फिलिपियों 3:7 - लाहौली बाइबिल

⁷ पर अंऊ गप्पारे गेह सोचेक्च़ातेग गिऊ थल्जी फायदा ओ तोहई, दोतिंङ ए गेह मसीह बि ञेंहच़िमी रंङ साते नुकसान समझेगी च़रतिगा।

फिलिपियों 3:7 Iomraidhean Croise

मत्ती 16:26

अगर मीह भत्ते संसाराबि खोक्शे च़रपोतो दंङ एनोह जहानो नुकसान लोहतो, ता दोबि छि फायदा शोतो? या परमेश्वरारंङ साते अनंत जीवन खोकसिमी थल्जी ञेंहच़ी परमेश्वरा बि छल्ले रेह मरच़ि।

मरकुसो 10:50

दुह कांणे दोई एनोह लेहसी चादर छ़ंङज़ा दोपहल ए खड़े शुहचे यीशु ऊ कछंङ अति।

लूको 14:26

“अगर अरीया गिऊ कछंङ अपा दंङ एनोह याह ए बाह, मेच़ा, कटुरे दंङ न्वारे ए रिंङरे देहर तचेक कि एनोह जहानो ला गिहबे ला महस प्यारे चेहच़ा, दंङ दुह गिऊ चेला शुबी मरपोतो;

लूको 14:33

दिए रीतिङ केहतु बिचंङज़ि अच़िआ एनोह भत्तेधिर ब्याड़ा माह लोहतो दुह गिऊ चेला शुबी मरपोतो।

लूको 16:8

“दंङ साहुकारे दुह चलाक खज़ान्च़ी ओ तारीफ लहतो, कि केई अंयों चलाकी रंङ साते कम लहतन; छना कुचे ध्यांए ठ्रोह दिह संसारो मीहरेर एनातु साथीतंङ साते मुक्को रीति रिवाज़ ए चाल चलनारिंङ धर्मी मीहबे ला महस चलाक तोतोर।”

प्रेरित 27:38

अपेहल दोरे बगत ज़े कहशी इलिर, दंङ अंऊ छ्वाह बोरी जहाज़ंङ तोईरे समुंद्रंङ छङें जहाज़ लंङे लहज़ी लेहतिर।

इब्रानियों 11:26

मूसा ज़ि ञेंच़ाते कि मिस्त्र देशो खज़ाना ओ तुलना ओ बे मसीह बि दुख उठाती महस रूठे तोह, छना कुचे झांह लहज़िमी रंङ साते परमेश्वर दोबि स्वर्गो दोरच़ी ईनाम रमतो।