फिलिपियों 4:14 - लाहौली बाइबिल

¹⁴ दंङ तांला केहच़ी रूठे लहरिन कि गिऊ कलेशा रिंङ गिह्बी ढबाह रंड्रीमी दोरच़ी गिऊ साथी शुहचे ईलांई,

फिलिपियों 4:14 Iomraidhean Croise

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

रोमियो 15:27

दोच़ी दि खुशी रंङ साते लहरिर कि, पर दोरे यरूशलेम शहरारिंङ बंङज़ा मीहतु कर्ज़दार तोतोर, छना कुचे ऊईजाति ज़ि यरूशलेम शहरारिंङ बंङज़ा विशवासी तु दोरच़ी रूठे खबरो आत्मिक आशीष खोकतिर, झांह लेह दोतिंङ च़ेहसा, कि दिऊ बदला रिंङ दोरे कम से कम दोतु दान रंड्रा ते मदत लेह तरपोर।

गलातियों 6:6

अंऊ मीहतिंङ परमेश्वरो बचनो शिक्षा रंड्रातोर, दंङ दोतु फर्ज़ बणेक्पा, कि छिल्ला धिर दोतु कछंङ तोह, दू मीहतंङ साते फासि जूंस अंऊ दोतिंङ सिखाएच़ातोर।

फिलिपियों 1:7

चाहे गेह जेलारिंङ तोतोग या गेह दि साबित लहज़ातग कि रूठे खबर हेले शुह। ठीक तोह कि गेह केहतु थल्जी झांह ठ्रोह विचार लोहग, छना कुचे गेह केतंङ साते महस दाह लहज़ातग चाहे गेह जेलारिंङ तोतोग या गेह रूठे खबरो बचाब लहज़ी लेहकी तोतोग दि साबित लहज़िमी थल्जी कि रूठे खबर हेले शुह, झांह लेह केरे भत्तेर गेरंङ साते परमेश्वरो मोह्ड़े दाह रिंङ सहभागी शोंई।

फिलिपियों 4:18

गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

1 तीमुथियुस 6:18

दोतिंङ भलाई ऊ कम लहज़िमी थल्जी कुह, दंङ ऊईतु थल्जी छिल्ला ज़रूरत तोह दोबि महस खुले सेहमे दान रम्मा लंहि।

इब्रानियों 10:33

रेह बिचंङ ता झांह शुई कि, कि केरे अपमान ए अत्याचार सहन लहज़ा भत्ते तु तुईज़ी तमाशा बणेंके इलांई, दंङ रें बिचंङ केरे दू मीहतु बिचंङ शामिल शुहचे इलांई अंऊ दोतु अपमान शवाते दंङ अंऊ दोतंङ साते मदम बर्ताब शवाते।

इब्रानियों 10:34

केरे कैदी तु दुखा रिंङ ला दुखी शुहचे इलिन, दंङ केनातु टंगा ढबाह ला खुशी रंङ लुटाके च़रतिन; छना कुचे केहच़ी ञेंहच़ातंई कि केहतु कछंङ हेंतेग ला दू चीज़ारे तोतोर अतु वाईदा परमेश्वरे लाहते, अंऊ कि महस खास तोह दंङ हमेशा ओ थल्जी बणेंके बंङज़ा।

इब्रानियों 13:16

केरे भलाई लहच़ी ए इदि-अई दिऊ मदत लहज़िमी थल्जी तेयार बंङज़ुंई, छना कुचे परमेश्वर झांह ठ्रोह बलिदाना रंङ साते खुश शवाह।

प्रकाशित वाक्य 1:9

“गेह यूहन्ना, केहतु साथी विशवासी, दंङ यीशु रंङ साते केहतु एकता ओ वहज़ा ज़ि गेह केतंङ साते परमेश्वरो राज रिंङ, दुखा रिंङ, दंङ दुह सहन लहज़िमी शाक्ति रिंङ सहभागी तोतोग, गिह्बी पतमुस टापूरिंङ कैदी बणाके चरच़ि छना कुचे परमेश्वरो खबर ए यीशु दोरच़ी प्रगट लहसी सच्चाई ओ प्रचार लहज़ा।”