फिलिपियों 4:4 - लाहौली बाइबिल

⁴ प्रभुरिंङ सदा खुश बंङज़ुंई; गेह यह्च़ा कुट्रातग, खुश बंङज़ुंई।

फिलिपियों 4:4 Iomraidhean Croise

मत्ती 5:12

दोहपल केहरे खुशी मनातुंई ए मगन शुई छना कुचे स्वर्गंङ केहतु थल्जी मोह्ड़े ईनाम तोह। दिऊ थल्जी कि दोच़ी दुह भविष्यवक्तातिंङ अंऊ महसे तुईबेज़ि तोईरे ध्यांए तंग लहज़ातेर।

प्रेरित 16:25

अधा राता रिंङ लगभग पोलुस ए सीलास प्रार्थना लहज़ी दंङ परमेश्वरो भजन कुट्री लेह्की तोहरे, दंङ कैदी रे दोतु रेड्री लेह्की तोईरे।

प्रेरित 5:41

दंङ दोरे यहुदी सभा ओ तुईज़ी हुंच़ा इलिर। दंङ छना दोरे वापिस यवातेर दोरे दि गप्पा रंङ खुश शुचे तोईरे कि ञेंरे यीशु थल्जी निरादर शुहबिमी जोगे शुईरे।

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

2 कुरिन्थियों 6:10

हेंदु कछंङ हेंदु टेम तोहई, पर हमेशा खुश बंङज़ातंई। हेनर कंगाल तोतोंई, पर महस मीहतिंङ आत्मिक तरीका रंङ साहुकार बणाके चरच़ातंई। हेनर झांह तोतोंई कि हेंदु कछंङ छल्ले माह, तांला हेंदु कछंङ भत्ते धिर तोह।

गलातियों 1:8

पर अगर हेंदु बिचंङ ज़ि अरिया स्वर्गदूत ला दू रूठे खबर छोड़ेके अंऊ ञेंहच़ी केतिंङ सुनाच़ी तातंई, अरिया अई शत्‌ह शिक्षा ओ टोईच़ी विशवास लहज़ी लेहकी तोतोंई। दंङ परमेश्वरे दोबि शाप रमतो।

फिलिपियों 2:18

ध्वांए केरेला खुश तोंई, दंङ गेरंङ साते खुशी मनेक्तुंई।

फिलिपियों 3:1

झांह लेह गिऊ प्यारे साथी विशवासी रे, प्रभुरिंङ खुश बंङज़ोंई। दुह ए गप्पारे केतिंङ घड़ी-घड़ी च़ेहच़ी गिह्बी ता छिल्ला कष्ट माह शवाह, पर दि गप्पा केतिंङ हप्सी शिक्षा ओ दोरच़ी ला बचाएपोतो।

1 पतरस 4:13

बस दिऊ पाहठी खुश तोईनी, कि केरे मसीहू दुखारिंङ सहभागी शुहचे तोईनी। झांह लेह, अपेहल मसीह भत्ते मीहतिंङ एनोह महिमा प्रगट लहज़िमी थल्जी यह्च़ा अपतो दंङ केहतु खुशी हेले रिंङ बणेंके योतो।