फिलिपियों 4:17 - लाहौली बाइबिल

¹⁷ गेह दि दिऊ थल्जी माह कुट्रातग कि गेह ढबाह जुंज़ातग पर गेह जुंज़ातग कि दिबी दुह रूठे गिनती रिंङ शामिल लेह जूंशी तोह अंऊ केहच़ी तुहई ए लेह चरच़ातन दंङ अतु थल्जी परमेश्वरो केतिंङ ईनाम रमतो।

फिलिपियों 4:17 Iomraidhean Croise

यहून्नो 15:16

केहच़ी गेह अंङषी माह शुगाह, पर गेह केतिंङ अंङषातग दंङ केहरे ठेहराएक्तग कि केहरे इलजे फल हतांई; दंङ केहतु फल हमेशा ओ थल्जी शोतो, कि केहरे गिऊ चेलारे शुई, दिऊ थल्जी छिला धिर पिता परमेश्वरो दोरच़ी पेपोंन, दोई केतिंङ रमतो।

यहून्नो 15:8

गिऊ पिता परमेश्वरो महिमा दिरंङ ए शवाह, कि केहरे महसे फल हतांई, दोथरे केहरे गिऊ चेलारे शोंई।

रोमियो 15:28

झांह लेह गेह तुहई यरूशलेम शहरो हखा यवातग ताकि दोतिंङ दि ठ्रोहका लहसी दान रें तरपोग, दोऊ थल, गेह यह्च़ा रोम देश अंज़े केतंङ साते दोआ स्पेन देशो हखा अच़ा योग।

2 कुरिन्थियों 11:16

गेह यह्च़ा कुट्रातग, अच़िया गिह्बी मुर्ख था समझेक्तुंई; माह ता मुर्ख चेहके गिऊ सहन लंहि, ताकि थोड़े हरे गेह ला घमण्ड ले तरपोग।

2 कुरिन्थियों 9:5

झांह लेह गेह दि ज़रूरी समझेक्तग कि गेह तीतुस ए दोऊ झुह्ट विशवासी न्वातंङ साते दि बिनती लोहग कि दोरे तुहई ए केहतु कछंङ अच़ा अपोर, दंङ दू प्रतिज्ञा लहसी भेंटो प्रबन्ध लेह केहतो, अंऊ केहच़ी सेहम अल्ज़े रें चरच़ातंई, माह कि कंजूसी रंङ साते।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

फिलिपियों 4:11

दि गेह दिऊ थल्जी माह कुट्रातग, कि गिह्बी छोह् आ गप्पो कमी तोह, छना कुचे गेह भत्ते हालातरिंङ सन्तुष्ट बंङज़ी सिखेगी इलजी तोतोग।

1 थिस्सलुनीकियों 2:5

केहच़ी ञेंच़ातंई, कि हेनर माह ता अपेहल लाह चापलूस गप्पारे लहज़ातंई, दंङ माह ए ञेंहच़ी केहतु दोरच़ी ढबाह खोकच़िमी थल्जी झांह ठ्रोह लहज़ातंई दि गप्पो परमेश्वरो गवाह तोह।

1 तीमुथियुस 3:3

दुह इच्च़ा शराबी मीह या झांह ठ्रोह शुहबी मेस अंऊ हमेशा लड़ाई लहज़ी बंङज़ा, पर दयालु ए शांत स्वभावो मीह शुहबी जूंस, दंङ माह ए ढबाहो लालची शुहबी जूंस।

1 तीमुथियुस 6:10

छना कुचे ढबाहो लालच भत्ते पाहठी बुराई ओ जड़ शुह, रें मीहच़ी सूले-सूले मसीहू शिक्षाओ टोहकठे विशवास लहज़ी बंद लेह केहतोर, छना कुचे दोरे ढबाह बि महस जुन्ज़ातेर, दंङ दोरे महस पाहठी दुखी तोतोर, इच्च़ा झांह ठ्रोह मीह अच़ि एनाबि इच्च़ा हथियार तिरच़ी चरच़तो।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

तीतुस 3:14

सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

इब्रानियों 6:10

छना कुचे केहच़ी रूठे कम लहज़ातंई दंङ हेंतेग ला केरे परमेश्वरो मिंदंङ परमेश्वरो मीहतु थल्जी दाह रंङ साते सेवा ओ कम लहज़ी लेहकी तोतोंई, झांह लेह परमेश्वर केतिंङ पेषतो माह छना कुचे दू धर्मी तोह।

1 पतरस 5:2

कि विशवासी तु दू झुंडो रखवाली लंहि अंऊ परमेश्वरो तोह, दंङ अपि केतिंङ देखभाल लहज़िमी थल्जी रांहषी तोह। खुशी रंङ साते दोतु देखभाल लंहि, दिऊ थल्जी मशत कि केरे मज़बूर तोतोंई। दिए परमेश्वरे जुंज़ा कि केहच़ी लंहि। सिर्फ ढबाहो थल्जी विशवासी तु देखभाल था लंहि, पर दिऊ थल्जी कि केरे हेले रिंङ दोतु मदत लहज़ी जुंज़ातंई।

2 पतरस 2:15

दोच़ी रूठे कम लेह बन्द लहज़ी केहषी तोह, दंङ दोच़ी ध्वांए ठ्रोह कम लहज़ी शुरू लेह केहषी तोह, अंऊ कि बओरो ओ योह बिलामे महसे तुहई लहसी तहरे। दोई गलत कम लहज़ी ढबाह कमाएच़िमी पसन्द लहरी।

2 पतरस 2:3

दि उपदेश रंड्रा दिरे लालची शोर, दंङ दोरे बणाएषी ठ्रोह कथा कुचे केतिंङ धोखा रमोर ताकि केहतु दोरच़ी ढबाह कमाके तरपोर। परमेश्वरे महसे टेम तुहई ए दि फेंसला लेह चरच़ाते कि दुह दोतिंङ सज़ा रमतो दंङ दुह झांह लहज़िमी थल्जी तेयार तोह। दुह हेले रिंङ दोतिंङ नाश लेह च़रपोतो।

यहूदा 1:11

दोतु टोईच़ी हाय! कि दोच़ी आदमो योह कैनो ठ्रोह मदम व्यवहार लहरिर, अच़ि एनोह न्वा सचे च़रति। दोच़ी जल्दबाज़ी रिंङ दुह ए गलती लहरिर अंऊ बिलामे ऊई मीहतिंङ पापो हखा शिल्ज़िमी मुक्का लहरी ताकि ढबाह खोक्शे तरपोतो। छना मूसा ओ खिलाप विरोध लहज़ा कोहर वंशो नाश शुहचे इलि, ध्वांए ठ्रोह दिरे मीहरे ला नाश शुहचे योर छना कुचे दोरे ला प्रभु खिलाप विद्रोह लहज़ातोर।