फिलिपियों 4:6 - लाहौली बाइबिल

⁶ अंऊ ला गप्पो चिंद थालंही, पर हर इच्च़ा हालाता रिंङ केहतु निवेदन, प्रार्थना ए बिनती रंङ साते धन्यवाद रंङ साते परमेश्वरो तुईज़ी हाज़िर लेह केऊर।

फिलिपियों 4:6 Iomraidhean Croise

मत्ती 10:19

पर अपेहल दोच़ी केरे च़ुमने लोहर ता दिह चिंद थालांई कि ञेंहच़ी छना छि कुंई; छना कुचे केतिंङ छिल्ला कुट्रिमी शोतो दुह केतिंङ कंड्रे च़रपोर।

मत्ती 13:22

अंऊ बैएजा छ्वाक्तु विचंङ तोहई दुह हुंज़ी ए माह, दिऊ मतलब दिह शुह कि रेह मीहच़ी परमेश्वरो बचन ता रेड्री, पर संसारो चिंदारिंङ, टंगा-ढबाहऊ छलावा, दंङ ऊई चीज़ा तु लालच दोतु अंद्रेग अच़ा अपि दंङ परमेश्वरो विशवासरिंङ माह बड़ेक्पी।

मत्ती 6:34

दिऊ थल्जी मुह्तंङो पाहठी चिंद थलांई, छना कुचे मुतंङ कि ध्याड़ा एनोह चिंद एनेह लोहतो; तोह कि थल्जी थोह्की दुख ए झोबड़ी तोह।

मत्ती 6:8

झांह लेह केहरे दोतु ठ्रोह था शुई, छना कुचे केहतु पिता परमेश्वरे पेट्री बेहच़ी तुई ञेंहच़ा कि, केतिंङ छि चीज़ो ज़रूरत तोह।

लूको 10:41

प्रभु ज़ि दोबि जुबाब रेंई, “मार्था, हे मार्था; केई महस गप्पो थल्जी चिंद छिला लहच़ातन।

लूको 12:22

दंङ यीशुज़ि एनोह चेला तंङ साते कुंई, “हेंतेग गेह केतंङ साते कुट्रातग, केनातु प्राणो चिंद था लांही कि ञेंहच़ी छी ज़ोहनी; माह केनातु फूको कि, छी लेह्सुंई।

लूको 12:29

दंङ केहच़ी दी गप्पो चिंद था लांही कि छि जोओनी दंङ छि तुंङमोंई, दंङ माह केहच़ी शक लांही।

लूको 18:1

यीशु ज़ि एनोह चेला तिंङ दिऊ पाहठी इच्च़ा कथारिंङ कुंहई कि, रोज प्रार्थना लोहवा लांही दंङ निराश थाह शुई;

लूको 18:7

परमेश्वरे एनोह शता लहसी मीहतु थल्जी अच़ि रात दिन दोऊ तुईज़ी क्रपातोर ज़रुर न्याय लोहतो, दंङ दोतु मदत लहज़िमी थल्जी झाड़ा माह लोहतो।”

1 कुरिन्थियों 7:21

अगर अरिया मीह परगर तोह ता, दंङ प्रभु टोईच़ी विशवास लहज़ा, दंङ केतिंङ दि गप्पो मदम लेहपि माह जूंस, हालांकि, अगर केहतु मालिक केतिंङ कंड्रा कि केरे आज़ाद शुहचे तरपोंई, दंङ इबि तरपोंई।

1 कुरिन्थियों 7:32

गिऊ हिटी तोह कि केरे संसारो हिटी ओ दोरच़ी शत्‌ह बंङज़ुंई, कुंवारा गंङमी दि चिंद लहज़ी कि परमेश्वरो सेवा छना लोहग, दुह प्रभु बि खुश लहज़ी जुंज़ा।

2 कुरिन्थियों 1:11

छना कुचे अपेहल केरे ञेंहतु थल्जी प्रार्थना लहज़ातंई दंङ केरे ञेंहतु मदत लहज़िमी थल्जी जुड़ेके य्वातंई। अंऊ आशीष महसे तु दोरच़ी ञेंहतिंङ खोकसिरी, दोऊ वहज़ा ज़ि महस मीहरे ञेंहतु तरफे धन्यवाद लंहि।

इफिसियों 5:20

छिल्ला धिर हेंदु प्रभु यीशु मसीह ज़ि लहसी तोह दोऊ वहज़ा ज़ि हमेशा हेंदु बाह परमेश्वरो भत्ते गप्पातु थल्जी धन्यवाद लोहवा लंहि।

इफिसियों 6:18

दंङ भत्ते मुक्का ए भत्ते पाहठी हेंदिंङ ध्वांए ए प्रार्थना ए बिनती लहज़ी जूंशी तोह। छना पवित्र आत्माज़ि हेंदु अगुवाई लहज़ा। झांह लेह चेहके बंङज़ेंई दंङ भत्ते परमेश्वरो मीहतु थल्जी हमेशा प्रार्थना लोहवा लंहि।

कुलुस्सियों 3:15

अंऊ मसीह शांति रंड्रा दोबि केनातु विचार रिंङ काबू लेह रांही छना कुचे केरे भत्तेर इच्च़ा फुको शुई। झांह लेह केतिंङ इदि-अईदिरंङ साते शांतिरिङ बंङज़िमी थल्जी बुलाईसी शुईं दंङ हमेशा परमेश्वरो धन्यवाद लोहवा लंहि।

कुलुस्सियों 3:17

दंङ अंऊ बचन ला केहच़ी कुट्रातंई या छिल्ल ला लहज़ा तंई भत्ते धिर प्रभु यीशु मिंदंङ साते लंहि, दंङ प्रभु यीशु दोरच़ी परमेश्वरो बाहऊ धन्यवाद लंहि।

कुलुस्सियों 4:2

लगातार प्रार्थना लोहवा लंहि, दंङ हमेशा धन्यवाद रंङ साते खबरदार शुहचे बंङज़ुंई।

1 तीमुथियुस 2:1

भत्ते बे ज़रूरी गप्पा तोह कि, केरे भत्ते मीहतु थल्जी प्रार्थना, निवेदन, विनती ए धन्यवाद लोह।

1 तीमुथियुस 5:5

दुह रंणी अतु देखभाल लहज़ा अरिला माह, परमेश्वरो टोहकठे ए उम्मीद तहच़ा, दंङ रात-दिन बिनती ए प्रार्थना लहज़ा परमेश्वरो हखा एनोह थल्जी मदत पेट्रा।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

1 पतरस 5:7

केनोह भत्ते चिंद परमेश्वरा बि रें च़रतु, छना कुचे दोई केहतु परवाह लहज़ा।