फिलिपियों 4:12 - लाहौली बाइबिल

¹² गेह गरीब ए भरपूरी झुल्ला रिंङ बंङज़ी सिखेक्सा इलोग, हर इच्च़ा हालातरिंङ ए भत्ते पाहठी गेह तृप्त शुहबी ञेंच़ातग। अपेहल गिऊ कछंङ ज़ेइमी थल्जी महस धिर शवात दंङ अपेहल गिऊ कछंङ ज़ेइमी थल्जी थोड़े शवात गेह झुल्ला रिंङ बंङज़ी सीखेसी इलजी तोतोग।

फिलिपियों 4:12 Iomraidhean Croise

मत्ती 11:29

गिऊ जुम केनातु टोईच़ी उठातुंई, दंङ गिऊ दोरच़ी ञेंई। छना कुचे गेह शांत ए सेहमो रूठे तोतोग: दंङ केहच़ी केनातु सेहमरिंङ आराम खोकपोंई।

मत्ती 13:52

यीशुज़ि दोतिंङ कुहतो, “दिऊ थल्जी भत्ते यहुदी शास्त्री स्वर्गो राज्यो चेला शुहचे तोह, दुह घरबारो मालिको ठ्रोह शुह अच़ि एनोह खरकोई ए युई टंगा-ढबाह दुह ठाहरिरिंङ ज़ि धह्तेका हुंपा अंऊर दोई ऊईतु मदत लहज़िमी थल्जी दुह ठ्रोहका लाह।”

2 कुरिन्थियों 10:1

गेह दू ए पोलुस शुगाह अंऊ केहतु तुईज़ी डरपोक तोतोग, पर थाह्को थले केहतु हखा याहब लहज़ातग; गेह केतंङ साते मसीहू नम्रता, दंङ नगी शुहचे निवेदन लहज़ातग।

2 कुरिन्थियों 10:10

छना कुचे रें मीहच़ी कुट्रातोर, “दोऊ डाकर ता गंभीर ए प्रभावशाली शवाहतोर; पर अपेहल दू एनेह अपत, दू मुक्का दोऊ फुक कमज़ोर तंङफा दंङ दोऊ गप्पा लहज़िमी शाक्ति ना ओ बराबर तोह।”

2 कुरिन्थियों 11:27

मेहनत ए कष्ठारिंङ; घड़ी-घड़ी चेहकी बंङज़िमी; योंई ए तिस्करा रिंङ; घड़ी-घड़ी योंई बंङज़िमी थल्जी; सोईरिंङ फ्थरे बंङज़ी बे

2 कुरिन्थियों 11:7

गेह केहतु बिचंङ परमेश्वरो रूठे खबर मुफ्ता रिंङ प्रचार लहज़ा घेंङा बि नम्र लहरिगा ताकि केहतु आदर शुहबी जूंस। छि गेह झांह लहच़ी छा पाप लाहतगा।

2 कुरिन्थियों 11:9

दंङ अंऊ मुक्का गेह केतंङ साते तोईग, दंङ गिह्बी ढबाहो कमी शुई, दंङ गेह अतुला टोईच़ी भार माह केईगा छना कुचे विशवासी न्वारे ज़ि, मकिदुनिया नगरंङ अंज़े गिऊ कमी पूरा लहरिर; दंङ गेह छना ठ्रोह ला केहतु थल्जी छना ठ्रोह ला परेशानी बढ़ेक्पिमी दोरच़ी बचेके इलिगा, दंङ अंजा टेमारिंङ ला केहतु टोईच़ी बोझ माह बणेक्पोग।