फिलिपियों 4:5 - लाहौली बाइबिल

⁵ केहतु कोमलता भत्ते मीहतु टोईच़ी प्रगट शोतो, प्रभु यीशु युरनाह वापिस अपतो।

फिलिपियों 4:5 Iomraidhean Croise

मत्ती 6:25

दिऊ थल्जी गेह केतंङ साते कुट्रातग कि, केहच़ी केनातु रोज कि ज़िंदगीऊ चिंद थलांहई कि, ञेंहच़ी छि जोंई छि तुंङमोई माह फूको थल्जी कि छि लेहपोंई। दिह महस रुठे तोह कि केहतु फुक, बगत दंङ केहतु लेहसी खमज़ेबे महस लस तोह।

मत्ती 6:34

दिऊ थल्जी मुह्तंङो पाहठी चिंद थलांई, छना कुचे मुतंङ कि ध्याड़ा एनोह चिंद एनेह लोहतो; तोह कि थल्जी थोह्की दुख ए झोबड़ी तोह।

लूको 21:34

“दिऊ थल्जी खबरदार तोहई, झांह शुहबी माह जूंस कि केहतु सेहम मस्त ए मतवाला, दंङ दिह ज़िन्दगीऊ चिंदे सुस्त शुहचे योतो। दंङ दुह ध्याड़ा फन्दा ओ ठ्रोह अचानक केहतु तुईज़ी अपतो।

1 कुरिन्थियों 16:22

हे ञेंहतु प्रभु, अता।

1 कुरिन्थियों 6:7

अगर केहतु बिचंङ छा झगड़ा शुहबी लेहकी तोह, दंङ केरे तुहई ए नाकाम शुहचे इलजी तोतोंई, दिऊ वहज़ा केतिंङ दि लेह जूंशी तोहई कि ऊईतु बुराई सहन लंहि दंङ केनातु नुकसान शुहबी रांई।

1 कुरिन्थियों 8:13

झांह लेह, अगर मुर्ति बि चढ़ाएसी बगत ज़ेइमी दोरच़ी अई विशवासी न्वा ऊ विशवास कमज़ोर शुहबिमी वहज़ा शवाह, दंङ गेह दि ठ्रोह बगत अपेहल ला माह ज़ोओग ताकि गेह ऊई विशवासी तु विशवास कमज़ोर शुहबिमी वहज़ा बणेक्पोग।

1 कुरिन्थियों 9:25

अंऊ पहलवान कुशती रिंङ हिस्सा लेहपच़ी जुंज़ातोर, दंङ तुहई भ्यास लहज़ातोर, दोरे एनोह टोईच़ी काबू लहज़ातोर। दोरे झांह दिऊ थल्जी लहज़ातोर ताकि द्रक्शे तरपोर दंङ इनाम खोक्शे तरपोर। दोतु आदर लहज़िमी थल्जी लपातु बणेषी हार रंड्रातंई अंऊ महसे ध्याड़ा तचेक माह बंङज़ा। पर हेनर अंऊ यीशु मसीहू टोहकठे विशवास लहज़ातंई, इनाम खोकपोंई, दंङ अंऊ रूठे इनाम दोई हेंदिंङ रमतो दू हमेशा तचेक बंङज़ोतो। झांह लेह हेंदिंङ ला हेंदु टोईच़ी काबू तहच़ि ज़रूरी तोह।

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 थिस्सलुनीकियों 2:2

केरे अचानक केनातु दिमाग ए अरिया भविष्यवाणी, छा उपदेश या झांह ठ्रोह डाक रें दुखी शुहबी थारांई अंऊ ञेंहतु तरफे च़ेहसी समझेक्च़ातंई दंङ अंऊर दि तरीका रंङ कांहषी तोह कि प्रभु यीशु वापिस अपिमी ध्याड़ा अच़ा अंजा, केरे बेइनि था।

तीतुस 3:2

दोच़ी अरिया बदनाम लेह मेस; लड़ाई-झगड़ा लहज़ा शुहबी मेस, पर ऊई मीहतु थल्जी नम्र स्वभाव शुहबी जूंस, दंङ भत्ते मीहतंङ साते नम्रतारंङ साते बंङज़ी जूंशी तोह।

इब्रानियों 10:25

अतंई हेनर परमेश्वरो अराधना लहज़िमी थल्जी ठ्रोहका शुहबी छोड़ेक्पोंई माह, छना कि रें मीहच़ी लहज़ातोर। पर हेंदिंङ इदि-अईदि बि याहब रंड्री जूंस दंङ चेतावनी रंड्री जूंशी तोह, खास लहज़ी हेंतेग कि अपेहल यह्च़ा प्रभु वापिस अपिमी ध्याड़ा कछंङ अपि लेहकी तोह।

इब्रानियों 10:37

छना कुचे, पवित्रशास्त्रा रिंङ च़ेहसी तोह, “हेंतेग महसे थोडे़ टेम केहषा इलज़ा, अपेहल कि अंजा दुह अपतो, ख्राह माह लोहतो।”

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।

1 पतरस 4:7

भत्ते गप्पो अंत युरनाह शुहबिमी तोह; दिऊ थल्जी सहनशील शुहचे ए चौकस बंङज़ा प्रार्थना लंहि।

प्रकाशित वाक्य 22:20

यीशु ज़ि दि भत्ते गप्पो पाहठी गवाही रंड्रा, दंङ दोई कुट्रा, “वोई, गेह युरनाह अपिमी तोतोग।” गेह यूहन्ना ज़ि जबाब रेंईगा, अमीन! हे प्रभु यीशु अता!

प्रकाशित वाक्य 22:7

“दंङ खंणु, गेह युरनाह अपिमी तोतोग; धन्य तोह दुह, अंऊ दि कताबंङ च़ेहसी भविष्यवाणी ओ गप्पा मनेक्च़ा।”