फिलिपियों 3:5 - लाहौली बाइबिल

⁵ गिऊ जेह्कपिमी थल रेह ध्याड़ो थल गिऊ खतना शुई, छना परमेश्वरो हुकुम तोहई, दंङ गेह जेह्कपिमी मुक्का बे इस्राएली शुगाह, दंङ बिन्यामीनो गोत्रो शुगाह; दंङ गेह पक्‍का यहुदी शुगाह; गिऊ बाह-मेमेर ला यहुदी तोईरे। अगर मूसा ओ कानून मनेक्च़िमी गप्पा तोह ता गेह फरीसी शुगाह।

फिलिपियों 3:5 Iomraidhean Croise

लूको 1:59

दंङ रेह ध्याड़ारिंङ दोरे कटुऊ खतना लहज़िमी थल्जी अतिरे। दोरे दोऊ मिन दोऊ बाहू मिन्दिंङ जकर्याह केट्री तातेर।

लूको 2:21

दुह कटु यीशु जन्मो थल रेह ध्याड़ो थल दोऊ खतना ओ ध्याड़ा अति, ता दोऊ मिन यीशु केरिर, दिह मिन स्वर्गदूतो दोरच़ी, दोऊ खोकटुंङ अन्जी बे तुई रांहषी तरेर।

लूको 5:38

दिऊ थल्जी मीहच़ी खरकोई सरा खरकोई बरच़ु अंद्रेग पिंङषी।

प्रेरित 22:3

गेह ता यहुदी शुगाह, गिऊ जन्म किलिकिया प्रदेशो तरसुस शहरंङ शुहचे शुह; पर दि शहरा रिंङ गमलीएल गुरूओ कोंज़ो कछंङ बंङज़ा शिक्षा ग्रहण लहरिग, दंङ बाह मेमेतु कानून ला रूठे रंङ सिखेक्सा इलिग; दंङ गेह परमेश्वरो थल्जी झांह ठ्रोह जोशिला तोईगा, छना केरे भत्तेर हेंतेग तोतोंई।

प्रेरित 23:6

अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”

प्रेरित 6:1

दुह ध्याड़ा रिंङ अपेहल चेला तु गिनती महस शुहबी लेहती। दंङ यूनानी भाषा कुट्रा यहुदी विश्वासिर, इब्रानी भाषा कुट्रा यहुदी विश्वासी तु खिलाप शिकायत लहरिर, कुट्री लेहतिर, कि हर ध्याड़ो सेवा रिंङ ञेंहतु ए रंणी मेच़िमी तु ख्याल माह तहच़ातोर।

रोमियो 11:1

झांह लेह गेह रूहक्च़ातग, छि परमेश्वरे एनोह प्रजा बि छोड़ेके चरच़तो आ? माह अपेहल ला माह! गेह ल ता इस्राएली शुगाह; अब्राहमो खानदान ए बिन्यामीनो खानदानो दोरच़ी शुगाह।

2 कुरिन्थियों 11:22

छि दोरे ए इब्रानी शुरे? गेह ला शुगाह। छि दोरे इस्राएली शुरे? गेह ला शुगाह; छि दोरे अब्राहमो खानदानो शुरे? गेह ला शुगाह।