फिलिपियों 4:18 - लाहौली बाइबिल

¹⁸ गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

फिलिपियों 4:18 Iomraidhean Croise

प्रेरित 10:4

कुरनेलियुस ए स्वर्गदूतो हखा ध्याना रंङ साते खांई दंङ बेवा ते कुई, “हे मालिका छि शुह?” स्वर्गदूते जुबाब रेंई, कांह प्रार्थना ए कांह गरीबा तु थल्जी दान परमेश्वरो तुईज़ी पिचे इल्दोर।

रोमियो 12:1

झांह लेह हे गिऊ प्यारे साथी विशवासी रे, गेह केतंङ साते परमेश्वरो दया हिद रंड्रा बिनती लहज़ातग कि केनोह जीवन बि श्रींङे, पवित्र, परमेश्वराबि रूठे च़ेहसा बलिदान ठ्रोह चढ़ाएतु। दिए परमेश्वरो सेवा लहज़िमी सही तरीका तोह।

2 कुरिन्थियों 11:8

केहतु सेवा लहज़िमी थल्जी गिह्बी ऊई कलीसिया ओ दोरच़ी मदत खोकसिरी। केतिंङ दि कुट्री जूंशी माह तोहई कि झांह लेह गलत शुह।

2 कुरिन्थियों 9:12

छना कुचे दि सेवा पूरा लहज़िमी रंङ, माह सिर्फ पवित्र मीहतु कमी पूरा शवाह, पर मीहतु तरफे परमेश्वरो महस धन्यवाद शवाह।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

फिलिपियों 4:12

गेह गरीब ए भरपूरी झुल्ला रिंङ बंङज़ी सिखेक्सा इलोग, हर इच्च़ा हालातरिंङ ए भत्ते पाहठी गेह तृप्त शुहबी ञेंच़ातग। अपेहल गिऊ कछंङ ज़ेइमी थल्जी महस धिर शवात दंङ अपेहल गिऊ कछंङ ज़ेइमी थल्जी थोड़े शवात गेह झुल्ला रिंङ बंङज़ी सीखेसी इलजी तोतोग।

2 थिस्सलुनीकियों 1:3

हे गिऊ प्यारे साथी विशवासी रे, केहतु पाहठी ञेंतिंङ लगातार परमेश्वरो धन्यवाद लहच़ी जूंशी तोह, झांह लेह ञेंहतु थल्जी ठीक ला तोह, छना कुचे प्रभु यीशु मसीहरिंङ केहतु विशवास लगातार बड़ेक्पी लेहकी तोह, दंङ इदि अई दिऊ थल्जी केहतु दाह ला महस बड़ेक्पी लेहकी तोह।

इब्रानियों 13:16

केरे भलाई लहच़ी ए इदि-अई दिऊ मदत लहज़िमी थल्जी तेयार बंङज़ुंई, छना कुचे परमेश्वर झांह ठ्रोह बलिदाना रंङ साते खुश शवाह।