदु कल्पनारे, दंङ हर इच्च़ा जोरे गप्पा बि, अंऊ परमेश्वरो पहचानो विरोधारिंङ खड़े शवात, खण्डन लहज़ातंई; दंङ हर इच्च़ा भावनाओ टोईच़ी कब्ज़ा लहच़ी मसीहू आज्ञाकारी बणेंके केट्रातंई।

2 कुरिन्थियों 13:11

झांह लेह हे गिऊ विशवासी न्वा रे, गेह दि शब्दा रंङ साते डाक बन्द लहज़ातग; सिद्ध शुहचे इलांई; इदि-अईदि बि उत्साहित लंहि; इच्च़ा ए सेहम तंही; केनातु बिचंङ मेल-मिलापा रंङ साते बंङज़ुंई, दंङ दाह ए शांति ओ दाता परमेश्वरे केतंङ साते शोतो।

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

इफिसियों 3:19

गेह प्रार्थना लहज़ातग कि, केरे मसीहू दि दाह ञेंए तरपोंई, अंऊ मीहु समझ बे धकते तोह, ताकि केहतु स्वाभाव परमेश्वरो स्वाभावो ठ्रोह शुहचे योतो।

फिलिपियों 1:1

गेह पोलुस ए तीमुथियुस अंऊ यीशु मसीहू सेवक शुई, ञेंहतु तरफे केरे परमेश्वरो मीहतिंङ दंङ मुख्या तिंङ ए सेवका तिंङ दि डाक चेहच़ातग। अंऊ यीशु मसीह रिंङ शुहचे फिलिप्पी शहरारिंङ बंङज़ातोर।

फिलिपियों 1:2

गेह प्रार्थना लहज़ातग कि हेंदु बाह परमेश्वर ए प्रभु यीशु मसीहऊ दोरच़ी केतिंङ मोह्ड़े दाह ए शांति खोकसा लोहतो।

फिलिपियों 4:19

दंङ गिऊ परमेश्वर ला एनोह दुह साहुकारी ऊ हिसाबे अंऊ महिमा रंङ साते यीशु मसीह रिंङ तोह, केहतु भत्ते कमी पूरा लोहतो।

फिलिपियों 4:21

यीशु मसीह रिंङ भत्ते परमेश्वरो मीहतिंङ गिऊ तरफे नमस्कार कुंई, अंऊ विशवासी न्वारे गेरंङ साते तोतोर केतिंङ नमस्कार कुट्रातोर।

फिलिपियों 4:9

गिऊ गप्पा रंङ साते ए गिऊ कमो दोरच़ी अंऊ ला केहच़ी सिखेक्च़ातंई ए ग्रहण लहज़ातंई, दोऊ ए हिसाबे ज़ोई, दोथर शांति ऊ परमेश्वर केतंङ साते बंङज़ोतो।

कुलुस्सियों 3:15

अंऊ मसीह शांति रंड्रा दोबि केनातु विचार रिंङ काबू लेह रांही छना कुचे केरे भत्तेर इच्च़ा फुको शुई। झांह लेह केतिंङ इदि-अईदिरंङ साते शांतिरिङ बंङज़िमी थल्जी बुलाईसी शुईं दंङ हमेशा परमेश्वरो धन्यवाद लोहवा लंहि।

2 थिस्सलुनीकियों 3:16

गेह प्रार्थना लहज़ातग कि प्रभु अंऊ शांति ऊ सोता तोह दोई केतिंङ हर टेम ए भत्ते तरीका रंङ साते शांति रमतो। दंङ प्रभु केतंङ साते हमेशा बंङज़ोतो।

इब्रानियों 13:20

शांति रंड्रा परमेश्वरे, हेंदु प्रभु यीशु बि सिए दोतंङ बिचंङ ज़ि यह्च़ा श्रींङमी लेह च़रति, केतिंङ दू भत्ते चीज़ातंङ साते भरपूर लोहतो अतु केतिंङ दोऊ हिटी पूरे लहज़िमी ज़रूरत तोह। यीशु मसीहू सामर्थो दोरच़ी दू केतिंङ दू भत्ते धिर उत्पन्न लोहतो अंऊ दोबि खुश लहज़ा। यीशु मोह्ड़े वाईदा रंङ साते त्रैंईतु मोह्ड़े रखवाला बणेंके इलज़ा, अंऊ त्रैंईतु तु झुण्डो टोईच़ी दोऊ शुहई दोरच़ी हमेशा ओ थल्जी वाईदा ओ स्थापना ओ छाप लगाएसी तोह। दोऊ महिमा हमेशा तचेक शुहवा लोहतो। अमीन।

यहूदा 1:1

गेह, यहूदा, अंऊ यीशु मसीहू इच्च़ा सेवक ए याकूबो कवचि न्वा शुगाह, केतिंङ दि डाक चेहच़ातग, अंऊ दोतिंङ परमेश्वरे एनोह टोईच़ी विशवास लहज़िमी थल्जी बुलासी ततो। हेंदु परमेश्वर बाह केतंङ साते दाह लहज़ा दंङ केतिंङ यीशु मसीह रिंङ बचाके तहज़ा।

प्रकाशित वाक्य 1:4

गेह यूहन्ना, दि डाक केतिंङ निह्ज़ी कलीसिया बि चेहच़ातग अंऊ आसिया प्रदेशारिंङ रिंङ तोह। गेह प्रार्थना लहज़ातग कि परमेश्वर अंऊ तोह, दंङ अंऊ हमेशा बेहच़ी तोहई, दंङ अंऊ अपिमी तोह; दंङ दुह निह्ज़ी आत्माओ तरफे, अंऊ परमेश्वरो सिंहासनो तुईज़ी तोह, केतिंङ मोह्ड़े दाह ए शांति खोकसोतो।

प्रकाशित वाक्य 2:17

हर इच्च़ा अंऊ गिऊ खबर समझेक्सी जुंज़ा, दोबि दुह गप्पा ध्याना रंङ साते रेड्री जूंशी तोह अंऊ परमेश्वरो आत्मा कलीसिया रंङ साते कुट्रा। दोरे मीहरे अंऊ जीत हासिल लहज़ातोर, गेह दोतिंङ दुह मन्ना ओ दोरच़ी छा रमोग अंऊ ब्याके तोह, गेह दोतु बिचंङ भत्ते तिंङ इच्च़ा छंङसी रह्घ ला रमोग, अंऊ दोऊ टोईच़ी इच्च़ा खरकोई मिन च़ेहसी शोतो। अंऊ मीह दोबि खोकपोतो, दोबि छोड़ेके ऊई अरिला दुह मिन ञेंई मरपोतो।