फिलिपियों 4:1 - लाहौली बाइबिल

¹ हे गिऊ प्यारे साथी विशवासी रे, गेह केतंङ साते महस दाह लहज़ातग दंङ गेह केतंङ साते दोईमी इंतज़ार लेह लेहकी तोतोग। अंऊ गिऊ खुशी ए गिऊ ईनाम तोह, गिऊ प्यारे न्वारे, प्रभुरिंङ दि ध्यांए ठ्रोह खड़े बंङज़ुंई।

फिलिपियों 4:1 Iomraidhean Croise

मत्ती 10:22

दंङ गिऊ टोहकठे विशवास लहज़िमी रंङ साते भत्ते मीहच़ी केतंङ साते बैर लोहर; पर अंऊ दुखो अनंत तचेक गिऊ टोहकठे पक्‍का विशवासरिंङ बंङज़ोतो, परमेश्वरे दुह बचाके च़रपोतो।

यहून्नो 8:31

दंङ यीशु ज़ि दोरे यहुदी मीहतु हखा अच़ि यीशु ऊ टोहकठे विशवास लहतेर, कुंई, “अगर केहरे गिऊ शिक्षा रेड्राते दुह मनेक्च़ातन, ता हेले केहरे गिऊ चेलार शोन।

प्रेरित 11:23

अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्‍का तोंई।

प्रेरित 14:22

दंङ हर इच्च़ा शहरो चेला तु सेहम पक्‍का लोहवा लहरिर दंङ दिह शिक्षा रंड्रातेर कि विशवास रिंङ बणेंके तोंई; दंङ दिह कुट्रातेर, ञेंतिंङ महस कष्ट उठाके परमेश्वरो राज रिंङ इबि लेह्पोतो।

प्रेरित 2:42

दंङ दोरे प्रेरितातु दोरच़ी शिक्षा लेहप्च़िमी थल्जी, ए संगति लहज़िमी थल्जी, दंङ दोरे प्रभु भोजंङ शामिल शवातेर दंङ बिशवासी मीहरे इच्च़ा साते शुहचे बगत ज़ोआतेर, दंङ प्रार्थना रिंङ मगन बंङज़ातेर।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

1 कुरिन्थियों 16:13

खबरदार बंङज़ुंई, विशवासा रिंङ ढकाह तोहई, हिम्मत तंही, दंङ विशवासा रिंङ पक्‍का शुहचे तोहई।

गलातियों 5:1

मसीह ज़ि हेंदिंङ मूसाओ कानूनो भाषे लहज़िमी दोरच़ी आज़ाद लेह च़रति, ताकि ञेंरे यह्च़ा अपेहला दुह कानूनो गुलाम माह बणेक्पोंई। झांह लेह केनातु आज़ादी रिंङ अटल बंङज़ुंई दंङ केनातिंङ यह्च़ा। गुलाम थाह बड़ेक्तुंई।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 1:8

दिरिंङ परमेश्वर गिऊ गवाह तोह कि गेह यीशु मसीहू ठ्रोह दाह लहच़ी ते केतंङ भत्तेतंङ साते दोईमी लालच लहज़ातग।

फिलिपियों 2:16

झांह लेह गेह मसीहू यह्च़ा अपिमी ध्याड़ो थल्जी दि गप्पो टोहकठे घमण्ड लेह तरपोग कि गिऊ कोशिश ए मेहनत लहज़ी बेकार माह शुई।

फिलिपियों 2:26

दोऊ सेहम केहतु भत्ते तु बिचंङ लेहकी तोहई, दंङ दुह बैचेन बंङज़ा ते छना कुचे केहच़ी दोऊ टेहषीऊ हाल रेहशी तरैंई।

कुलुस्सियों 4:12

इपफ्रास, अंऊ केहतु नगरो तोह, दंङ मसीह यीशु दास तोह, केतिंङ नमस्कार कुट्रा। दोई केहतु थल्जी सेहमारंङ प्रार्थना लहज़ा, ताकि परमेश्वर केतिंङ पक्‍का ए सिद्ध बणाके दंङ केरे भत्ते विशवासारंङ साते परमेश्वरो हिटी पूरा लोहवा लोंहि।

1 थिस्सलुनीकियों 3:13

दंङ ञेंहच़ी प्रार्थना लहज़ातंई कि हेंदु प्रभु यीशु मसीह केहतु सेहम झांह ठ्रोह पक्‍का लोहतो, कि अपेहल दुह एनोह भत्ते पवित्र मीहतंङ साते वापिस अपतो, दंङ दुह हेंदु बाह परमेश्वरो तुईज़ी पवित्रतारिंङ निर्दोष ठहरेसोतो।

2 थिस्सलुनीकियों 2:15

झांह लेह हे गिऊ प्‍यारे साथी विशवासी रे, खड़े बंङज़ुंई, दंङ दुह गप्पातु टोहकठे विशवास लोहवा लंहि, अंऊ ञेंहच़ी केतंङ साते बंङज़ा या डाको दोरच़ी केतिंङ सिखाएक्तुंई।

2 तीमुथियुस 2:1

झांह लेह हे गिऊ योह तीमुथियुस, कांह दुह मोह्ड़े दाह रंङ साते अंऊ यीशु मसीह रंड्रा, बलबंत शुहचे ईल,

इब्रानियों 10:23

हेंतेग हेनर बिना छा शक मेह हेंदु दू उम्मीद रिंङ अटल बंङज़ोंई, छना कुचे हेनर परमेश्वरो टोईच़ी दोऊ वाईदा पूरा लहज़िमी थल्जी विशवास लेह तरपोंई।

इब्रानियों 3:14

अगर हेनर हेंदु तुहई कि विशवासा बि थल मुक्का तचेक पक्‍का बणाके तोहनि, दंङ हेनर मसीहू सहभागी शुहचे योंई।

इब्रानियों 4:14

यीशु अंऊ स्वर्गो हखा इलज़ा, दू परमेश्वरो योह शुह। दू हेंदु भत्ते तु यहुदी महापुरोहित शुह। झांह लेह अतंई हेनर दू विशवासा बि छोड़ेके पक्‍का रंङ साते बंङज़ोंई अपि हेंज़ी भत्ते तु तुईज़ी स्वीकार लाहतंई।

2 पतरस 3:17

झांह लेह हे गिऊ प्यारे साथी विशवासी रे, केहच़ी तुहई बेहच़ी ञेंच़ातंई कि दि गप्पारे शोर। झांह लेह, खबरदार बंङज़ुंई ताकि अंऊ मीहरे नियम माह मनेक्च़ातेर दोरे केतंङ साते हप्सी कुचे केतिंङ भटकागी च़रपोर दंङ केरे हेले गप्पा रिंङ विशवास लेह बन्द लेह च़रपोंई अंऊ दोऊ टोईच़ी केहच़ी इच्च़ा टेम पक्‍का रंङ विशवास लहज़ातंई।