फिलिपियों 3:9 - लाहौली बाइबिल

⁹ ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

फिलिपियों 3:9 Iomraidhean Croise

मत्ती 9:13

दिऊ थल्जी केहरे ईलांई दंङ दिऊ मतलब सिखेकतुंई, ‘कि गेह बलिदान माह पर दाह जुंज़ातग’ गेह दुह मीहतिंङ बुलाच़ि अंज़े माह शुगाह अच़ि एनाबि धर्मी चेहच़ातोर, दंङ दोतिंङ बुलाच़ी अंज़े शुगाह अच़ि एनाबि पापी चेहच़ातोर।”

रोमियो 1:17

छना कुचे रूठे खबरा रिंङ परमेश्वरे दि प्रगट लाह कि दुह मीहतङ भत्ते रिति रंङ धर्मी घोषित लहज़िमी जोगे तोह, अंऊ दू शुरूआत बेहच़ी थल मुखंङ तचेक विशवासा रिंङ टिकेकी तोह छना पवित्र शारत्ररिंङ च़ेहसी तोह, “विशवासो दोरच़ी धर्मी मीह श्रींङे बंङज़ोतो।”

रोमियो 10:10

परमेश्वरो तुईज़ी धर्मी बणेक्पिमी थल्जी सेहमरिंङ ज़ि विशवास लेह जूंशी तोह, दंङ उद्धार खोकसिमी थल्जी आहच़ि अंगीकार लहज़मी जूंशी तोह।

रोमियो 16:7

न्वा अन्द्रुनीकुस ए रिंङ यूनियासा बि छना गेह यहुदी तोतोग, ध्वांए दोरे ला तोतोर, दंङ गेरंङ साते जेलारिंङ तोईरे, दंङ प्रेरित दोतिंङ रूठे रंङ ञेंहच़ातोर, दंङ गिहबे ला तुहई मसीहू शिष्य बणेक्तिर दोतिंङ ला गिऊ नमस्कार।

रोमियो 5:21

कि छना भत्ते मीहच़ी पाप लाहतेर दंङ दोरे भत्ते सिए इलिर, ध्वांए ए हेंदु प्रभु यीशु मसीहू दोरच़ी मोह्ड़े दाह ला धर्मी बणाएपोतो दंङ दोतिंङ अनंत जीवन रमतो।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 2:16

तांला हेनर यहुदी विशवासी ञेंहच़ातंई कि मूसा ओ कानूनो भाषे लहज़ा अरिला मीह परमेश्वरो तुईज़ी धर्मी साबित माह शोतो, पर सिर्फ मसीहू टोहकठे विशवास लेह रंङ साते धर्मी ठहरेसोतो। झांह लेह ञेंहच़ी हेंज़ी ला यीशु मसीहू टोईच़ी विशवास लहरिन, कि हेनर कानूनो कमो दोरच़ी मशत, पर मसीहू टोईच़ी विशवास लहज़िमी रंङ साते धर्मी शोंई; छना कुचे कानूनो भाषे लहज़ा ते अरिला मीह धर्मी माह ठहरेसोतो।

फिलिपियों 3:6

खुशीऊ पाहठी गेह कोग ता कलीसियाबि सताएच़ा दुह; दंङ यहुदी कानून मनेक्च़ा तु, इच्च़ा धर्मी मीह तोहई, छना कुचे गेह दोऊ भत्ते पालन लाहतेर।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

तीतुस 3:5

दोई हेंदिंङ पापो सज़ा ओ दोरच़ी बचाएति दंङ दि धर्मिकता ओ कमो थल्जी मशत, अंऊ हेंज़ी लाहतंई, पर दोई एनोह दाह ओ हिसाबे लहरी, दोई हेंदु पाप शुल्ज़े शत्‌ह लेह च़रति, दंङ पवित्र आत्माओ दोरच़ी हेंदिंङ खरकोई जीवन रें च़रति।

इब्रानियों 6:18

दंङ देर यह्च़ा झुह्ट गप्पो ज़िकर तोह, इच्च़ा दोऊ वाईदा, दंङ अई दोऊ कसम, अंऊ अपेहल ला लेहक्सतो माह दंङ अतु पाहठी परमेश्वर अपेहल ला हप्सी कुट्री मरपोतो। झांह लेह अंऊ हेनर परमेश्वरो कछंङ सुरक्षा खोकसिमी थल्जी अंज़े शुहई दंङ अंऊ उम्मीद दोई हेंदिंङ रांहषी ततो, दोबि चुमज़ा बंङज़ा तोंहि, दंङ हेनर महस खुश तोतोंई।

याकूब 3:2

हेनर महसे फेरा पेहषा। अगर अरिया मीह अंऊ ला दोई कवात दोरिंङ छिल्ला गलती माह लहज़ातग, दंङ दुह सिद्ध मीह शुह; दंङ एनोह भत्ते फुको टोईच़ी नियंत्रण लेह तरच़ा।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।

1 यूहन्ना 3:4

अगर अच़िया पाप लोहवा लाह, दोई कानूनो भाषे माह लहज़ा। दंङ कानूनो भाषे माह लहज़ी ए अधर्म शुह।